لاہور ،موسلا دھار بارش، نشیبی علاقے زیر آب آگئے
اشاعت کی تاریخ: 10th, July 2025 GMT
data-id="863a0a8" data-element_type="widget" data-widget_type="theme-post-content.default">
لاہور (آن لائن) لاہور کے مختلف علاقوں میں رات گئے موسلا دھار بارش کے باعث موسم خوشگوار ہو گیا ہے۔ جیل روڈ، کلمہ چوک، نصیرآباد، انارکلی، جین مندر، بھاٹی گیٹ، ماڈل ٹاؤن، جوہر ٹاؤن، مسلم ٹاؤن، نشتر، کینال روڈ اور ملحقہ علاقوں میں وقفے وقفے سے تیز بارش کا سلسلہ جاری ہے۔ بارش کے باعث گرمی اور حبس کا زور ٹوٹ گیا ہے جبکہ شہر کی فضا میں خوشگوار تبدیلی محسوس کی جا رہی ہے۔ تاہم نشیبی علاقوں میں پانی جمع ہونے کے باعث ٹریفک کی روانی متاثر ہو رہی ہے، جس پر شہریوں کو مشکلات کا سامنا ہے۔محکمہ موسمیات کے مطابق آئندہ 24 گھنٹوں کے دوران لاہور سمیت پنجاب، خیبرپختونخوا، کشمیر، گلگت بلتستان اور اسلام آباد میں گرج چمک اور تیز ہواؤں کے ساتھ مزید بارش کی توقع ہے۔
.ذریعہ: Jasarat News
پڑھیں:
آج بروز بدھ ملک بھر میں موسلا دھار بارش ،طغیانی کا خدشہ،موسمیات
اسلام آباد(نیوز ڈیسک )آج بروز بدھ موسلا دھار بارش کے باعث مری، گلیات، مانسہرہ، کوہستان،ایبٹ آباد، بونیر، چترال، دیر، سوات، شانگلہ، نوشہرہ، صوابی، مردان، اسلام آباد/راولپنڈی، ڈی جی خان، شمال مشرقی پنجاب ،کشمیر اور بلوچستان ( بارکھان، کوہلو ، موسی خیل، ڈیرہ بگٹی ،نصیر آباد، سبی ،لورالائی ، ژوب ، قلات، خضدار، لسبیلہ، آواران، پنجگور، تربت )کے مقامی / بر ساتی ندی نالوں میں طغیانی کا خدشہ ۔
• شدید بارشوں کے باعث خیبرپختونخوا، مری، گلیات اورکشمیر میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ۔
• شدید بارشوں کے باعث اسلام آباد/راولپنڈی، گوجرانوالہ، لاہور، سیالکوٹ، سرگودھا، فیصل آباد، نوشہرہ اور پشاور کے نشیبی علا قے زیر آب آنے کا اندیشہ۔ عوام الناس کو احتیاط کی ہدایت۔
منگل کے روز پنجاب ،خیبر پختونخواہ، کشمیر، گلگت بلتستان ، شمال مشرقی /جنوبی بلوچستان اور اسلام آباد میں تیز ہواؤں اور گرج چمک کے ساتھ بارش کی توقع ۔ اس دوران کشمیر،شمال مشرقی، پنجاب ، خطہ پوٹھوہار ، شمال مشرقی /جنوبی بلوچستان میں چند مقامات پر تیز /موسلادھار بارش بھی متوقع۔
بدھ کے روز پنجاب ،خیبر پختونخواہ، کشمیر، گلگت بلتستان اور اسلام آباد میں تیز ہواؤں اور گرج چمک کے ساتھ بارش کی توقع ۔ اس دوران کشمیر، شمال مشرقی پنجاب اور اسلام آبادمیں چند مقامات پر تیز /موسلادھار بارش بھی متوقع۔
گذشتہ 24 گھنٹے کا موسم پنجاب ، اسلام آباد ، خیبرپختونخوا، کشمیر ، شمال مشرقی بلوچستان اور بالائی سندھ میں گرج چمک کے ساتھ بارش جبکہ چند مقامات پر مو سلادھار بارش بھی ہوئی۔
سب سے زیادہ بارش (ملی میٹر): پنجاب: شیخوپورہ 52، لاہور (سٹی 42، ایئر پورٹ 36)، راولپنڈی (شمس آباد 38، چکلالہ 16، کچہری 02، پیر ودھائی01)، ساہیوال 29، اسلام آباد (سٹی 24، سید پور 01)، اوکاڑہ 21، مری 06، فیصل آباد 04، ملتان ایئرپورٹ 04، قصور، منڈی بہاؤالدین 01، خیبرپختونخوا: بالاکوٹ 40، مالم جبہ 28، کاکول 13، دیر (زیریں04، بالائی01)، بلوچستان: قلات 17، کشمیر: مظفرآباد (ایئرپورٹ 16، سٹی 12)، راولاکوٹ 02، کوٹلی 01، سندھ: بدین 04، پڈعیدن 01، گلگت بلتستان: بگروٹ میں 07ملی میٹر بارش ریکارڈ کی گئی۔
آج ریکارڈ کئے گئے زیادہ سےزیادہ درجہ حرارت نوکنڈی، دالبندین 45، چلاس 42، تربت،بہاولنگر اور نور پور تھل میں 41 ڈگری سینٹی گریڈ ریکارڈ کیا گیا۔
بدھ (رات): اسلام آباد اور گردونواح میں مطلع جزوی ابر آلود رہنے کے علاوہ تیز ہواؤں / گرج چمک کے ساتھ مزید بارش کا امکان۔
بدھ کے روز: اسلام آباد اور گردونواح میں مطلع ابر آلود رہنے کے علاوہ تیز ہواؤں / گرج چمک کے ساتھ بارش اور چند مقامات پر تیز/موسلادھار بارش بھی متوقع۔
بھارت کا پاکستان پر حملہ خطے کو غیرمستحکم کرنے کی کوشش تھی، وزیراعظم کا ای سی او اجلاس سے خطاب