کینسر کا شکار دیپیکا ککڑ 11 دن بعد اسپتال سے ڈسچارج
اشاعت کی تاریخ: 14th, June 2025 GMT
ٹی وی اداکارہ دیپیکا ککڑ کو اسٹیج ٹو لیور کینسر کے باعث 14 گھنٹے طویل سرجری کے بعد اسپتال سے ڈسچارج کردیا گیا۔
اداکار شعیب ابراہیم نے اپنی اہلیہ دیپیکا کی صحت کی اپڈٰیٹ دیتے ہوئے کہا کہ دیپیکا کو 11 دن بعد اسپتال سے ڈسچارج کردیا گیا ہے، تاہم ان کا کہنا تھا کہ اب بھی فالو اپ کے لیے اسپتال آنا جانا جاری رہے گا کیونکہ ٹیومر کینسر زدہ نکلا ہے۔
انہوں نے مزید کہا کہ پچھلے کچھ دن ہمارے لیے بہت مشکل تھے، میرے لیے بھی اور میرے خاندان کے لیے بھی لیکن ہم ہر ایک کی دعاؤں اور حمایت کے شکر گزار ہیں، یہ صرف ایک مرحلہ ہے، ابھی آگے بہت کچھ باقی ہے، فی الحال سب کچھ ٹھیک ہے لیکن ہم نے محض ایک سنگ میل عبور کیا ہے، ابھی بھی کئی معاملات ہیں جن کا جائزہ لینا ہے۔
View this post on InstagramA post shared by Dipika (@ms.
شعیب نے بتایا کہ جیسے جیسے ڈاکٹروں کی رہنمائی ہوگی، ہم اس پر عمل کرتے جائیں گے لیکن سب سے بڑا حصہ سرجری تھی جو کامیاب رہی،دیپیکا بھی اچھی طرح صحت یاب ہو رہی ہیں۔
دیپیکا ، جن کا 14 گھنٹے طویل آپریشن ہوا، اسپتال سے رخصتی کے وقت بہت جذباتی تھیں۔انہوں نے ذاتی طور پر تمام ڈاکٹروں کا شکریہ ادا کیا اور نرسوں سے بغلگیر ہوئیں۔
وی لاگ میں شعیب نے اس جذباتی لمحے کو یاد کرتے ہوئے کہا کہ جب ڈاکٹر نے بتایا کہ دیپیکا کا ٹیومر کینسر زدہ ہے، تو وہ دونوں ڈاکٹر کے سامنے ہی رو پڑے۔
دیپیکا کی صحت پر بات کرتے ہوئے شعیب نے کہا کہ فی الحال سب کچھ ٹھیک ہے لیکن ہمیں بار بار اسپتال آنا پڑے گا کیونکہ ٹیومر کینسر زدہ تھا، اس صورتحال کی مانیٹرنگ ضروری ہے، انہوں نے ہمیں ایک ہفتے بعد پھر آنے کو کہا ہے، اس کے بعد فیصلہ کیا جائے گا کہ مزید کوئی علاج درکار ہے یا نہیں، فی الحال ہم قدم بہ قدم آگے بڑھ رہے ہیں۔
ویڈیو میں دیپیکا کو اپنے بیٹے روحان اور دیگر اہلِ خانہ سے دوبارہ ملتے ہوئے دیکھا گیا، وی لاگ میں دیپیکا خاموشی سے بیٹھی رہیں جبکہ شعیب نے زیادہ تر بات کی۔
آخر میں اس جوڑے نے اپنے مداحوں کا شکریہ ادا کیا۔ دیپیکا نے جذباتی انداز میں کہا کہ یہ حقیقت کہ آپ میں سے بہت سوں نے صرف دو منٹ نکال کر میرے دعا کی،یہ بہت بڑی بات ہے، آپ کو اندازہ نہیں کہ ان کٹھن لمحات میں ہمیں کتنی حوصلہ افزائی ملی۔
شعیب نے اس وی لاگ کو اصل میں پہلے شیئر کرنے کا ارادہ کیا تھا لیکن احمد آباد طیارہ حادثے کے متاثرین کے احترام میں اسے مؤخر کر دیا۔
ویڈیو میں انہوں نے اور دیپیکا نے اس سانحے میں متاثرہ خاندانوں سے تعزیت کا اظہار بھی کیا۔
دیپیکا کی 14 گھنٹے طویل سرجری
دیپیکا کو مئی میں جگر میں ٹیومر کی تشخیص ہوئی تھی، رواں ماہ کے آغاز میں دیپیکا نے اسٹیج 2 لیور کینسر کے لیے 14 گھنٹے طویل آپریشن کروایا۔
