دیامیر بھاشا ڈیم متاثرین سے متعلق اہم پیشرفت، کمیٹی نے سفارشات کو حتمی شکل دے دیا
اشاعت کی تاریخ: 5th, June 2025 GMT
اسلام آباد: وزیراعظم پاکستان کی خصوصی ہدایت پر دیامیر بھاشا ڈیم کے متاثرین کے مسائل کے حل کے لیے قائم کمیٹی کا اہم اجلاس وفاقی وزیر انجینئر امیر مقام کی زیر صدارت منعقد ہوا۔ اجلاس میں ڈیم متاثرین کے جائز مطالبات پر مکمل اتفاق رائے سامنے آیا اور کمیٹی نے حتمی سفارشات کو منظوری کے لیے تیار کر لیا۔اجلاس میں وزیراعظم کے مشیر برائے بین الصوبائی رابطہ رانا ثناءاللہ، وفاقی وزیر برائے آبی وسائل میاں محمد معین وٹو، وفاقی وزیر قانون و انصاف اعظم نذیر تارڑ، وزیراعلیٰ گلگت بلتستان حاجی گلبر خان اور چیئرمین واپڈا لیفٹیننٹ جنرل (ر) سجاد غنی نے شرکت کی۔سیکریٹری امور کشمیر، گلگت بلتستان و سیفران ظفر حسن چیف سیکرٹری گلگت بلتستان ابرار احمد مرزا اور سیکریٹری آبی وسائل سید علی مرتضیٰ بھی اجلاس میں شریک ہوئے۔ دیامر بھاشا ڈیم کے متاثرین کے نمائندے بھی اجلاس میں موجود تھے دونوں جانب سے تیار کردہ سفارشات پر باقاعدہ دستخط کیے گئے، جو کہ ایک بڑی پیشرفت تصور کی جا رہی ہے۔انجینئر امیر مقام نے اجلاس کے اختتام پر تمام کمیٹی ممبران اور متاثرین کا شکریہ ادا کرتے ہوئے کہا کہ “یہ ایک تاریخی موقع ہے، اب ان سفارشات پر عملدرآمد ہماری اصل کامیابی ہوگی۔”انہوں نے مزید کہا کہ کمیٹی نے متفقہ طور پر متاثرین کے مسائل کے حل کے لیے ٹھوس اور قابل عمل اقدامات تجویز کیے ہیں، جو اب وزیراعظم کو منظوری کے لیے پیش کیے جائیں گے۔وفاقی وزیر انجینئر امیر مقام نے کہا کہ متاثرین کے جائز مطالبات تسلیم کر لیے گئے ہیں اور مسئلہ خوش اسلوبی سے حل کر لیا گیا ہے۔انجینئر امیر مقام نے کہا کہ وزیر اعظم شہباز شریف کی واضح ہدایت تھی کہ اس مسئلے کو مستقل بنیادوں پر حل کیا جائے۔وفاقی وزیر انجینئر امیر مقام نے اسے متاثرین کمیٹی کے نمائندوں کے لیے ایک بڑی کامیابی قرار دیا.
ذریعہ: Daily Mumtaz
پڑھیں:
گرائونڈ طیاروں کی بحالی،قائمہ کمیٹی دفاع نے پی آئی اے حکام کو طلب کرلیا
اسلام آباد(اسٹاف رپورٹر)قائمہ کمیٹی دفاع نے آئندہ اجلاس میں قومی ایئر لائن حکام کو طلب کرنے کی ہدایت کردی۔کراچی میں قائمہ کمیٹی دفاع کا ایئرپورٹ اتھارٹی ہیڈ کوارٹر میں اجلاس ہوا، جس میں برطانیہ کے لیے پروازوں کی بحالی پر اطمینان کا اظہار کیا گیا۔ذرائع کے مطابق اجلاس کے شرکاء نے تجویز کی کہ کراچی سے بھی برطانیہ کے لیے پروازیں شروع کی جائیں۔
کمیٹی نے سکھر ایئر پورٹ پر پروازوں کی تعداد بڑھانے کی ضرورت پر زور دیا اور ڈیرہ غازی خان اور دیگر ایئر پورٹس پر آپریشن بحال کرنے کی ہدایت کی۔ذرائع کے مطابق کمیٹی اجلاس میں ملک مختلف ایئر پورٹس پر اسکینرز لگانے کے لیے فنڈز کی تجویز دی گئی۔کمیٹی نے گراونڈ طیاروں کی بحالی کے لیے حکام سے پوچھا اور آئندہ اجلاس میں قومی ایئر لائن کے حکام کو طلب کرنے کی ہدایت کی۔
بابر اعظم ایک ٹی 20 میچ میں کتنے عالمی ریکارڈز توڑ سکتے ہیں؟