حج 2025: سعودی شعبہ صحت اب تک کتنے عازمین کو طبی سہولیات فراہم کرچکا ہے؟ اعداد و شمار جاری
اشاعت کی تاریخ: 5th, June 2025 GMT
حج 1446 ہجری کے سیزن میں 8 ذو الحجہ تک سعودی عرب کا شعبہ صحت اب تک حجاج کرام کو 1 لاکھ 2 ہزار سے زائد طبی سہولیات فراہم کر چکا ہے، جو اس بات کا مظہر ہے کہ مملکت حجاج کی سہولت اور آرام کے لیے اعلیٰ معیار کی مؤثر طبی خدمات فراہم کرنے کے عزم پر کاربند ہے۔
سعودی پریس ایجنسی (ایس پی اے) کے مطابق یہ خدمات ویژن 2030 کے تحت جاری ہیلتھ سیکٹر ٹرانسفارمیشن پروگرام اور حاجی تجربہ پروگرام کا حصہ ہیں، جن کا مقصد حجاج کرام کو آسانی اور اطمینان کے ساتھ مناسکِ حج ادا کرنے میں مدد دینا ہے۔
یہ بھی پڑھیں:عازمین حج کی خدمت: مسجد نمرہ کو ہزاروں مربع میٹر قالین سے سجا دیا گیا
وزارتِ صحت کے مطابق اب تک 55,275 حجاج نے صحت مراکز سے رجوع کیا، جبکہ 27,231 کیسز ایمرجنسی وارڈز میں سنبھالے گئے۔ اسی طرح 1,412 مریضوں کا علاج او پی ڈی (بیرونی مریض کلینکس) میں کیا گیا۔
ان میں سے 4,970 کیسز کو اسپتال میں داخل کرنا پڑا، جن میں 2,262 افراد کو انتہائی نگہداشت (آئی سی یو) میں منتقل کیا گیا۔ اہم بات یہ ہے کہ اس دوران 16 اوپن ہارٹ سرجریز اور 204 کارڈیک کیتھیٹرائزیشنز (دل کے ذریعے باریک نالی ڈال کر علاج) بھی کی گئیں۔
یہ بھی پڑھیں:رائل انسٹی ٹیوٹ آف ٹریڈیشنل آرٹس کی جانب سے حجاج کرام کا خیر مقدم اور تحائف کی تقسیم
وزارت نے گرمی کے باعث لاحق تناؤ (heat stress) کے 71 کیسز کو بھی کامیابی سے کنٹرول کیا۔
صحت کا شعبہ حج سیزن کے دوران مسلسل بھرپور محنت سے خدمات سرانجام دے رہا ہے تاکہ حجاج کرام کی صحت و سلامتی کو یقینی بنایا جا سکے، اور انہیں ہر ممکن اعلیٰ طبی سہولیات بروقت اور مؤثر انداز میں فراہم کی جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوپن ہارٹ سرجریز حج 2025 شعبہ صحت کارڈیک کیتھیٹرائزیشنز.
ذریعہ
ذریعہ: WE News
کلیدی لفظ: اوپن ہارٹ سرجریز
پڑھیں:
فیلڈ مارشل، میں اور قوم سعودیہ کیساتھ ہیں، وزیراعظم کا ولی عہد سے رابطہ، آئل ٹینکرز پر حملے کی مذمت
اسلام آباد(ڈیلی پاکستان آن لائن )وزیراعظم شہباز شریف نے سعودی آئل ٹینکرز پر حوثی ملیشیا کے حملوں کی شدید مذمت کرتے ہوئے کہا ہےکہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیراعظم شہباز شریف اور سعودی ولی عہد محمد بن سلمان کے درمیان ٹیلی فونک رابطہ ہوا جس میں وزیراعظم نے بحیرہ احمر میں سعودی آئل ٹینکرز پر حوثی ملیشیا کے بزدلانہ حملوں کی شدید ترین الفاظ میں مذمت کی۔
وزیراعظم نے محمد بن سلمان سے گفتگو میں کہا کہ ایسے اقدامات قطعی ناقابلِ قبول ہیں، یہ بین الاقوامی قانون کی صریح خلاف ورزی ہیں، ایسے اقدامات جہاز رانی اور تجارتی نقل و حمل کی آزادی کے لیے خطرہ ہیں اور ایسے اقدامات علاقائی امن، سلامتی اور استحکام کو نقصان پہنچاتے ہیں۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
وزیراعظم نے برادر ملک سعودی عرب کے ساتھ پاکستان کی مکمل یکجہتی کا اعادہ کرتے ہوئے کہا کہ میں، فیلڈ مارشل اور پاکستانی قوم اس نازک وقت میں سعودی قیادت، برادر عوام کے ساتھ مضبوطی، عزم کے ساتھ کھڑے ہیں۔
وزیر اعظم شہباز شریف نے مملکت سعودی عرب کی سلامتی، خودمختاری، علاقائی سالمیت اور خوشحالی کے لیے پاکستان کی غیر متزلزل حمایت کا اعادہ کیا۔
شہباز شریف کا کہنا تھا کہ پاکستان امن وسلامتی اور استحکام کے لیے مملکت و عالمی برادری کےساتھ تعاون جاری رکھے گا، پاکستان بحیرہ احمر، آبنائےہرمز اور سمندری تجارت کی بلاتعطل روانی کے لیے قریبی تعاون جاری رکھے گا۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
وزیراعظم نےخادمِ حرمین شریفین شاہ سلمان کے لیے نیک خواہشات اور خیرسگالی کے جذبات کا اظہار کیا جب کہ اس موقع پر سعودی ولی عہد نے پاکستان کی مستقل حمایت اور دونوں ممالک کے درمیان قریبی برادرانہ تعلقات کو سراہا۔
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار