بیرون تعلیم کے خواہش مند پاکستانیوں کیلیے بڑی خوشخبری
اشاعت کی تاریخ: 4th, June 2025 GMT
مراکش کی حکومت نے تعلیمی سال 26-2025 میں پبلک انسٹی ٹیوشنز آف ہائر، ٹیکنیکل اور پروفیشنل ایجوکیشن میں پاکستانی طلبہ کیلیے 10 مکمل فنڈڈ اسکالرشپس کا اعلان کر دیا۔
اے پی پی کے مطابق میڈیکل اسٹڈیز، انجینئرنگ، مینجمنٹ سائنسز، ویٹرنری سائنسز اور آرکیٹیکچر کے شعبوں میں اسکالرشپس پاکستانی اور آزاد جموں و کشمیر کے طلبہ کیلیے ہیں۔
طلبہ اہلیت کے معیارات بشمول تعلیمی قابلیت اور عمر کی حد کے مطابق انڈرگریجویٹ، ماسٹرز، یا پی ایچ ڈی پروگراموں کیلیے درخواست دے سکتے ہیں۔
درخواست جمع کروانے کی آخری تاریخ جمعرات 12 جون 2025 ہے۔
درخواست دہندگان کا پاکستانی یا آزاد جموں و کشمیر کا شہری ضروری ہے اور ان کے پاس دوہری شہریت نہیں ہونی چاہیے۔
انڈرگریجویٹ پروگراموں کیلیے امیدواروں نے کم از کم 12 سال کی تعلیم (FSc or A-level) مکمل کی ہو اور ان کی عمر 23 سال سے زیادہ نہ ہو۔ ماسٹر کیلیے درخواست دینے والے امیدواروں نے 16 سال جبکہ پی ایچ ڈی کے امیدواروں نے 18 سال کی تعلیم مکمل کی ہے۔
چونکہ مراکش کے بیشتر اداروں میں فرانسیسی زبان تعلیم کا بنیادی ذریعہ ہے لہٰذا منتخب امیدواروں کو پاکستان میں Alliance Française جیسے مراکز میں فرانسیسی زبان کا کورس مکمل کرنا ہوگا۔
عربی زبان و ادب اور اسلامیات کے کورسز عربی میں پڑھائے جاتے ہیں اور ان شعبوں کیلیے درخواست دہندگان کا زبان میں مہارت ہونا ضروری ہے۔
دلچسپی رکھنے والے طلبہ کو ایچ ای سی پورٹل کے ذریعے scholarship.
شارٹ لسٹ کیے گئے امیدواروں کو اکیڈمک ٹرانسکرپٹس، موٹیویشن لیٹر، سفارشی خطوط، میڈیکل سرٹیفکیٹ اور پولیس کلیئرنس سرٹیفکیٹ سمیت دیگر متعلقہ دستاویزات فراہم کرنا ہوں گے۔
ذریعہ: Daily Ausaf
پڑھیں:
سرکاری ملازمین کیلئے بڑی خوشخبری، ہاؤس رینٹ سیلنگ میں 85 فیصد تک اضافہ
ویب ڈیسک: وفاقی حکومت نے سرکاری ملازمین کو ایک بڑی خوشخبری سنا دی، وفاقی کابینہ نے سرکولیشن کے ذریعے سرکاری ملازمین کی ہاؤس رینٹ سیلنگ میں 85 فیصد تک اضافے کی منظوری دے دی۔
ذرائع کے مطابق وزارتِ ہاؤسنگ اینڈ ورکس نے یہ سمری منظوری کے لیے کابینہ کو ارسال کی تھی جسے کابینہ نے باضابطہ طور پر منظور کر لیا، اس فیصلے کے تحت گریڈ ایک سے 22 تک کے تمام وفاقی ملازمین کو ہاؤس رینٹ سیلنگ میں یکساں اضافہ ملے گا۔
فضائی آلودگی کا وبال، لاہور دنیا کے آلودہ شہروں میں پھر سرفہرست
ذرائع کا کہنا ہے کہ اس فیصلے سے قومی خزانے پر تقریباً 12 ارب روپے کا مجموعی مالی بوجھ پڑے گا تاہم اس سے وفاقی ملازمین کو بڑھتی ہوئی مہنگائی کے دوران خاطر خواہ ریلیف ملنے کی توقع ہے۔
سرکاری ذرائع کے مطابق یہ اضافہ ملازمین کے لیے ایک طویل عرصے سے زیرِ التوا مطالبے کی تکمیل ہے جس سے رہائش کے اخراجات کے بوجھ میں کمی آئے گی۔
کراچی میں کیمیکل ملے دودھ کی فروخت کا انکشاف، 27 دکانیں سیل