لبنان کے مسیحی صدر کی جانب سے آیت اللہ سید علی سیستانی کی قدردانی
اشاعت کی تاریخ: 1st, June 2025 GMT
بغداد میں میڈیا سے گفتگو میں لبنانی صدر نے کہا کہ ہم اظہار عداوت کے بغیر ملکی خودمختاری کو یقینی بنائیں گے۔ انہوں نے مزید کہا کہ ہمیں مشترکہ عرب مفادات کا نظام درکار ہے۔ اسلام ٹائمز۔ لبنانی صدر جوزف عون آج سرکاری دورے پر بغداد پہنچے ہیں۔ اس موقع پر انہوں نے آیت اللہ سید علی سیستانی کے کردار کی تعریف کرتے ہوئے ان کی شخصیت کی عظمت کا اعتراف کیا ہے۔ لبنان کے صدر جوزف عون کا بغداد کے بین الاقوامی ہوائی اڈے پر عراقی وزیراعظم محمد شیاع السوڈانی نے سرکاری طور پر استقبال کیا۔ لبنانی صدر نے بغداد کے صدارتی محل میں اپنے عراقی ہم منصب عبداللطیف راشد سے بھی ملاقات کی۔ لبنانی صدر جوزف عون نے السوڈانی کے ساتھ پریس کانفرنس کے دوران آیت اللہ سید علی السیستانی کے کردار کی تعریف کی۔ لبنانی صدر نے کہا کہ جناب سیستانی نے روشن مستقبل کا واضح روڈ میپ دیا ہے۔ انہوں نے یہ بھی کہا کہ ہم اظہار عداوت کے بغیر ملکی خودمختاری کو یقینی بنائیں گے۔ انہوں نے مزید کہا کہ ہمیں مشترکہ عرب مفادات کا نظام درکار ہے۔
.ذریعہ: Islam Times
پڑھیں:
صدر زرداری کا چین میں سنکیانگ اسلامک انسٹیٹیوٹ کا دورہ، مسلمانوں کیلئے خدمات کی تعریف
صدر مملکت آصف زرداری نے چین کے شہر اُرومچی میں سنکیانگ اسلامک انسٹی ٹیوٹ کا دورہ کیا۔ انسٹیٹیوٹ کے صدر مختیری سیفو نے صدر زرداری کو خوش آمدید کہا۔
اس موقع پر آصف زرداری نے انسٹیٹیوٹ میں دستیاب سہولتوں کا جائزہ لیتے ہوئے خدمات کو سراہا۔
صدر مملکت کو بتایا گیا کہ انسٹیٹیوٹ میں قرآن، حدیث، فقہ اور دیگر عصری مضامین پڑھائے جاتے ہیں، انسٹیٹیوٹ اسلامی کتابوں کے ترجمے، اشاعت اور حج انتظامات میں بھی کردار ادا کرتا ہے۔
یہ ادارہ قرآن، حدیث، اسلامی قوانین، عربی، تھیولوجی اور تاریخی، کمپیوٹر کی تعلیم، اخلاقیات اور سائنسز سمیت جنرل مضامین کے کورسز کرواتا ہے۔
صدر آصف علی زرداری نے ادارے کی جانب سے خطے میں بسنے والے مسلمانوں کو دی جانے والی خدمات کو سراہا اور پاکستان اور چین کے درمیان وسیع افہام و تفہیم کیلئے علمی اور ثقافتی تبادلوں کی اہمیت کو اجاگر کیا۔
پاک بھارت کشیدہ تعلقات کے دوران 67 پاکستانی قیدی رہا، برسوں بعد وطن واپسی