میاں فاروق نذیر کی عید الاضحیٰ پر اسیران کی لواحقین سے خصوصی ملاقات کرانے کی ہدایت
اشاعت کی تاریخ: 2nd, June 2025 GMT
آئی جی جیل خانہ جات کی طرف ساے جاری کردہ مراسلے میں کہا گیا ہے کہ پنجاب کی جیلوں میں مقید قیدیوں، حوالاتیوں، خواتین اور نوعمر اسیران سے ان کے لواحقین کی عیدالاضحیٰ کے پہلے اور دوسرے روز صبح 09 بجے سے شام 05 بجے تک خصوصی ملاقات کروائی جائے۔ اسلام ٹائمز۔ عیدالاضحی کے موقع پر پنجاب کی جیلوں میں مقید اسیران کی انکے لواحقین سے خصوصی ملاقات کرانے کی ہدایت جاری کر دی گئی۔ آئی جی جیل خانہ جات پنجاب میاں فاروق نذیر نے عیدالاضحیٰ کے موقع پر سپیشل ملاقاتوں کے انتظامات کے حوالے سے تمام سپرنٹنڈنٹ جیل کو مراسلہ جاری کر دیا۔ مراسلے میں کہا گیا ہے کہ پنجاب کی جیلوں میں مقید قیدیوں، حوالاتیوں، خواتین اور نوعمر اسیران سے ان کے لواحقین کی عیدالاضحیٰ کے پہلے اور دوسرے روز صبح 09 بجے سے شام 05 بجے تک خصوصی ملاقات کروائی جائے۔
عیدالاضحی کے موقع پر خصوصی ملاقات کیلئے اسیران کے عزیز و اقارب کو کسی بھی پریشانی سے بچانے کیلئے سپشل ڈیوٹیاں لگائی جائیں اور لواحقین کی جانب سے اسیران کیلئے فراہم کردہ کھانا تلاشی کے بعد وصول کیا جائے۔ خصوصی ملاقات صرف والدین، بہن، بھائی، بیٹا، بیٹی اور بیوی سے کرائی جائے، دیگر رشتہ داروں اور دوست احباب کے ساتھ ملاقات نہ کرائی جائے، خصوصی ملاقات صرف انٹرویو شیڈ میں کرائی جائے، ڈیوڑھی میں ملاقات کی اجازت نہ دی جائے۔
مراسلے کے مطابق کسی بھی قسم کی بدعنوانی کے امکانات کے خاتمے کیلئے سپرنٹنڈنٹ جیل، ڈپٹی سپرنٹنڈنٹ جیل اور دیگر ڈیوٹی افسران انتظار گاہ اور ملاقات شیڈ کے دورے کریں اور شکایات کا موقع پر ازالہ کریں۔ سپرنٹنڈنٹ جیل مخیر حضرات سے گوشت کی سپلائی لے کر اسیران کیلئے ڈنر کا بندوبست کریں، خصوصی ملاقات کی سینٹرل مانیٹرنگ سسٹم کے ذریعے نگرانی کی جائے گی اور کسی بھی قسم کی بے قاعدگی کو نظر انداز نہیں کیا جائے گا۔
ذریعہ: Islam Times
کلیدی لفظ: سپرنٹنڈنٹ جیل خصوصی ملاقات اسیران کی
پڑھیں:
عدالت نے جناح ہاؤس حملہ کیس میں محمود الرشید کی ضمانت خارج کردی
data-id="863a0a8" data-element_type="widget" data-widget_type="theme-post-content.default">
لاہور کی انسداد دہشت گردی عدالت نے تحریک انصاف کے سینئر رہنما میاں محمود الرشید کی جناح ہاؤس حملہ کیس میں ضمانت کی درخواست خارج کردی۔ کیس کی سماعت جج منظر علی گل نے کی۔
پراسیکیوشن نے عدالت کو بتایا کہ میاں محمود الرشید 9 مئی واقعات میں مرکزی کردار ادا کرنے والے ملزم ہیں۔ ان پر الزام ہے کہ انہوں نے نہ صرف عوام کو ریاستی اداروں کے خلاف بھڑکایا بلکہ فسادات پر بھی اکسایا۔ پراسیکیوشن نے یہ بھی مؤقف اپنایا کہ میاں محمود الرشید کے خلاف 9 مئی سے متعلق چار الگ الگ مقدمات میں سزا سنائی جاچکی ہے، اور ان فیصلوں میں ان کے جرم کو ثابت قرار دیا جاچکا ہے۔
دلائل مکمل ہونے کے بعد عدالت نے فیصلہ سناتے ہوئے کہا کہ چونکہ ملزم کے خلاف سنگین نوعیت کے شواہد موجود ہیں اور پہلے ہی انہیں مختلف مقدمات میں سزا دی جاچکی ہے، اس لیے ضمانت کی درخواست مسترد کی جاتی ہے۔
یوں میاں محمود الرشید کو جناح ہاؤس حملہ کیس میں ضمانت نہ مل سکی اور وہ قانونی طور پر مزید مشکلات میں گھر گئے ہیں۔
ہمالیہ ایئرلائنز کی پرواز منسوخ، بیمان کی پرواز واپس موڑ دی گئی