ایم ڈی او پی ایف نے بیرونِ ملک مقیم پاکستانیوں کی موبائل رجسٹریشن کا مسئلہ حل کرا دیا
اشاعت کی تاریخ: 13th, June 2025 GMT
او پی ایف کے ایم ڈی افضال بھٹی—فائل فوٹو
اوور سیز پاکستانی فاؤنڈیشن (OPF) کے مینیجنگ ڈائریکٹر افضال بھٹی نے بیرونِ ملک مقیم پاکستانیوں کو درپیش موبائل فون رجسٹریشن کے مسئلے کو فوری اور مؤثر اقدامات کے ذریعے حل کر دیا ہے، یہ مسئلہ وطن واپسی پر اوور سیز پاکستانیوں کے لیے پریشانی کا سبب بن رہا تھا۔
افضال بھٹی نے پاکستان ٹیلی کمیونیکیشن اتھارٹی (PTA) کے ساتھ مربوط رابطے کے بعد فوری کارروائی کرتے ہوئے مسئلے کا حل نکالا، جس کے نتیجے میں اب مسئلہ حل ہو چکا ہے اور رجسٹریشن کے عمل کو آسان اور پریشانی سے پاک بنانے کے لیے اہم ہدایات جاری کر دی گئی ہیں۔
او پی ایف کے مطابق کامیاب موبائل رجسٹریشن کے لیے درج ذیل ہدایات پر عمل ضروری ہے:
1۔ وی پی این بند کریں: رجسٹریشن کے دوران موبائل ڈیوائس پر کوئی وی پی این (VPN) فعال نہ ہو، کیونکہ وی پی این سسٹم میں مداخلت کر کے رجسٹریشن کو ناکام بنا سکتا ہے۔
2۔ پاکستان میں موجودگی ضروری ہے: رجسٹریشن کے وقت درخواست گزار کا پاکستان میں موجود ہونا لازم ہے تاکہ درست تصدیق کی جا سکے۔
3۔ ایک ڈیوائس فی این آئی سی او پی (NICOP): ہر NICOP پر صرف ایک موبائل فون 120 دنوں کے لیے رجسٹر کیا جا سکتا ہے، اگر نئی ڈیوائس رجسٹر کرنا ہو تو پہلے رجسٹر شدہ ڈیوائس کو حذف کرنا ضروری ہے۔
4۔ ضرورت پڑنے پر پی ٹی اے سے رابطہ کریں: اگر مذکورہ ہدایات پر عمل کے باوجود رجسٹریشن کامیاب نہ ہو تو صارفین کو مشورہ دیا جاتا ہے کہ وہ براہِ راست PTA سے رابطہ کریں۔
افضال بھٹی نے ایک بار پھر اس عزم کا اعادہ کیا کہ او پی ایف اوور سیز پاکستانیوں کو درپیش مسائل کے حل کے لیے ہر ممکن اقدام کرے گا تاکہ بیرونِ ملک پاکستانیوں کو بنیادی سہولتوں تک بلاتعطل رسائی حاصل رہے۔
مزید معلومات کے لیے اوور سیز پاکستانیوں سے گزارش ہے کہ وہ PTA کی سرکاری ویب سائٹ وزٹ کریں یا او پی ایف ہیلپ لائن سے رابطہ کریں۔
چیئرمین پی ٹی اے جنرل حفیظ الرحمن کا کہنا ہے کہ اوور سیز پاکستانیوں کو درپیش مسائل کے حل کے لیے ہمہ تن جدوجہد کی جاۓ گی اور او پی ایف کے ساتھ اپنا تعاون جاری رکھیں گے، اوور سیز موبائل فون رجسٹرڈ کروانے کے بعد باآسانی اپنا موبائل استعمال کر سکیں گے۔
دریں اثناء اوور سیز پاکستانیوں نے ایم ڈی افضال بھٹی کی کاؤشوں کو زبردست انداز میں خراج تحسین پیش کیا جن کی کوششوں اور دن رات کی محنت سے اوور سیز کی زندگیاں آسان بنائی جا رہی ہیں۔
.ذریعہ: Jang News
کلیدی لفظ: اوور سیز پاکستانیوں پاکستانیوں کو رجسٹریشن کے افضال بھٹی او پی ایف کے لیے
پڑھیں:
کن پاکستانیوں کیلیے یواےای کے ویزا چھوٹ کی سہولت بحال ہوگئی؟
اسلام آباد:یواےای نے پاکستان کے سفارتی اور سرکاری پاسپورٹ ہولڈرز کیلئے ویزا چھوٹ فعال کر دی۔
نائب وزیراعظم و وزیر خارجہ اسحاق ڈار نے کہا ہے کہ یواےای کے نائب وزیر اعظم شیخ عبداللہ بن زایدآل نہیان سےگزشتہ دنوں ملاقات ہوئی جس میں برادر ممالک کے درمیان سفارتی اور سرکاری پاسپورٹس پر باہمی ویزہ چھوٹ پر اتفاق ہوا۔
اسحاق ڈار نے بتایا کہ اس سلسلے میں ایک مفاہمتی یادداشت پر دستخط کیے گئے تاکہ معاہدے کو مؤثر اور نافذ العمل بنایا جا سکے یہ طے پایا کہ ایم اویو پر دستخط کے 30 دن بعد ویزہ چھوٹ نافذالعمل ہو جائے گی۔
ان کا کہنا تھا کہ اماراتی حکام نے پاکستانی سفارتی اور سرکاری پاسپورٹس پر ویزا چھوٹ کی تصدیق کر دی، جولائی سے تمام یو اے ای ہوائی اڈوں پر ویزا چھوٹ نافذ العمل ہو چکی ہے۔
نائب وزیراعظم نے کہا کہ اسی نوعیت کی باہمی سہولت یواےای شہریوں کیلئے بھی پاکستانی ہوائی اڈوں پر نافذ کر دی۔
اگر آپ بھی متحدہ عرب امارات جانے کی خواہش رکھتے ہیں یا پلان بنا رہے ہیں تو آپ یہ باآسانی جان سکتے ہیں کہ پیشگی ویزہ کیسے مل سکتا ہے تا بغیر ویزے والے ممالک کون سے ہیں۔
بین الاقوامی وزیٹرز کو اس بات کا تعین کرنے میں مدد کرنے کے لیے کہ آیا انہیں ویزے کی ضرورت ہے، UAE کی وزارت خارجہ (MOFA) نے ایک وقف شدہ آن لائن ویزا چیک ٹول شروع کیا ہے۔
سرکاری MOFA ویزا استثنیٰ کے صفحہ پر جائیں: www.mofa.gov.ae/en/visa-exemptions-for-non-citizen
سرچ بار تک نیچے سکرول کریں یا اپنا ملک منتخب کرنے کے لیے نقشہ استعمال کریں۔
آپ کو درج ذیل نتائج میں سے ایک نظر آئے گا:
ویزا فری : آپ کو آمد سے پہلے ویزا کے لیے درخواست دینے کی ضرورت نہیں ہے۔
ویزا درکار ہے : آپ کو پہلے سے ویزا کے لیے درخواست دینی ہوگی۔
UAE ویزا فری داخلہ: آپ کب تک رہ سکتے ہیں؟
اگر آپ کا ملک ویزا فری سفر یا آمد پر ویزا کے لیے اہل ہے، تو اجازت شدہ قیام کی مدت مختلف ہوتی ہے:
آمد پر 30 دن کا ویزا
آمد پر 90 دن کا ویزا
مدت آپ کی قومیت پر منحصر ہے۔
ویزا آن ارائیول
ایک درست سیاحتی ویزا، رہائشی اجازت نامہ، یا امریکہ کی طرف سے جاری کردہ گرین کارڈ۔
ایک درست سیاحتی ویزا یا رہائشی اجازت نامہ جو یورپی یونین کے کسی ملک یا برطانیہ کی طرف سے جاری کیا گیا ہے۔
سنگاپور، جاپان، جنوبی کوریا، آسٹریلیا، نیوزی لینڈ، یا کینیڈا سے ایک درست ویزا، رہائشی اجازت نامہ، یا گرین کارڈ۔
ویزا کہاں سے حاصل کریں
امارات، اتحاد، فلائی دبئی، یا ایئر عربیہ جیسی متحدہ عرب امارات کی ایئر لائن کے ذریعے درخواست دیں۔
متحدہ عرب امارات کے لائسنس یافتہ ٹریول ایجنسی یا ٹور آپریٹر کے ذریعے بک کروائیں۔
متحدہ عرب امارات کے رہائشی (خاندان کے رکن یا دوست) سے اسپانسر حاصل کریں۔
سیاحتی ویزے عام طور پر 14، 30 یا 90 دنوں کے لیے دستیاب ہوتے ہیں، آپ کی درخواست کے طریقہ کار اور سفر کے مقصد پر منحصر ہے۔
Post Views: 2
ایک اذان کی تکمیل کیلئے 22 شہادتیں: دنیا بھر میں آج یوم شہدائے کشمیر منایا جارہا ہے