صدر اور وزیراعظم کا چائلڈ لیبر کے خلاف عالمی دن پر عزم کا اعادہ
اشاعت کی تاریخ: 12th, June 2025 GMT
وزیراعظم محمد شہباز شریف نے چائلڈ لیبر کے خلاف عالمی دن کے موقع پر اپنے پیغام میں کہا ہے کہ پاکستان بچوں سے مشقت کے خاتمے کے لیے عالمی برادری کے ساتھ شانہ بشانہ کھڑا ہے۔ انہوں نے کہا کہ آج کا دن اس عزم کی تجدید کا دن ہے کہ ہم ایک ایسے مستقبل کی طرف بڑھیں جہاں ہر بچہ محفوظ اور خوشحال ماحول میں پروان چڑھے۔
وزیراعظم نے کہا کہ مشقت کا شکار بچے جنسی اور ذہنی تشدد سمیت تعلیم کے حق سے بھی محروم ہو جاتے ہیں اور ان سے ان کا بچپن چھین لیا جاتا ہے۔
انہوں نے رواں سال کے تھیم ’پیشرفت واضح ہے تاہم اور بہت کچھ کرنے کی ضرورت ہے: آئیں اپنی کوششوں کی رفتار تیز کریں‘ کا حوالہ دیتے ہوئے کہا کہ انٹرنیشنل لیبر آرگنائزیشن (آئی ایل او) اور یونیسیف کی جانب سے جاری کی جانے والی رپورٹ سے دنیا کو یہ جانچنے میں مدد ملے گی کہ چائلڈ لیبر کے خلاف اقدامات کس حد تک مؤثر رہے ہیں۔
مزید پڑھیں: پنجاب اسمبلی : جبری مشقت اور چائلڈ لیبر کے خاتمے کے لیے قرارداد منظور
وزیراعظم نے اس بات پر زور دیا کہ ترقی پذیر اور جنگ زدہ ممالک میں چائلڈ لیبر کی شرح تشویشناک حد تک زیادہ ہے، جن پر عالمی برادری کو خصوصی توجہ دینے کی ضرورت ہے۔
انہوں نے بتایا کہ پاکستان آئی ایل او کنونشن 138 اور 182 پر سختی سے عمل پیرا ہے اور آئین پاکستان کا آرٹیکل 11 چائلڈ لیبر کے خاتمے سے متعلق واضح ہدایات فراہم کرتا ہے۔ اس کے ساتھ ساتھ چائلڈ لیبر کے خاتمے کے لیے مختلف قوانین بھی نافذ کیے گئے ہیں جن میں روزگارِ اطفال ایکٹ 1991، گھریلو ملازمین سے متعلق ایکٹ 2002، نیشنل کمیشن برائے حقوق اطفال 2017، اسلام آباد چائلڈ پروٹیکشن ایکٹ 2018 اور جووینائل جسٹس سسٹم ایکٹ 2018 شامل ہیں۔
شہباز شریف نے کہا کہ ان قوانین پر مؤثر عملدرآمد کو مزید بہتر بنانے کی ضرورت ہے، تاکہ ان کا حقیقی فائدہ بچوں تک پہنچ سکے۔
انہوں نے سول سوسائٹی، میڈیا، نجی شعبے اور تعلیمی اداروں پر زور دیا کہ وہ چائلڈ لیبر کے خلاف حکومتی کوششوں میں شراکت دار بنیں۔ ان کا کہنا تھا کہ حکومت کے دانش اسکول سسٹم اور غذائیت کے پروگرام غریب بچوں کو محفوظ ماحول میں تعلیم اور صحت کی سہولیات فراہم کرنے کی سنجیدہ کوشش ہیں۔
مزید پڑھیں: سندھ میں چائلڈ لیبر اور کم عمری کی شادیوں کے حوالے سے چونکا دینے والے انکشافات
وزیراعظم نے اس موقع پر ایک بار پھر چائلڈ لیبر کے مکمل خاتمے کے لیے اپنی حکومت کے عزم کا اعادہ کیا۔
صدر مملکت آصف علی زرداری نے چائلڈ لیبر کے خلاف عالمی دن کے موقع پر اپنے پیغام میں کہا ہے کہ یہ دن دنیا کو بچوں کو استحصال اور مشقت سے بچانے کی یاد دہانی کراتا ہے۔ انہوں نے کہا کہ بچوں سے مشقت لینا ایک عالمی چیلنج ہے، جس کے خاتمے کے لیے دنیا کو مشترکہ کوششیں کرنا ہوں گی۔
صدر نے کہا کہ پاکستان بچوں کے استحصال کے خاتمے کے لیے پُرعزم ہے اور اس مقصد کے لیے کئی عملی اقدامات کیے جا چکے ہیں۔ انہوں نے بتایا کہ ملک میں چائلڈ لیبر اور بچوں کے استحصال کی روک تھام کے لیے مؤثر قوانین منظور کیے گئے، متاثرہ بچوں کی دیکھ بھال اور بحالی کے لیے سروس یونٹس اور قومی سطح کے ادارے قائم کیے گئے ہیں۔
صدر زرداری نے زور دیا کہ آجر حضرات چائلڈ لیبر سے متعلق قوانین پر سختی سے عمل کریں اور یقینی بنایا جائے کہ کام کی جگہیں بچوں کے استحصال سے مکمل طور پر پاک ہوں۔ انہوں نے والدین اور سرپرستوں پر بھی زور دیا کہ وہ اپنے بچوں کی تعلیم کو وقتی معاشی فوائد پر ترجیح دیں۔
مزید پڑھیں: تمام اقلیتیں آزادہیں، ہمیں رنگ و نسل، ذات پات سے بالا تر ہو کر آگےبڑھناہوگا، وزیراعظم شہبازشریف
انہوں نے اساتذہ اور تعلیمی اداروں سے کہا کہ وہ ایسے بچوں کی شناخت کریں جو تعلیمی عمل سے باہر ہونے کے خطرے سے دوچار ہوں۔ ساتھ ہی میڈیا کو ہدایت کی کہ وہ چائلڈ لیبر کے خلاف عوام میں شعور بیدار کرنے کے لیے اپنا کردار ادا کرے۔
صدر نے معاشرے کے مخیر حضرات اور سول سوسائٹی پر زور دیا کہ وہ کمزور اور معاشی طور پر پسماندہ خاندانوں کی مدد کریں تاکہ کوئی بچہ غربت کے باعث مزدوری پر مجبور نہ ہو۔
صدر آصف زرداری نے عالمی برادری کی توجہ خاص طور پر غزہ جیسے جنگ زدہ علاقوں میں بچوں کی ابتر حالت کی جانب مبذول کراتے ہوئے کہا کہ ہزاروں معصوم بچے قابض افواج کی جارحیت کے باعث بے گھر، زخمی یا یتیم ہو چکے ہیں۔ ان بچوں کو بھوک، تکلیف اور چائلڈ لیبر جیسے شدید خطرات کا سامنا ہے۔
انہوں نے کہا کہ غزہ کے بچوں کو فوری طور پر عالمی تحفظ، امداد اور انصاف کی ضرورت ہے۔ اپنے پیغام کے اختتام پر صدر نے تمام اسٹیک ہولڈرز پر زور دیا کہ وہ چائلڈ لیبر کے خاتمے کے لیے سنجیدہ اور عملی اقدامات کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیشنل لیبر آرگنائزیشن (آئی ایل او) چائلڈ لیبر صدر زرداری وزیراعظم محمد شہباز شریف.
ذریعہ
ذریعہ: WE News
کلیدی لفظ: انٹرنیشنل لیبر آرگنائزیشن آئی ایل او چائلڈ لیبر وزیراعظم محمد شہباز شریف چائلڈ لیبر کے خاتمے کے خاتمے کے لیے زور دیا کہ وہ پر زور دیا کہ کی ضرورت ہے نے کہا کہ انہوں نے بچوں کے بچوں کی بچوں کو
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی