فلسطینی مزاحمت کاروں کے حملے میں اسرائیلی فوجی ہلاک،مزید 23 فلسطینی شہید،مصر میں نیلسن منڈیلا کے نواسے کا پاسپورٹ ضبط
اشاعت کی تاریخ: 16th, June 2025 GMT
data-id="863a0a8" data-element_type="widget" data-widget_type="theme-post-content.default">
250616-01-14
غزہ/بارسلونا/قاہرہ(مانیٹرنگ ڈیسک)غزہ میں فلسطینی مزاحمت کاروں کے حملے میں ایک اسرائیلی فوجی ہلاک ہوگیا۔اسرائیلی میڈیا کے مطابق 21 سالہ سارجنٹ نوم شمیش اسکواڈ کمانڈر تھا جو کہ خان یونس میں مزاحمت کاروں کے آر پی جی کے حملے میں مارا گیا۔اسرائیلی فوج کے مطابق حملے میں ایک اور اسرائیلی فوجی زخمی بھی ہوا ہے۔اسرائیلی میڈیا کے مطابق اکتوبر 2023 ء میں غزہ کی پٹی میں شروع ہونے والے اسرائیلی فوج کے آپریشن میں 430 اسرائیلی فوجی ہلاک ہوچکے ہیں۔ایک ہفتہ قبل بھی خان یونس میں فلسطینی مزاحمت کاروں کے حملے میں 4 اسرائیلی فوجی ہلاک جب کہ 5 زخمی ہوگئے تھے۔ علاوہ ازیں غزہ پٹی میں اسرائیلی ریاستی دہشت گردی کی کارروائیاں بدستور جاری ہیں جہاں حالیہ تشدد میں امداد کے منتظر 12 فلسطینیوں کو شہید کر دیا گیا ہے۔ 24گھنٹوں کے دوران مختلف واقعات میں مجموعی طور پر 23 نہتے فلسطینی شہید ہوچکے ہیں۔ اسپین کے شہر بارسلونا میں فلسطینیوں کے حق میں ایک بڑا مظاہرہ بھی ہوا جس میں ہزاروں افراد نے شرکت کی اور عالمی برادری سے فلسطینیوں کے حقوق کے دفاع کا مطالبہ کیا۔دوسری جانب یمن میں اسرائیل کی بمباری کے نتیجے میں حوثی ملیشیا کے اہم کمانڈر محمد عبدالکریم الغماری شہید ہو گئے ہیں، جس سے خطے میں صورتحال مزید نازک ہو گئی ہے۔مزید برآں گلوبل مارچ ٹو غزہ میں شرکت کے لیے مصر پہنچے نیلسن منڈیلا کے نواسے کا پاسپورٹ ضبط کرلیا گیا۔نیلسن منڈیلا کے نواسے (Zwelivelile Mandela) کے بقول وہ قاہرہ میں چیک پوائنٹ پر موجود ہیں اور ان کا پاسپورٹ ضبط کر لیا گیا ہے۔خیال رہے کہ گلوبل مارچ ٹو غزہ اسرائیلی ناکا بندی کو توڑنے کی تحریک ہے جس نے غزہ کو قحط کے دہانے پر دھکیل دیا ہے، مارچ میں 80 سے زاید ممالک کے تقریباً 4,000 رضاکار شامل ہوں گے۔واضح رہے کہ غزہ میں اکتوبر 2023ء سے جاری اسرائیلی حملوں میں اب تک 54 ہزار سے زائد فلسطینی شہید ہوچکے ہیں جب کہ ایک لاکھ 26 ہزار سے زائد زخمی ہیں۔
ذریعہ: Jasarat News
کلیدی لفظ: اسرائیلی فوجی ہلاک مزاحمت کاروں کے کے حملے میں
پڑھیں:
حساس صیہونی اہداف پر یمن کا ڈرون حملہ
غاصب اسرائیلی رژیم کے سرکاری میڈیا نے اعلان کیا ہے کہ اسرائیلی فوج کے اہم ٹھکانوں پر ہونیوالے ایک نئے یمنی ڈرون حملے کی نشاندہی کی گئی ہے اسلام ٹائمز۔ قابض اسرائیلی رژیم کے سرکاری میڈیا نے اہم صیہونی اہداف کے خلاف ہونے والے تازہ یمنی ڈرون حملے کی اطلاع دی ہے۔ اس حوالے سے آج شام جاری ہونے والے اپنے بیان میں قابض اسرائیلی فوج نے بھی نئے یمنی ڈرون حملے کی تصدیق کی ہے۔ صیہونی میڈیا کے مطابق، غاصب اسرائیلی فوج کا دعوی ہے کہ حملہ آور ڈرون طیارے کو روک لیا گیا تھا۔ ادھر یمنی فوج نے بھی اس رپورٹ کی اشاعت تک اسرائیلی دعوے پر کوئی ردعمل ظاہر نہیں کیا اور نہ ہی اس کارروائی کی تفصیلات کا اعلان کیا ہے۔
واضح رہے کہ اکتوبر 2023ء میں غزہ کی پٹی کے خلاف شروع ہونے والی انسانیت سوز صیہونی جنگ کے آغاز کے ساتھ ہی یمن نے مظلوم فلسطینی عوام کی عملی حمایت کا اعلان کیا جس کے بعد سے لے کر اب تک یمن کی جانب سے نہ صرف مقبوضہ فلسطینی سرزمین پر واقع حساس صیہونی عسکری مراکز کے خلاف سینکڑوں کامیاب ڈرون و میزائل حملے انجام پا چکے ہیں بلکہ اس نے غاصب صیہونی رژیم کی سمندری و فضائی حدود کا محاصرہ جاری رکھتے ہوئے، اہم اسرائیلی ایئرپورٹ بن گورین اور بندرگاہوں ایلات و حیفا کو بند کروا دہنے کے ساتھ ساتھ قابض اسرائیلی رژیم کے ساتھ منسلک سینکڑوں بحری جہازوں کو بھی کامیابی کے ساتھ نشانہ بنایا ہے۔
وائٹ ہاؤس کا نیا اے آئی پلان: ضوابط میں نرمی، جدید ٹیکنالوجی کی راہ ہموار