ن لیگ عوام کو نہیں خود کو بیوقوف بنا رہی ہے: پرویز الہیٰ
اشاعت کی تاریخ: 9th, June 2025 GMT
data-id="863a0a8" data-element_type="widget" data-widget_type="theme-post-content.default">
سابق وزیراعلیٰ پنجاب چودھری پرویز الہٰی نے کہا ہے کہ ن لیگ عوام کو نہیں بلکہ خود کو بیوقوف بنا رہی ہے۔
پاکستان تحریک انصاف کے صدر چوہدری پرویز الٰہی نے مسلم لیگ (ن) کو کڑی تنقید کا نشانہ بناتے ہوئے کہا ہے کہ اب عوام اتنے سادہ نہیں رہے کہ انہیں جھوٹے نعروں سے گمراہ کیا جا سکے، باشعور قوم جان چکی ہے کہ کون ان کے ساتھ کھڑا ہے اور کون اپنے مفادات کے لیے کھیل رہا ہے۔
اپنے بیان میں پرویز الٰہی نے کہا کہ جب ملک کو یکجہتی اور افواجِ پاکستان کی حمایت کی سب سے زیادہ ضرورت تھی، تب پی ٹی آئی کے بانی اور میں نے بلا جھجھک اپنی مسلح افواج کے ساتھ کھڑے ہونے کا اعلان کیا۔ ان کے بقول، قوم اور پاک فوج ایک دوسرے کا فخر ہیں، اور شہیدوں کی قربانیاں رائیگاں نہیں جائیں گی، پوری قوم ان عظیم قربانیوں پر فوج کو سلام پیش کرتی ہے۔
انہوں نے طنز کرتے ہوئے کہا کہ ن لیگ والے اب بھی یہ سمجھتے ہیں کہ پرانے ہتھکنڈے کامیاب ہو جائیں گے، حالانکہ وہ خود کو دھوکہ دے رہے ہیں، عوام سب کچھ دیکھ اور سمجھ چکے ہیں۔
پرویز الٰہی نے کہا کہ مسلم لیگ (ن) کے رہنماؤں کا دعویٰ ہے کہ جنگ کی منصوبہ بندی میاں نواز شریف نے کی تھی، یہ سن کر ہنسی آتی ہے، شکر ہے انہوں نے یہ نہیں کہہ دیا کہ علامہ اقبال کا خواب بھی دراصل نواز شریف ہی نے دیکھا تھا۔
ان کا کہنا تھا کہ ایسے بیانات قوم کی سنجیدگی کا امتحان ہیں، لیکن اب عوام سیاسی شعور رکھتی ہے اور ہر جھوٹ کو پہچاننے کی صلاحیت رکھتی ہے۔
.ذریعہ: Jasarat News
پڑھیں:
جمہوریت عوام کی آواز ہے اور اس کی حفاظت ہم سب پر لازم ہے‘وزیراعلیٰ
data-id="863a0a8" data-element_type="widget" data-widget_type="theme-post-content.default">
250916-02-19
کراچی (اسٹاف رپورٹر)وزیراعلیٰ سندھ سید مراد علی شاہ نے یومِ جمہوریت کے موقع پر اپنے پیغام میں کہا ہے کہ آج 15 ستمبر دنیا بھر میں یومِ جمہوریت کے طور پر منایا جا رہا ہے۔ انہوں نے کہا کہ جمہوریت عوام کی آواز ہے اور اس کی حفاظت ہم سب پر لازم ہے۔ وزیراعلیٰ سندھ نے کہا کہ پاکستان پیپلز پارٹی کی جدوجہد ہمیشہ عوامی حکمرانی اور جمہوری اقدار کے تحفظ کے لیے رہی ہے۔ جمہوری اداروں کی مضبوطی ملک کے استحکام کی ضمانت ہے اور پاکستان میں جمہوریت کی مضبوطی پیپلز پارٹی کی تاریخی قربانیوں کا نتیجہ ہے۔ انہوں نے کہا کہ عوام کے حقِ حکمرانی کو یقینی بنانا ہی حقیقی جمہوریت ہے اور سندھ حکومت جمہوری روایات کو فروغ دینے کے لیے پرعزم ہے۔ شفافیت، انصاف اور عوامی خدمت ہی جمہوریت کا حسن ہے۔ وزیراعلیٰ سندھ نے کہا کہ شہید ذوالفقار علی بھٹو نے عوام کو حقِ رائے دہی اور جمہوری شعور دیا اور پاکستان کو متفقہ آئین 1973 کا تحفہ دیا۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام