ایران اور غزہ پر جارحیت بڑھانے کیلیے اسرائیلی اپوزیشن لیڈر کی امریکا سے مدد کی اپیل
اشاعت کی تاریخ: 16th, June 2025 GMT
data-id="863a0a8" data-element_type="widget" data-widget_type="theme-post-content.default">
تل ابیب : اسرائیل کے سابق وزیراعظم اور موجودہ اپوزیشن لیڈر یائر لیپڈ نے ایران کے ساتھ جاری کشیدگی کے تناظر میں امریکا سے کھل کر فوجی مدد طلب کر لی ہے، خاص طور پر فورڈو جیسی حساس اور مضبوط جوہری تنصیب پر حملے کے لیے۔
عالمی میڈیا رپورٹس کے مطابق اسرائیلی اپوزیشن لیڈر نے کہا کہ فورڈو کا جوہری پلانٹ محض اسرائیل کے لیے نہیں بلکہ پوری دنیا کے لیے ایک سنگین خطرہ بن چکا ہے، اس تنصیب کو تباہ کرنا اسرائیل کے بس سے باہر ہے اور اس میں امریکا کی تکنیکی اور فوجی معاونت ناگزیر ہے۔
یائر لیپڈ نے واضح کیا کہ وہ امید رکھتے ہیں کہ امریکی صدر ڈونلڈ ٹرمپ ان کی اپیل پر مثبت ردعمل دیں گے اور اسرائیل کی ضروریات کو سمجھتے ہوئے مدد فراہم کریں گے۔
اپوزیشن لیڈر نے اسرائیلی حکومت پر بھی زور دیا کہ وہ ایران کے خلاف فوجی کارروائیاں اس وقت تک جاری رکھے جب تک تہران کا جوہری پروگرام مکمل طور پر ختم نہ کر دیا جائے۔
یاد رہے کہ ایران کی فورڈو جوہری تنصیب زیر زمین واقع ہے اور اسے خاص حفاظتی اقدامات کے تحت تعمیر کیا گیا ہے، جس کی وجہ سے عام حملوں سے اس کا تباہ ہونا ممکن نہیں۔ اس تناظر میں امریکی بمبار طیارے، گائیڈڈ میزائل اور خفیہ معلومات کا اشتراک اسرائیلی حکمت عملی کا حصہ بن سکتا ہے۔
ایران اور اسرائیل کے مابین جاری کشیدگی میں یہ مطالبہ ایک نئے مرحلے کی علامت بن رہا ہے، جس میں بین الاقوامی طاقتوں کی شمولیت کا خدشہ مزید گہرا ہو گیا ہے۔
.
ذریعہ
ذریعہ: Jasarat News
کلیدی لفظ: اپوزیشن لیڈر اسرائیل کے اور اس
پڑھیں:
اسمبلی کارروائی پیپر لیس کرنے کیلئے پنجاب اسمبلی میں جدید ٹیبلٹس کی تنصیب
پنجاب اسمبلی (فائل فوٹو)۔اسمبلی کارروائی پیپر لیس کرنے کے لیے پنجاب اسمبلی میں ارکان کے لیے جدید ٹیبلٹس انسٹال کر دییے گئے۔
لاہور سے ترجمان پنجاب اسمبلی کےمطابق صوبائی اسمبلی کا اگلا اجلاس پیپر لیس ہو گا، 380 ٹیبلٹس یورپین یونین کے آئی پی 5 پروگرام کے تحت پنجاب اسمبلی کو فراہم کیے گئے۔
ترجمان کے مطابق ایپلیکیشن پی آئی ٹی بی نے محکمہ قانون اور اسمبلی آئی ٹی ٹیم کی مشاورت سے تیار کیا، جو صرف اسمبلی کارروائی کے لیے ہے۔
چوہدری عامر حبیب کے مطابق اس فیصلہ سے گرین انرجی کے تحت توانائی کی بچت بھی ہو گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