بھارت آنے والی لفتھانزا کی پرواز'بم کی دھمکی' کے بعد جرمنی واپس
اشاعت کی تاریخ: 16th, June 2025 GMT
اسلام آباد (اُردو پوائنٹ ۔ DW اردو۔ 16 جون 2025ء) حیدرآباد کے راجیو گاندھی بین الاقوامی ہوائی اڈے کے ایک اہلکار نے پیر کے روز نیوز ایجنسی اے این آئی کو بتایا کہ لفتھانزا کی پرواز کو بم کی دھمکی موصول ہوئی تھی، جس کے بعد اسے فضا میں یو ٹرن لے کر جرمنی کے فرینکفرٹ ہوائی اڈہ لے جایا گیا۔
ایئر انڈیا حادثہ: ہلاکتیں 270 تک پہنچ گئیں، خاندان سوگوار
انہوں نے کہا کہ طیارہ نے فرینکفرٹ سے پرواز بھری تھی اور واپس لوٹنے سے قبل بھارتی فضائی حدود میں داخل نہیں ہوا تھا۔
قبل ازیں، لفتھانزا کے ترجمان نے کہا کہ پرواز کو حیدرآباد کے راجیو گاندھی بین الاقوامی ہوائی اڈے پر اترنے کی اجازت نہیں ملی تھی، اور اس وجہ سے وہ فرینکفرٹ، جرمنی کے سب سے مصروف اور یورپ کے چھٹے مصروف ترین بین الاقوامی ہوائی اڈے فرینکفرٹ، پر واپس آگئی۔
(جاری ہے)
ہم اس بارے میں کیا جانتے ہیں؟لفتھانزا کی پرواز ایل ایچ سات سو باون اتوار کو مقامی وقت کے مطابق تقریباً سوا دو بجے فرینکفرٹ سے روانہ ہوئی اور اسے پیر کی صبح حیدرآباد میں لینڈ کرنا تھا۔
امریکا: بوئنگ طیاروں کے انجن کے معائنے کا حکم
بھارتی خبر رساں ایجنسی پی ٹی آئی نے ایک مسافر کے حوالے سے بتایا، ''ہم ابھی تقریباً 15 منٹ پہلے فرینکفرٹ واپس پہنچے ہیں اور ہمیں صرف اتنا بتایا گیا کہ حیدرآباد نے وہاں اترنے کی اجازت نہیں دی ہے۔"
انہوں نے مزید بتایا "یہ ایک آرام دہ سفر تھا اور تقریباً دو گھنٹے ہوا میں رہنے کے بعد، ہمیں بتایا گیا کہ ہم فرینکفرٹ واپس جائیں گے۔
اب ہوائی اڈے پر، وہ ہمیں رات کے لیے رہائش فراہم کر رہے ہیں۔ انہوں نے ہمیں بتایا ہے کہ ہم مقامی وقت کے مطابق کل صبح 10 بجے اسی پرواز سے روانہ ہوں گے۔"لفتھانزا کے ایک ترجمان نے اس پورے واقعے کی تصدیق کی ہے۔ لفتھانزا کی ویب سائٹ کے مطابق یہ بوئنگ کا ڈریم لائنر طیارہ ہے۔
ایک دن میں دوسرا واقعہیہ اتوار کو یورپ سے بھارت آنے والا دوسرا طیارہ ہے جسے واپس لوٹنا پڑا۔
اس سے قبل برٹش ایئرویز کی لندن سے چینئی جانے والی پرواز لندن واپس لوٹ گئی تھی۔بوئنگ کمپنی کے اس طیارے میں مبینہ طور پر"فلیپ ایڈجسٹمنٹ کی خرابی" آگئی تھی، جس کی وجہ سے اسے ہیتھرو واپس جانا پڑا۔
ہوا بازی سے متعلق کچھ سوشل میڈیا اکاؤنٹس کے مطابق، فلائٹ کو "فلیپ ایڈجسٹمنٹ فیل" کا سامنا کرنا پڑا، جس کا مطلب ہے کہ پائلٹ فلیپس کو کنٹرول کرنے میں ناکام رہے۔
خیال رہے بوئنگ 787 ڈریم لائنر گزشتہ ہفتے کے مہلک احمد آباد طیارہ حادثے کی وجہ سے بھارت میں جانچ کی زد میں ہے۔ اس طیارے پر سوار 242 میں سے 241 افراد اپنی جان سے ہاتھ دھو بیٹھے تھے۔ جب کہ مجموعی طور پر، 274 افراد ہلاک ہوئے، جن میں زمین پر موجود افراد بھی شامل تھے۔
