انسداد اسمگلنگ آپریشنز میں 30 کروڑ روپے مالیت سے زائد کی منشیات برآمد
اشاعت کی تاریخ: 4th, June 2025 GMT
راولپنڈی:
اے این ایف نے انسداد اسمگلنگ آپریشنز میں 30 کروڑ روپے مالیت سے زائد کی منشیات برآمد کرلی۔
ترجمان کے مطابق اینٹی نارکوٹکس فورس نے ملک کے مختلف شہروں میں اسمگلنگ کے خلاف بڑی کارروائیاں کرتے ہوئے مجموعی طور پر 30 کروڑ 68 لاکھ روپے سے زائد مالیت کی 318.400 کلوگرام منشیات برآمد کر لی اور 3 مختلف کارروائیوں میں 3 ملزمان کو گرفتار کر لیا۔
پہلی کارروائی لاہور میں کی گئی، جہاں ایک کوریئر آفس سے سعودی عرب بھیجے جانے والے پارسل کی تلاشی کے دوران 400 گرام آئس برآمد ہوئی۔ یہ کارروائی اے این ایف نے انٹیلی جنس اطلاعات پر کی، جس کا مقصد بین الاقوامی سطح پر منشیات کی ترسیل کو روکنا تھا۔
دوسری کارروائی بلوچستان کے ضلع پشین میں خانوزئی بازار کے قریب کی گئی، جہاں ایک گاڑی کو روک کر تلاشی لی گئی۔ گاڑی سے 30 کلوگرام چرس برآمد ہوئی اور موقع پر ہی 3 ملزمان کو گرفتار کر لیا گیا۔
تیسری بڑی کارروائی قلعہ سیف اللہ کے علاقے یاکر مڑی میں کی گئی، جہاں اسمگلنگ کے لیے چھپائی گئی 141 کلوگرام مارفین اور 147 کلوگرام ہیروئن برآمد کی گئی۔
گرفتار ملزمان کے خلاف انسداد منشیات ایکٹ کے تحت مقدمات درج کر کے مزید تفتیش شروع کر دی گئی ہے۔
ترجمان اے این ایف کے مطابق یہ کارروائیاں منشیات فروشوں کے خلاف جاری ملک گیر مہم کا حصہ ہیں۔ ملک میں کسی بھی قیمت پر منشیات کی لعنت کو جڑ سے اکھاڑ پھینکا جائے گا۔
.ذریعہ: Express News
کلیدی لفظ: کی گئی
پڑھیں:
اٹک ، چوری شدہ موٹر سائیکل برآمد،ملزم گرفتار
اٹک (اُردو پوائنٹ اخبارتازہ ترین - اے پی پی۔ 05 جون2025ء) اٹک پولیس نے موٹر سائیکل چوری کرنے والا ملزم گرفتار کرکے چوری شدہ موٹر سائیکل برآمد کر لی۔(جاری ہے)
تھانہ فتح جنگ میں بشارت خان ولد محمد مسکین نے درخواست دی کہ بیل دوڑ دیکھنے گلیال گاؤں گیا ہوا تھا اپنا موٹر سائیکل کھڑا کر کے بیل دوڑ دیکھنے میں مصروف ہو گیا جب واپس آیا تو موٹر سائیکل موجود نہ تھا جسکی درخواست پر تھانہ فتح جنگ پولیس نے مقدمہ درج کر کے تفتیش عمل میں لاتے ہوئے موٹر سائیکل چوری کرنے والے ملزم عاطف ولد منظور ساکن پنڈ نیازی تحصیل فتح جنگ کو ٹریس کر کے گرفتار کر لیا جس کے انکشاف پر چوری شدہ موٹر سائیکل برآمد کر لیا گیا۔\378
میں کسی یزید کے کہنے پر 3 سال تو کیا 3 منٹ بھی خاموش نہیں رہوں گا