عاصم اظہر اور میرب علی نے راہیں جدا کرلیں، گلوکار نے اپنے پیغام میں کیا کہا؟
اشاعت کی تاریخ: 12th, June 2025 GMT
معروف گلوکار عاصم اظہر اور ان کی منگیتر اداکارہ اور سوشل میڈیا انفلوئنسر میرب علی نے راہیں جدا کرلیں۔
عاصم اظہر نے فوٹو اینڈ ویڈیو شیئرنگ ایپ انسٹاگرام پر ایک اسٹوری شیئر کرتے ہوئے میرب علی سے علیحدگی کا اعلان کیا۔ گلوکار نے لکھا کہ وہ ایک ذاتی بات شیئر کرنا چاہتے ہیں کیونکہ وہ سمجھتے ہیں کہ مداح اور دوست یہ جاننے کا حق رکھتے ہیں۔
گلوکار نے بتایا کہ ’کافی سوچ بچار اور غور و فکر کے بعد، میں اور میرب نے باہمی رضامندی کے ساتھ اپنی راہیں جدا کرنے کا فیصلہ کیا ہے‘۔ انہوں نے کہا کہ ہم نے کئی خوبصورت لمحے ایک ساتھ گزارے اور ایک مشترکہ مستقبل کی امید بھی رکھی، لیکن کبھی کبھی زندگی ہماری مرضی کے مطابق نہیں چلتی۔
انہوں نے مزید کہا کہ ہم ایک دوسرے اور اپنے خاندانوں کے لیے ہمیشہ عزت اور احترام رکھتے ہیں اور آئندہ بھی رکھیں گے۔ انہوں نے مداحوں سے گزارش کی کہ ان کی پرائیویسی کا خیال رکھا جائے۔ عاصم اظہر نے کہا کہ جیسے ہم یہ بات وقار کے ساتھ شیئر کر رہے ہیں، اسی وقار سے اسے قبول کیا جائے۔
سوشل میڈیا پر جہاں کئی صارفین ان کا رشتہ ٹوٹنے پر افسوس کا اظہار کر رہے ہیں وہیں چند صارفین نے انہیں تنقید کا نشانہ بھی بنایا۔ ایک صارف نے عاصم اظہر کو آڑے ہاتھوں لیتے ہوئے لکھا کہ کسی لڑکے کے ساتھ تو بنا کے رکھ لو۔ جبکہ ایک صارف نے ہانیہ عامر کی جانب اشارہ کیا جنہوں نے ابھی حج کی ادائیگی کی ہے، صارف نے کہا کہ حج پر مانگی گئی دعا اکثر قبول ہوتی ہے۔
ایک صارف نے کہا کہ لگتا ہے ہانیہ عامر کی دعا قبول ہو گئی ہے۔ ایک اور سوشل میڈیا صارف کا کہنا تھا کہ پہلے ہانیہ اور پھر میرب مسئلہ عاصم اظہر میں ہی ہے۔
اکاشہ اویس لکھتی ہیں کہ آج کل کے رشتے مذاق ہیں جبکہ چند صارفین کا کہنا تھا کہ بریک اپ طلاق سے بہتر ہے۔
یاد رہے کہ عاصم اظہر اور میرب علی کی منگنی 2022 میں ہوئی تھی۔ اس سے قبل 2019 میں یہ افواہیں گردش کررہی تھیں کہ ہانیہ عامر اور عاصم اظہر ایک دوسرے کو ڈیٹ کررہے ہیں اور جلد ہی شادی بھی کرنے والے ہیں۔
سوشل میڈیا پر آئے روز دونوں کی رومانوی تصاویر بھی گردش کرتی رہیں اور مداحوں نے مان لیا تھا کہ دونوں جلد ہی شادی کرنے والے ہیں۔
تاہم 2020 میں دونوں فنکاروں نے وضاحت دیتے ہوئے کہا تھا کہ دونوں کے درمیان نجی تعلقات نہیں بلکہ صرف اچھے دوست ہیں، جس کے کچھ عرصے بعد عاصم اظہر نے ماڈل اور اداکارہ میرب سے منگنی کرلی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
عاصم اظہر عاصم اظہر منگنی میرب علی ہانیہ عامر.
