وزیراعظم شہباز شریف 2 روزہ دورے پر آج سعودی عرب روانہ ہوں گے
اشاعت کی تاریخ: 5th, June 2025 GMT
اسلام آباد(ڈیلی پاکستان آن لائن) وزیراعظم شہباز شریف 2 روزہ دورے پر آج سعودی عرب روانہ ہوں گے۔
نجی ٹی وی چینل دنیا نیوز کے مطابق ترجمان دفتر خارجہ کا کہنا ہے کہ فیلڈ مارشل سید عاصم منیر بھی ہمراہ ہوں گے، وزیراعظم شہباز شریف سعودی ولی عہد محمد بن سلمان سے ملاقات کر کے پاک بھارت کشیدگی کے دوران حمایت پر شکریہ ادا کریں گے۔
دوران ملاقات تجارت اور سرمایہ کاری پر بھی تبادلہ خیال کیا جائے گا۔
دفتر خارجہ کے مطابق وزیر دفاع خواجہ آصف، وزیر خارجہ اسحاق ڈار اور وزیراطلاعات عطاء تارڑ بھی وزیراعظم کے ہمراہ روانہ ہوں گے۔
ترقی یافتہ ممالک کی پیدا کردہ آلودگی کا خمیازہ غریب ممالک کیوں بھگتیں؟ شیری رحمان
ترجمان دفتر خارجہ کا کہنا ہے کہ وزیراعظم شہباز شریف عید سعودی عرب میں منائیں گے۔
ذریعہ: Daily Pakistan
کلیدی لفظ: وزیراعظم شہباز شریف ہوں گے
پڑھیں:
وزیرِاعظم 2 روزہ دورے پر سعودی عرب روانہ، ولی عہد سے اہم ملاقات متوقع
وزیرِاعظم محمد شہباز شریف سعودی ولی عہد شہزادہ محمد بن سلمان بن عبدالعزیز آل سعود کی دعوت پر دو روزہ سرکاری دورے پر اسلام آباد سے جدہ روانہ ہوگئے۔وزیرِاعظم کا یہ دورہ 5 اور 6 جون پر مشتمل ہے. جس کے دوران وہ عیدالاضحیٰ سعودی عرب میں منائیں گے۔دورے کے دوران وزیرِاعظم شہباز شریف کی سعودی ولی عہد شہزادہ محمد بن سلمان سے خصوصی ملاقات طے ہے۔ ملاقات میں پاکستان اور سعودی عرب کے درمیان تجارت و سرمایہ کاری،امت مسلمہ کی فلاح و بہبود،علاقائی امن و سلامتی جیسے کلیدی موضوعات پر تبادلہ خیال ہوگا۔وزیرِاعظم شہباز شریف حالیہ پاک بھارت کشیدگی میں کمی کیلئے سعودی قیادت کے تعمیری کردار پر اظہارِ تشکر بھی کریں گے۔
وزیرِاعظم کے ہمراہ ایک اعلیٰ سطحی سرکاری وفد بھی سعودی عرب روانہ ہوا ہے جو مختلف دوطرفہ ملاقاتوں اور مشاورت میں شرکت کرے گا۔
فرانس فلسطینی ریاست کو تسلیم کرنے پر غور کررہا ہے، ایمانویل میکرون