یوٹیوب پر اپنے وی لاگ میں شعیب نے بتایا کہ سرجری کے دوران دیپیکا کا گیل بلیڈر(پتہ) اور جگر کا ایک چھوٹا سا حصہ بھی نکالا گیا۔
انہوں نے کہا کہ ان کا ٹیومر بخوبی نکال دیا گیا، سرجری کے بعد گیل بلیڈر بھی نکال دیا گیا کیونکہ اس میں پتھری تھی، چونکہ جگر میں ٹیومر تھا، اس لیے اس کا ایک چھوٹا سا حصہ بھی کاٹا گیا لیکن گھبرانے کی ضرورت نہیں، کیونکہ جگر وہ عضو ہے جو خود کو دوبارہ بنا لیتا ہے۔
Post Views: 5ذریعہ: Daily Mumtaz
کلیدی لفظ: گھنٹے طویل اسپتال سے انہوں نے ٹیومر کی کہا کہ
پڑھیں:
ستھرا پنجاب پراجیکٹ کامیابی سے جاری ہے، مریم نواز: عالمی بنک، یورپی ممالک سرمایہ کاری کیلئے آمادہ
لاہور (نوائے وقت رپورٹ) وزیراعلیٰ مریم نواز شریف کی زیر صدارت اجلاس میں ستھرا پنجاب کے بارے میں تفصیلی بریفنگ دی گئی۔ اجلاس میں بتایا گیا کہ عالمی بینک، یورپ سمیت دیگر ممالک کے ترقیاتی اداروں نے ستھرا پنجاب میں سرمایہ کاری کیلئے دلچسپی کا اظہار کیا ہے۔ مزید برآں وہیکل ٹرپ کاؤنٹنگ سسٹم، وہیکل ٹریکنگ مینجمنٹ سسٹم کے بارے میں بھی بتایا گیا۔ ستھرا پنجاب پراجیکٹ کے تحت پہلی مرتبہ ای انوائس اور سینی ٹیشن فیس کی ای بلنگ پر بریفنگ دی گئی۔ اجلاس میں پنجاب بھر میں مزید 136 ویسٹ ڈسپوزل پوائنٹس بنانے پر اتفاق کیا گیا۔ وزیراعلی مریم نوازشریف نے اجلاس سے خطاب کرتے ہوئے کہا کہ ستھرا پنجاب پروگرام کامیابی سے جاری ہے، چند اضلاع میں صفائی کے بارے میں شکایات کا ازالہ کریں گے۔ ستھرا پنجاب پراجیکٹ میں درست کام نہ کرنے والے کنٹریکٹر کو نکال باہر کیا جائے۔ ہر گلی محلے میں صفائی اور عملہ مستقل طورپر نظر آنا چاہیے۔ لوگوں کی بڑھتی ہوئی توقعات کی طرح پرفارمنس کو بھی بڑھانا ہے۔ سیف سٹی کیمروں کو پنجاب بھر میں صفائی کی صورتحال جانچنے کیلئے استعمال کیا جائے۔ علاوہ ازیں وزیراعلیٰ پنجاب مریم نواز شریف نے ورلڈ ہیڈ اینڈ نیک کینسر ڈے پر اپنے پیغام میں کہاکہ ورلڈ ہیڈ اینڈ نیک کینسر ڈے ہمیں مہلک بیماری کے خلاف شعور، احتیاط اور ہمدردی کا پیغام دیتا ہے۔ الحمدللہ، پاکستان کا پہلا ’’نواز شریف انسٹیٹیوٹ آف کینسر‘‘ تیزی سے تعمیر ہو رہا ہے۔ نواز شریف انسٹیٹیوٹ آف کینسر جلد ہی نہ صرف پنجاب بلکہ پورے پاکستان کے مریضوں کے لیے امید کی کرن بنے گا۔ نواز شریف انسٹیٹیوٹ آف کینسر میں کسی بھی سٹیج کے کینسر مریض کو انکار نہیں کیا جائے گا۔ دریں اثناء وزیراعلیٰ مریم نواز شریف نے کیپٹن محمد سرور شہید کو خراجِ عقیدت پیش کیا اور کہاکہ پہلا نشانِ حیدر حاصل کرنے والے کیپٹن سرور شہید پاکستان کے لئے جرات اور شجاعت کی علامت ہیں۔ علاوہ ازیں وزیراعلی مریم نواز شریف نے ڈھوک سیال کے قریب ایم ٹو پر بس حادثے میں قیمتی انسانی جانوں کے ضیاع پر گہرے دکھ اور افسوس کا اظہار‘ سوگوار خاندانوں سے تعزیت کا اظہار کیا اور زخمی مسافروں کی جلد صحتیابی کیلئے دعا کی۔
اقدام قتل کیس میں مدعی سے صلح کے باعث موسیٰ مانیکا کی ضمانت منظور