ذریعہ
ذریعہ: WE News
کلیدی لفظ: میرب علی ہانیہ عامر ہانیہ عامر سوشل میڈیا نے کہا کہ میرب علی تھا کہ
پڑھیں:
لاہور میں گینگ ریپ کی شکار 18 سالہ گھریلو ملازمہ اسقاطِ حمل کے دوران جاں بحق
لاہور ( اُردو پوائنٹ اخبارتازہ ترین۔ 02 جون2026ء ) لاہور کے علاقے ماڈل ٹاؤن میں مبینہ زیادتی کا شکار ہونے والی 18 سالہ گھریلو ملازمہ اسقاطِ حمل کے دوران جان کی بازی ہار گئی۔ میڈیا رپورٹس کے مطابق لاہور کے علاقہ ماڈل ٹاؤن کے ایک گھر میں ملازمہ کے طور پر کام کرنے والی 18 سالہ لڑکی مبینہ طور پر گینگ ریپ اور بعد ازاں غیر قانونی طبی طریقہ کار کے باعث زندگی کی بازی ہار گئی ہے، متوفیہ نے ہسپتال میں دم توڑنے سے قبل اپنے بیانات ریکارڈ کرادیئے۔ پولیس حکام کا کہنا ہے کہ لڑکی کا حمل ضائع کرنے کے لیے اسے پہلے رائے ونڈ کے ایک نجی کلینک لے جایا گیا، جہاں حالت بگڑنے پر اسے سروسز ہسپتال منتقل کیا گیا، وہ دو روز تک سروسز ہسپتال میں زیرِ علاج رہنے کے بعد دم توڑ گئی، متاثرہ لڑکی نے اپنے تحریری اور ویڈیو بیانات میں مکان مالک کے بیٹے اور ڈرائیور پر اجتماعی زیادتی کا سنگین الزام عائد کیا تھا، بعد میں مبینہ دباؤ کے تحت لڑکی نے اپنے بیان میں تبدیلی کی اور اپنے آخری بیان میں صرف ڈرائیور کو ہی نامزد کیا۔(جاری ہے)
پولیس نے بتایا کہ لڑکی کے ابتدائی بیانات کی روشنی میں گینگ ریپ کا مقدمہ درج کیا گیا تھا، تاہم اس کی موت کے بعد مقدمے میں باقاعدہ طور پر قتل کی دفعات بھی شامل کر دی گئی ہیں، ایک نامزد ملزم ڈرائیور کو گرفتار کرکے جوڈیشل ریمانڈ پر جیل بھیج دیا گیا ہے، قتل کی دفعات شامل ہونے کے بعد کیس کی تفتیش جینڈر سیل سے تبدیل کرکے انویسٹی گیشن ونگ کے سپرد کر دی گئی ہے، پولیس نے گھر کے مالکان سمیت ان تمام افراد کو دوبارہ شاملِ تفتیش کرنے کے لیے نوٹسز جاری کر دیئے ہیں جنہیں پہلے کلیئر کر دیا گیا تھا۔ پولیس کا کہنا ہے کہ ضابطہ فوجداری کی دفعہ 164 کے تحت ریکارڈ کیے گئے بیانات کا دوبارہ باریک بینی سے جائزہ لیا جائے گا، متوفیہ کا پوسٹ مارٹم مکمل کر لیا گیا ہے اور موت کی اصل وجہ رپورٹ آنے کے بعد واضح ہوگی، اگر رائے ونڈ کے نجی کلینک کی جانب سے غفلت یا غیر قانونی طریقہ کار کے شواہد ملے تو اس کے خلاف بھی سخت قانونی کارروائی کی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