مکہ مکرمہ: حج فراڈ کے الزام میں 2 رہائشی گرفتار
اشاعت کی تاریخ: 5th, June 2025 GMT
مکرمہ میں سیکیورٹی گشت نے 2 باشندوں کو متاثرین کو رقم کے عوض ان کی طرف سے حج کرنے کا دعویٰ کرنے اور جعلی دستاویزات جاری کرنے کے الزام میں گرفتار کیا۔
یہ بھی پڑھیں:عازمین حج کی خدمت: مسجد نمرہ کو ہزاروں مربع میٹر قالین سے سجا دیا گیا
سعودی پریس ایجنسی (ایس پی اے) کے مطابق مشتبہ افراد کو مقدس شہر کے ایک ہوٹل کے سامنے سے گرفتار کیا گیا۔ حکام نے آپریشن میں استعمال ہونے والے کمپیوٹر، موبائل ٹیلی فون اور جعلی ڈاک ٹکٹ قبضے میں لے لیے۔
دونوں افراد کو حراست میں لے لیا گیا، اور پبلک پراسیکیوشن کے حوالے کرنے سے پہلے قانونی کارروائی کی گئی۔
یہ بھی پڑھیں:حج 2025: سعودی شعبہ صحت اب تک کتنے عازمین کو طبی سہولیات فراہم کرچکا ہے؟ اعداد و شمار جاری
پبلک سیکیورٹی نے تمام شہریوں اور رہائشیوں پر زور دیا کہ وہ حج کے ضوابط کی تعمیل کریں اور مکہ، مدینہ، ریاض، اور مشرقی علاقوں میں 911 یا مملکت کے دیگر علاقوں میں 999 پر کال کرکے خلاف ورزیوں کی اطلاع دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حج فراڈ سعوی عرب سیکیورٹی گشت گرفتار مکہ.ذریعہ: WE News
کلیدی لفظ: حج فراڈ سعوی عرب سیکیورٹی گشت گرفتار مکہ
پڑھیں:
عید الاضحیٰ کے کتنے دن بعد بارشوں کا سلسلہ شروع ہوگا؟
پاکستان محکمہ موسمیات کی جانب سے عیدالاضحیٰ کی تعطیلات کے دوران ملک کے مختلف حصوں میں شدید گرمی کے حوالے سے الرٹ جاری کیا گیا ہے۔
محکمہ موسمیات کے مطابق 7 سے 12 جون کے دوران ملک کے بالائی علاقوں ( پنجاب، خیبرپختونخوا، گلگت بلتستان، کشمیر، اسلام آباد ) میں دن کا درجہ حرارت معمول سے 5 سے 7 ڈگری سینٹی گریڈ زیادہ رہنے کا امکان ہے۔
اسی طرح 7 سے 12 جون کے دوران ملک کے جنوبی علاقوں میں( بالائی سندھ، جنوبی پنجاب اور بلوچستان کے علاقوں ) دن کا درجہ حرارت معمول سے 4 سے 6 ڈگری سینٹی گریڈ زیادہ رہنے کا امکان ہے۔
یہ بھی پڑھیے عید الاضحیٰ کے روز ملک بھر میں موسم کیسا ہو گا؟
محکمہ موسمیات کی جانب سے شدید گرمی کے باعث میدانی علاقوں میں گرد آلود ہوائیں چلنے کی توقع ہے۔
گرمی کی شدت کے حوالے سے بات کرتے ہوئے ڈائریکٹر جنرل محکمہ موسمیات مہر صاحبزاد خان نے بتایا کہ عید کے دنوں میں موسم خشک اور گرم رہے گا۔ اور تقریباً اس پورے ہفتہ کے دوران ہیٹ ویوز کا سامنا رہے گا۔ دن کے اوقات میں درجہ حرارت معمول سے زیادہ رہے گا۔ خاص طور پر سندھ میں درجہ حرارت سب سے زیادہ بڑھنے کا امکان ہے جس کی وجہ سے تمام افراد کو ان دنوں میں غیر ضروری طور پر باہر نکلنے سے اجتناب کرنا چاہیے۔
یہ بھی پڑھیے رواں ہفتے بالائی اور وسطی علاقوں میں آندھی اور گرج چمک کے ساتھ بارش کی پیش گوئی
انہوں نے بتایا کہ عید کے بعد اگلے ہفتے کے دوران بارشوں کا امکان ہیں۔ اور ان بارشوں کے بعد ہیٹ ویو کا زور پھر سے ٹوٹ جائے گا۔ اور یہ بارشیں بھی بالکل ویسے ہی ہوں گی جیسے عموماً ہیٹ ویوز کے بعد ہوا کے دباؤ اور گرمی کے باعث بارشوں کا ایک سلسلہ بنتا ہے۔ باقی گرمیوں میں اسلام آباد کا موسم ایسا ہی رہتا ہے کہ اگر ایک ہفتے شدید گرمی ہوتی ہے تو اس سے اگلے ہفتے میں موسم بہتر لگتا ہے۔
محکمہ موسمیات نے خبردار کیا ہے کہ ان دنوں بچے، بزرگ اور خواتین احتیاطی تدابیر اختیار کریں۔ دن کے وقت دھوپ سے اجتناب کریں اور پانی کا زیادہ سے زیادہ استعمال کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عالمی موسمیاتی تبدیلی سے نمٹنے کے لئے یکجہتی کی ضرورت ہے ، چینی وزیر خارجہ