نئے ذرائع آمدن تلاش کیے جائیں‘ ڈی جی ادارہ ترقیات گوہرمیمن
اشاعت کی تاریخ: 17th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر )ڈائریکٹر جنرل ادارہ ترقیات کراچی الطاف گوہر میمن نے فنانس اینڈ اکاؤنٹس اور انفارمیشن اینڈ ٹیکنالوجی ڈپارٹمنٹ کے افسران و ملازمین کو گراں قدر خدمات کے عوض تعریفی اسناد پیش کیں۔ اس موقع پر ڈی جی کے ڈی اے نے کہا کہ ادارہ کو مالی طور پر مضبوط کرنے کے لئے ضروری ہے کہ نئے ذرائع آمدن تلاش کئے جائیں۔ تمام کے ڈی اے افسران و ملازمین ادارہ کی بہتری کے لئے تمام تر وسائل کا بخوبی استعمال کرتے ہوئے کردار ادا کریں۔ ممبر اے/ ڈائریکٹر فنانس شکیل صدیقی کا کہنا تھا کہ ماضی میں کے ڈی اے افسران و ملازمین کی تنخواہیں تاخیر کا شکار رہی ہیں لیکن ڈی جی کے ڈی اے الطاف گوہر میمن کی ذاتی کاوشوں کے باعث افسران و ملازمین کی تنخواہیں سمیت پنشنز کی ادائیگی ہر ماہ باقاعدگی سے کی جارہی ہے جو کہ خوش آئند ہے۔ آخر میں ڈائریکٹر جنرل کے ڈی اے نے فنانس اینڈ اکاؤنٹس کے ندیم شبیر، قمر سعید، ندیم تاج، سید مشرف علی، سہیل باسط، سید سمیر امام، شعیب رضا، فیضان شفیق، آفتاب عالم، صفدر حسین، سید کامران مقصود، اسد الرحمن، محمد شمیم، فیضان جعفری، بلال، ارسلان الحق، اکاؤنٹس آفیسر پنشن غزالہ انظار، ثاقب ایوب، ارحم یونس اور انفارمیشن ٹیکنالوجی کے ارسلان شارق، وسیم الدین، حنیف جمال، اظہر رضا، نعیم کریم، سید ابرار حسین،اورنگزیب احمد خان اور لائنز ایریا پروجیکٹ کے اکاؤنٹس آفیسر وقار احمد، سپرنٹنڈنٹ اکاؤنٹس فیصل ستارکو تعریفی اسناد پیش کیں۔
.ذریعہ: Jasarat News
کلیدی لفظ: افسران و ملازمین اکاو نٹس کے ڈی اے
پڑھیں:
وفاقی کابینہ نے ملازمین کیلیے نئی اعزازیہ پالیسی کی منظوری دیدی
data-id="863a0a8" data-element_type="widget" data-widget_type="theme-post-content.default">
اسلام آباد (صباح نیوز) وفاقی کابینہ نے وفاقی سرکاری ملازمین کیلیے نئی اعزازیہ پالیسی کی منظوری دے دی، پالیسی کے تحت بجٹ اعزازیہ، آرڈینری اعزازیہ اورکارکردگی اعزازیہ دیاجائے گا۔ پالیسی کے تحت بجٹ اعزازیہ وفاقی حکومت کی بجٹ سازی کی مشق میں شامل ملازمین کوملے گا، بجٹ اعزازیہ کیلیے وزارت خزانہ، ایف بی آر، وزارت منصوبہ بندی، قومی اسمبلی، سینیٹ سیکرٹریٹ اور وزیرِاعظم آفس کے ملازمین حقدارہوں گے، ہرمالی سال کیلیے اعزازیہ کی تعداد اور کن وزارتوں یا دفاتر کو دیا جائے گا، یہ فیصلہ وزیرخزانہ کریں گے۔ پالیسی کے تحت پرنسپل اکائونٹنگ افسر کوآرڈینری اعزازیہ دینے کا اختیار حاصل ہو گا، آرڈینری اعزازیہ گریڈ ایک تا 22 کے تمام ملازمین کو ایک بنیادی تنخواہ کے برابر دیا جاسکے گا۔ کارکردگی اعزازیہ پر مالی سال کے دوران قابل قدر کارکردگی کی بنیاد پر دیاجائے گا، کارکردگی اعزازیہ مالی سال میں ایک بنیادی ماہانہ تنخواہ کے برابر دیا جاسکے گا، لیکن یہ تعداد کل ملازمین کے 25فیصد سے زیادہ نہیں ہوگی۔ مذکورہ بالا 25 فیصد کے علاوہ دیگر اہل ملازمین کو کارکردگی اعزازیہ دیاجاسکے گا۔
نوجوان معاشی و سماجی مسائل کے سبب بچے پیدا کرنے سے گریزاں، رپورٹ