یہ طیارہ لندن گیٹوک ایئرپورٹ کے لیے اڑان بھرنے کے چند منٹ بعد گر کر تباہ ہو گیا۔
ادارت: صلاح الدین زین
.ذریعہ: UrduPoint
کلیدی لفظ: تلاش کیجئے ہوائی اڈے کے مطابق
پڑھیں:
ایران ۔ اسرائیل جنگ؛ 6 ممالک کی فضائی حدود بند ہونے سے بھارت کی مشکلات میں اضافہ
مشرقِ وسطیٰ میں ایران اور اسرائیل کے مابین شدید کشیدگی کے باعث خطے کے فضائی راستے غیر یقینی صورتحال کا شکار ہوچکے ہیں۔ اسرائیلی حملے اور اس پر ایرانی جوابی کارروائی کے بعد 6 ممالک نے اپنی فضائی حدود بند کردی ہیں، جس کے اثرات عالمی ہوا بازی پر پڑنا شروع ہوگئے ہیں۔
6 ممالک کی فضائی حدود بند ہونے کے سب سے زیادہ اثرات بھارت پر پڑے ہیں جو پہلے ہی پاکستان کے ساتھ تناؤ کے بعد فضائی حدود کی پابندیاں بھگت رہا ہے۔ فضائی حدود کی بندش کے بحران نے بھارت کو بری طرح جکڑ لیا ہے۔
ایوی ایشن ذرائع کے مطابق، بھارتی ایئرلائنز کو اپنے درجنوں بین الاقوامی اور اندرونِ ملک پروازوں کے رخ موڑنے پڑے ہیں، جبکہ متعدد پروازیں مکمل طور پر منسوخ کردی گئی ہیں۔
یاد رہے کہ گزشتہ رات کے اسرائیلی حملے کے فوراً بعد ایران نے تمام قسم کی پروازوں کےلیے اپنی فضائی حدود بند کر دی تھیں، جس کے بعد عراق، اردن، شام، لبنان اور خود اسرائیل نے بھی احتیاطی تدابیر کے تحت فضائی سرگرمیاں معطل کردی تھیں۔
اس صورتحال کا فوری اثر بھارت پر یہ پڑا کہ دہلی سے ایران کے راستے جانے والی دو پروازیں ایران میں پھنس گئیں، جنہیں مختصر وقت میں واپس موڑ کر نکالا گیا۔ فضائی راستوں میں اس غیر متوقع تبدیلی کی وجہ سے کئی عالمی پروازوں کا رخ بدلنا پڑا۔ نیویارک، لندن، ٹورنٹو، ویانا، فرینکفرٹ، شارجہ، جدہ اور استنبول جیسے شہروں میں بھارتی پروازیں اتاری گئیں، جس سے مسافروں کو طویل انتظار اور الجھن کا سامنا کرنا پڑا۔
حالات یہاں تک پہنچے کہ امریکا سے بھارت جانے والی پروازوں نے کینیڈا کے ذریعے روس، منگولیا، چین اور بنگلادیش جیسے طویل راستوں کو اختیار کیا، جس کی وجہ سے 15 گھنٹے کی پرواز اب 18 گھنٹے سے زائد وقت لے رہی ہے۔
پاکستان کی فضائی سرگرمیاں بھی کچھ حد تک متاثر ہوئیں۔ ایران اور اسرائیل کی کشیدگی کے باعث نجف سے کراچی، باکو سے لاہور، اور کراچی سے جدہ جانے والی کل 7 پروازیں منسوخ کردی گئیں۔ اسی طرح کویت سے کراچی آنے والی غیر ملکی پروازیں 6 گھنٹے سے زائد تاخیر کا شکار ہوئیں، جبکہ دبئی، شارجہ، استنبول، مسقط، فیصل آباد، سیالکوٹ اور ملتان کی جانب آنے اور جانے والی کئی پروازیں بھی ایک سے پانچ گھنٹے کی تاخیر سے روانہ ہوئیں۔
بلوچستان سورج آگ برسانے لگا؛ درجہ حرارت 49 ڈگری سینٹی گریڈ کو چھو گیا