پاسداران انقلاب کےانٹیلی جنس سربراہ محمد کاظمی اور ان کے نائب شہید، ایرانی خبرایجنسی کی تصدیق
اشاعت کی تاریخ: 16th, June 2025 GMT
ایرانی خبرایجنسی نے تصدیق کی ہے کہ اسرائیل کے تہران پر حملے میں پاسداران انقلاب کےانٹیلی جنس سربراہ محمد کاظمی اور ان کے نائب شہید ہوگئے ۔
اس سے پہلے اسرائیلی وزیراعظم نے کہا تھا کہ پاسداران انقلاب کے انٹیلی جنس چیف اور ان کے ڈپٹی کو قتل کردیا ہے۔
نیتن یاہو کا کہنا تھا کہ ہمیں جو کرنے کی ضرورت ہوتی ہے وہ کرتے ہیں اور آئندہ بھی کریں گے۔ بات چیت کی بہت سی غلط رپورٹس ہیں جو کبھی ہوئی ہی نہیں۔
اسرائیلی وزیراعظم نے کہا کہ امریکا جانتا ہے کہ اس کے لیے بہتر کیا ہے۔ تہران سے اسرائیل کے وجود کولاحق دو خطرات کے خاتمے تک جوضروری ہوگا کریں گے، ایران سےلاحق پہلا خطرہ جوہری اور دوسرا بیلسٹک میزائل کا ہے۔
Post Views: 2.ذریعہ: Daily Mumtaz
پڑھیں:
اسرائیلی حملے سے ایران میں نقصانات، پاسداران انقلاب کا انٹیلیجنس ہیڈکوارٹر تباہ کرنے کا بھی دعویٰ
مشرقِ وسطیٰ ایک بار پھر تباہ کن جنگ کی لپیٹ میں آ چکا ہے، جہاں اسرائیلی فضائیہ نے ایران کے کئی شہروں پر بڑے پیمانے پر حملے کیے ہیں۔ ان حملوں کا دائرہ مشہد، تہران، اصفہان، تبریز، شیراز سمیت ایران کے اہم دفاعی و شہری مراکز تک پھیل چکا ہے۔ ان کارروائیوں کے دوران اسرائیلی فضائیہ نے ایران کے ری فیولنگ طیارے کو بھی نشانہ بنانے کا دعویٰ کیا ہے، جس کی تباہی سے ایران کی فضائی کارروائیوں کی صلاحیت شدید متاثر ہونے کا خدشہ ہے۔ اس کے علاوہ اسرائیل نے دعویٰ کیا ہے کہ پاسداران انقلاب کا انٹیلیجنس ہیڈکوارٹر تباہ کردیا ہے۔
سب سے ہولناک مناظر ایران کے مقدس شہر مشہد سے رپورٹ ہوئے ہیں، جہاں امام علی رضا علیہ السلام کے روضے کے عقب سے دھوئیں کے گہرے بادل اٹھتے دیکھے گئے، جس نے اہلِ مشہد کو شدید خوف اور اضطراب میں مبتلا کر دیا۔
یہ بھی پڑھیں اسرائیل اور ایران کے ایک دوسرے پر حملے جاری، تہران میں بمباری کے دوران 5 کار بم دھماکے
ایرانی حکام کے مطابق ان تازہ حملوں کے نتیجے میں کم از کم 128 افراد شہید اور 900 زیادہ زخمی ہو چکے ہیں۔ زخمیوں میں بڑی تعداد خواتین، بچوں اور اسپتالوں میں زیر علاج مریضوں کی ہے، جن پر بمباری کے دوران اسپتالوں اور بنیادی سہولیات کو بھی نشانہ بنایا گیا۔
تہران میں موساد کے مبینہ کار بم حملے
ایرانی میڈیا کا کہنا ہے کہ تہران میں سلسلہ وار دھماکے ہوئے، جن میں کم از کم 5 کار بم شامل تھے۔ ایرانی حکام نے ان حملوں کی ذمہ داری اسرائیلی خفیہ ایجنسی موساد پر عائد کی ہے۔ ان دھماکوں سے نہ صرف جانی نقصان ہوا بلکہ تہران کی مرکزی پانی کی سپلائی لائن بھی تباہ ہو گئی ہے، جس کے باعث لاکھوں شہری پانی کی قلت کا سامنا کر رہے ہیں۔
ایرانی سائنسدانوں کو بھی نشانہ بنایا گیا
ایرانی جوہری اداروں سے وابستہ ذرائع کے مطابق گزشتہ تین دنوں میں اسرائیلی حملوں میں 14 ایرانی جوہری سائنسدان شہید ہو چکے ہیں، جن میں کئی اعلیٰ درجے کے محققین اور انجینیئرز شامل ہیں۔ یہ حملے ایران کے جوہری پروگرام کو شدید نقصان پہنچانے کے لیے کیے گئے ہیں۔
حکومتی دفاتر، حساس تنصیبات اور انٹیلیجنس مراکز پر حملے
اسرائیلی میڈیا نے رپورٹ کیا ہے کہ فضائی حملوں کے دوران ایرانی وزارتِ انٹیلی جنس، وزارتِ انصاف اور پاسدارانِ انقلاب کا انٹیلی جنس ہیڈکوارٹر بھی نشانہ بنایا گیا۔ تہران میں کئی اہم سرکاری عمارتیں ملبے کا ڈھیر بن چکی ہیں۔ اسرائیلی فوج کے ترجمان نے دعویٰ کیا ہے کہ ان حملوں کے ذریعے ایران کے کمانڈ اینڈ کنٹرول سسٹمز کو ناکارہ بنایا گیا ہے۔
اسرائیلی حکام نے کہا ہے کہ ان کا مقصد ایران میں حکومت کا تختہ الٹنا نہیں بلکہ ایران کی وہ عسکری اور تزویراتی صلاحیتیں ختم کرنا ہے جو اسرائیل کے لیے خطرہ بن سکتی ہیں۔ اسرائیلی فوج کے مطابق، ان کارروائیوں کا بنیادی ہدف “ایران کو اسرائیل کے خاتمے کے قابل نہ رہنے دینا” ہے۔
یہ بھی پڑھیں ایران نے اسرائیل پر پھر بیلسٹک میزائل داغ دیے، تل ابیب میں دھماکوں کی گونج
اسرائیل کی اس کارروائی کے بعد مشرق وسطیٰ میں کشیدگی انتہائی سطح تک پہنچ چکی ہے۔ تہران سمیت دیگر شہروں میں ایمرجنسی نافذ کر دی گئی ہے اور شہریوں کو بنکرز میں منتقل کیا جا رہا ہے۔ عالمی برادری تاحال خاموش ہے، تاہم ماہرین خبردار کر رہے ہیں کہ اگر یہ سلسلہ جاری رہا تو پورا خطہ ایک مکمل جنگ کی لپیٹ میں آ سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیلی فضائیہ ایران پر حملے بمباری تباہ کن جنگ مشرق وسطیٰ وی نیوز
’’ میرا مقام بیت الخلا صاف کرنے والوں سے بھی نیچے ہے ، میں تو ۔۔‘‘ سہیل وڑائچ نے آخر کار خاموشی توڑ دی