جماعت اسلامی پاکستان حلقہ خواتین کی جانب سے لاہور پریس کلب میں صحافی خواتین کو عیدکے تحائف
اشاعت کی تاریخ: 5th, June 2025 GMT
لاہور(اردوپوائنٹ اخبارتازہ ترین-انٹرنیشنل پریس ایجنسی۔05 جون ۔2025 )حلقہ خواتین جماعت اسلامی پاکستان کی سیکرٹری جنرل ڈاکٹر حمیرا طارق نے عید الاضحی کے موقع پر خوشی ، مسرت، خیر سگالی اور دوستی کے رویے کو فروغ دینے کے لیے لاہور پریس کلب کی خواتین ممبرز ،مختلف اخبارات اور چینلز کی خواتین صحافیوں کو عید کے سوٹ پھول اورکتب بطور تحفہ بجھوائیں.
(جاری ہے)
اس موقع پر سیکرٹری لاہور پریس کلب زاہد عابد، ممبر گورننگ باڈی شاہدہ بٹ، سیکرٹری اطلاعات نگران نشرواشاعت وسطی پنجاب صفیہ ناصر اور نائب نگران شازیہ محمود بھی موجود تھیں اپنے پیغام میں ڈاکٹرحمیراطارق نے خواتین صحافیوں کو عید کی مبارکباد دی اور کہا کہ اگرچہ ہم سب کے دل اہل فلسطین کے غم میں ڈوبے ہوئے ہیں تاہم سنت ابراہیمی علیہ السلام کی پیروی کے لیے لبیک کہتے ہیں ، اللہ رب العزت تمام مسلمانوں اور خصوصا اہل غزہ کے لیے عید کی خوشیاں مبارک کر دے. انہوں نے خواتین صحافیوں سے اپیل کی کہ عیدالاضحی کے مبارک موقع پر دکھی اور مظلوم فلسطینی عوام کو اپنی تقریر ، تحریر ، عبادات اور دعاﺅں میں شامل رکھیں سیکرٹری لاہور پریس کلب زاہدعابدنے جماعت اسلامی حلقہ خواتین کی سیکرٹری جنرل ڈاکٹر حمیرا طارق کا شکریہ ادا کرتے ہوئے کہا کہ جماعت اسلامی ہر موقع پر خواتین صحافیوں کی خوشی میں شریک ہوتی ہے اور ہم امید کرتے ہیں آئندہ بھی یہ سلسلے جاری رہیں گے، انہوں نے اس حوالے سے ممبر گورننگ باڈی شاہدہ بٹ کی خصوصی کاوشوں کو بھی سراہا.
ذریعہ
ذریعہ: UrduPoint
کلیدی لفظ: تلاش کیجئے لاہور پریس کلب جماعت اسلامی
پڑھیں:
خیبر پی کے میں بلدیاتی انتخابات 2 مراحل میں ہونے کا امکان
پشاور (بیورو رپورٹ) الیکشن کمشن نے خیبر پی کے میں مرحلہ وار بلدیاتی انتخابات کروانے پر کام شروع کر دیا۔ صوبے میں بلدیاتی انتخابات 2 مراحل میں ہونے کا امکان ہے۔ الیکشن کمشن نے 23 اضلاع میں حلقہ بندیاں مکمل کر لیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمشن جلد خیبر پی کے حکومت سے انتخابات کی حتمی تاریخ مانگے گا۔ ذرائع کے مطابق الیکشن کمشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا۔ بلدیاتی اداروں کی مدت مارچ اور جون 2026ء میں مکمل ہو چکی ہے۔ الیکشن کمشن نے 23 اضلاع میں الیکشنز کرانے کے لیے تیار ہے۔ چیف سیکرٹری کے پی کے 28 جولائی تک الیکشن کمشن کو آگاہ کریں گے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم