ایران کا اسرائیل پر جوابی حملہ، اسرائیل میں سپر اسٹورز خالی ہونے لگے
اشاعت کی تاریخ: 14th, June 2025 GMT
data-id="863a0a8" data-element_type="widget" data-widget_type="theme-post-content.default">
ایران کے جوابی حملے کے نتیجے میں اسرائیل میں شہریوں کی جانب سے بڑے پیمانے پر اشیائے ضروریہ کی خریداری کی جا رہی ہے، جس کے نتیجے میں سپر اسٹورز اور مارکیٹس کے شیلف خالی ہونے لگے ہیں۔
اسرائیلی شہریوں نے ایران پر حملے کے بعد بڑی تعداد میں سپر مارکیٹس اور اسٹورز کا رخ کیا اور خوراک، پانی، خشک راشن اور دیگر ضروری اشیاء کی ذخیرہ اندوزی شروع کر دی۔
سوشل میڈیا پر گردش کرنے والی ویڈیوز میں دیکھا جا سکتا ہے کہ خریداروں کی یلغار کے بعد متعدد اسٹورز کے شیلف مکمل طور پر خالی ہو چکے ہیں۔
واضح رہے کہ آج صبح اسرائیلی فوج نے ایران پر شدید فضائی حملے کیے تھے، جس کے بعد ایران نے اسرائیل کی جانب میزائل داغ دیے ہیں۔۔
.ذریعہ: Jasarat News
پڑھیں:
اسلام آباد سے گدھے کا گوشت برآمد ہونے کے بعد شہریوں میں تشویش، پولیس کی تفتیش جاری
گزشتہ شب اسلام آباد کے علاقے ترنول میں گدھوں کے گوشت کی غیرقانونی فروخت کے انکشاف نے عوام کو شدید تشویش میں مبتلا کردیا ہے۔ فوڈ اتھارٹی اور ضلعی انتظامیہ کی کارروائی میں ایک غیر ملکی باشندے کو گرفتار کیا گیا ہے جبکہ سینکڑوں کھالیں، درجنوں زندہ گدھے اور 25 من کے قریب گوشت برآمد کیا گیا ہے۔
یہ بھی پڑھیں: اسلام آباد میں گدھے کے گوشت کا معاملہ: غیر ملکی شہری کے خلاف مقدمہ درج
ذرائع کے مطابق گرفتار غیر ملکی کا نام زونگ وی ہے، جو حال ہی میں 90 دن کے ویزے پر پاکستان آیا تھا۔ تفتیشی ٹیموں کو فارم ہاؤس سے کوئی قانونی دستاویز، اجازت نامہ یا گوشت کی ترسیل کا ریکارڈ نہیں ملا۔ پولیس کے مطابق موقع پر موجود پاکستانی افراد فرار ہوگئے تھے۔
رپورٹس کے مطابق گدھوں کو کاٹنے والی جگہ سے سینکڑوں کھالیں بھی برآمد ہوئیں، جنہیں پولیس ذرائع کے مطابق گوادر لے جا کر بیرونِ ملک ایکسپورٹ کیا جاتا تھا۔ شبہ ظاہر کیا جا رہا ہے کہ یہ گوشت اسلام آباد کے مخصوص چائنیز ریسٹورنٹس یا بیرونِ ملک سپلائی ہو رہا تھا۔
مزید تحقیقات سے معلوم ہوا ہے کہ پنجاب کے مختلف علاقوں سے شہری یہاں گدھے فروخت کرنے آتے تھے، جو کہ منظم سپلائی چین کی موجودگی کا ثبوت ہے۔ فارم ہاؤس کا مالک جیانگ لیانگ نامی شخص بتایا جا رہا ہے، جو اس وقت بیرون ملک مقیم ہے۔
ڈپٹی ڈائریکٹر اسلام آباد فوڈ اتھارٹی ڈاکٹر طاہرہ صدیق کے مطابق ابتدائی طور پر گوشت کی بیرونِ ملک منتقلی کا امکان ظاہر کیا جا رہا ہے، اور متعلقہ نیٹ ورک کے تمام کرداروں تک پہنچنے کے لیے تفتیش جاری ہے۔ غیر ملکی ملزم کو ٹرانسلیٹر کی سہولت دی گئی ہے، تاہم اب تک کی تفتیش میں کوئی خاطر خواہ معلومات حاصل نہیں ہو سکیں۔
اسلام آباد پولیس نے تھانہ سنگجانی میں مقدمہ درج کرتے ہوئے اسلام آباد فوڈ سیفٹی ایکٹ 2021 کی دفعات 11، 12، 13، اور 14 کے تحت کارروائی شروع کردی ہے۔
یہ بھی پڑھیں: اسلام آباد میں گدھے کا گوشت فروخت ہونے کا انکشاف، 25 من گوشت، 60 زندہ گدھے برآمد
واقعہ نے شہریوں میں تشویش کی شدید لہر دوڑا دی ہے اور عوامی سطح پر مطالبہ کیا جا رہا ہے کہ اس خطرناک نیٹ ورک کو مکمل بے نقاب کر کے سخت قانونی کارروائی کی جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام اباد انکشاف ترنول تشویش کی لہر سلاٹر ہاؤس غیرملکی شہری گرفتار گدھے کا گوشت مقدمہ درج وی نیوز
ایک دن کشمیر میں آزادی کی اذان ضرور گونجے گی، مشعال ملک