ایران نے امریکا و اسرائیل کی 12 روزہ ہائبرڈ جنگ کی تفصیلات جاری کر دیں
اشاعت کی تاریخ: 29th, July 2025 GMT
ایران کی وزارتِ انٹیلیجنس نے ایک تفصیلی بیان میں امریکا، اسرائیل اور ان کے اتحادیوں کی جانب سے ایران کے خلاف کی گئی 12 روزہ مربوط ہائبرڈ جنگ کی تفصیلات جاری کر دی ہیں۔
یہ بھی پڑھیں:ایران نے امریکی جی پی ایس سے منہ موڑلیا، کیا یہ ایک نئی ٹیکنالوجی وار کا آغاز ہے؟
یہ بیان حالیہ شہید ہونے والے ایرانی افسران، سائنسدانوں اور انٹیلیجنس اہلکاروں کی چہلم کے موقع پر سامنے آیا۔
بیان کے مطابق 23 جون کو کی جانے والی کارروائی کسی محدود فوجی حملے کا حصہ نہیں بلکہ ایک منظم اور پہلے سے منصوبہ بند جنگ تھی، جس میں سائبر حملے، ذہنی دباؤ، انٹیلیجنس آپریشنز اور داخلی خلفشار پیدا کرنے کی کوششیں شامل تھیں۔
دشمن کی مہم کا مقصد حکومت کی تبدیلی، قومی تقسیم اور خودمختاری کی تباہی تھا۔
وزارت نے بتایا کہ اسرائیلی خفیہ ایجنسی موساد سے منسلک 20 سے زائد ایجنٹس کو مختلف صوبوں سے گرفتار کیا گیا، جبکہ داعش اور علیحدگی پسندوں سے جڑے افراد کو اسلحہ سمیت پکڑا گیا۔
یہ بھی پڑھیں:ایران اسرائیل جنگ کا دوبارہ امکان نہیں، تہران سے اگلے ہفتے معاہدہ ہو سکتا ہے، ڈونلڈ ٹرمپ
صہیونی ایجنسیوں نے ایرانی حکام کو قتل کرنے، فسادات پھیلانے اور ملک کے حساس اداروں کو نشانہ بنانے کی کوشش کی، تاہم یہ تمام سازشیں ناکام بنا دی گئیں۔
بیان میں انکشاف کیا گیا کہ ایرانی انٹیلیجنس ایجنٹس نے مقبوضہ فلسطین کے اندر صیہونی سیکیورٹی نظام میں دراندازی کر کے خفیہ معلومات اکٹھی کیں اور کئی اہم سائبر حملوں کو ناکام بنایا۔
ایران میں سبوتاژ کی کوششوں کے لیے ڈیجیٹل کرنسی کے ذریعے فنڈنگ، جعلی میڈیا نیٹ ورکس، اور مصنوعی قلت پیدا کرنے جیسے ہتھکنڈے بھی استعمال کیے گئے۔
وزارت نے واضح کیا کہ دشمن کی یہ مہم اپنی نوعیت کے لحاظ سے انتہائی وسیع اور پیچیدہ تھی، تاہم ایرانی عوام کے عزم، انٹیلیجنس اداروں کی بروقت حکمت عملی اور قومی یکجہتی نے اس سازش کو مکمل طور پر ناکام بنا دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل امریکا ایران موساد ہائبرڈ جنگ.
ذریعہ
ذریعہ: WE News
کلیدی لفظ: اسرائیل امریکا ایران ہائبرڈ جنگ
پڑھیں:
ثاقب چدھڑ کے اثاثوں کی تفصیلات کیلئے الیکشن کمیشن میں درخواست دائر
لاہور (اُردو پوائنٹ اخبارتازہ ترین - این این آئی۔ 02 جون2026ء) رکن پنجاب اسمبلی ثاقب چدھڑ کے اثاثوں اور انتخابی دستاویزات کی تفصیلات حاصل کرنے کیلئے الیکشن کمیشن میں درخواست دائر کر دی گئی۔یہ درخواست میاں آصف محمود ایڈووکیٹ کی جانب سے جمع کرائی گئی، جس میں ثاقب چدھڑ کے کاغذاتِ نامزدگی اور اثاثوں کی تصدیق شدہ نقول فراہم کرنے کی استدعا کی گئی ہے۔درخواست میں موقف اختیار کیا گیا ہے کہ ثاقب چدھڑ کے خلاف سپیکر پنجاب اسمبلی کے پاس نااہلی کی درخواست پہلے ہی دائر کی جا چکی ہے لہٰذا ان کی رکنیت برقرار رہنے یا نہ رہنے کے معاملے کی جانچ پڑتال کے لئے انتخابی ریکارڈ کا معائنہ ناگزیر ہے۔درخواست گزار کے مطابق رکن اسمبلی پر ایک خاتون کو مہنگی گاڑیاں، قیمتی تحائف اور جائیداد بطور تحفہ دینے کے الزامات سامنے آئے ہیں، جن کی روشنی میں ان کی مالی حیثیت اور آمدن کے ذرائع کا قانونی جائزہ لینا عوامی اہمیت کا معاملہ بن چکا ہے۔(جاری ہے)
درخواست میں مزید کہا گیا ہے کہ منتخب نمائندے قانون کے تحت اپنے اثاثے ظاہر کرنے کے پابند ہیں، اس لئے ثاقب چدھڑ، ان کی اہلیہ اور زیر کفالت افراد کے تمام موجودہ اور سابقہ اثاثوں کا ریکارڈ فراہم کیا جائے۔درخواست گزار نے موقف اپنایا کہ شفافیت اور احتساب کے تقاضوں کو پورا کرنے کیلئے متعلقہ انتخابی اور مالی ریکارڈ تک رسائی ضروری ہے، تاکہ حقائق کی بنیاد پر معاملے کا جائزہ لیا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