کراچی: ابراہیم حیدری میں ٹینک صفائی، ہلاکتوں کی تعداد 4 ہوگئی
اشاعت کی تاریخ: 10th, June 2025 GMT
کراچی کے علاقے ابراہیم حیدری میں ٹینک کی صفائی کے دوران ہونے والی ہلاکتوں کی تعداد 4 ہوگئی۔
ریسکیو حکام کے مطابق واٹر ٹینک میں اترنے والے پانچویں شخص کی حالت تشویشناک ہے۔
ریسکیو حکام کے مطابق 2 بھائیوں کی ٹینک کی صفائی کے دوران حالت غیر ہوگئی تھی، 3 افراد انہیں ٹینک سے نکالنے کےلیے نیچے اترے تھے۔
پڑوسی نے جناح اسپتال میں میڈیا کو بتایا کہ دو بھائی ٹینک کی صفائی کے لیے اترے تھے، جن کی حالت غیر ہونے پر اہل خانہ نے شور مچایا۔
پڑوسی نے مزید کہا کہ محلے کے 3 نوجوان دونوں بھائیوں کو نکالنے ٹینک میں اترے تھے، وہ تینوں واپس نہیں آئے پھر علاقہ مکینوں نے پانچوں افراد کو ٹینک سے نکالا۔
.ذریعہ: Jang News
پڑھیں:
پشاور میں عید صفائی آپریشن تیسرے روز بھی جاری
— فائل فوٹوپشاور میں واٹر اینڈ سینیٹیشن سروسز کا عید صفائی آپریشن تیسرے روز بھی جاری ہے۔
ڈبلیو ایس ایس پی کے مطابق آج شام سے پہلے آپریشن ختم کیا جائے گا، آپریشن میں ساڑھے 3 ہزار سے زائد اہلکار حصہ لے رہے ہیں۔
ڈبلیو ایس ایس پی نے بتایا کہ 2 دنوں میں 9 ہزار 500 ٹن سے زائد آلائشیں تلف کی گئیں، دوسرے روز 4 ہزار 700 ٹن سے زائد آلائشیں تلف کی گئیں۔
ڈبلیو ایس ایس پی کے مطابق سڑکوں کو عرق گلاب اور کلورین ملے پانی سے دھویا جا رہا ہے۔
ڈبلیوایس ایس پی نے کہا کہ دوسرے روز آپریشن رات گئے تک جاری رہا۔
چیف ایگزیکٹو افسر یاسر علی خان نے شہر بھر کا دورہ کیا اور صفائی آپریشن کا جائزہ لیا۔
انسانیت کے دشمن دہشتگردوں کے مذموم عزائم خاک میں ملا دیں گے، وزیراعظم