اقتدار اللہ کی امانت، پائی پائی عوام کی ہے، مریم نواز
اشاعت کی تاریخ: 17th, June 2025 GMT
data-id="863a0a8" data-element_type="widget" data-widget_type="theme-post-content.default">
لاہور(آن لائن)وزیراعلیٰ پنجاب مریم نواز نے کہا ہے کہ اقتدار اللہ کی امانت اور ایک ایک پائی عوام کی ہے۔ ہماری خدمت کا سفررُکے گا نہیں۔ صوبائی کابینہ کے اجلاس سے خطاب میں آئندہ مالی سال 2025-26 کے لیے پیش کردہ بجٹ کو ملک کی تاریخ کا لاثانی بجٹ قرار دیتے ہوئے وزیراعلیٰ پنجاب مریم نواز نے عوامی خدمت کے عزم کو دہرایا اور کہا کہ یہ زیرو ٹیکس بجٹ ہے، لیکن اس کے باوجود صوبے کی تاریخ کا سب سے بڑا ترقیاتی بجٹ دیا جا رہا ہے۔انہوں نے کہا کہ پائی پائی عوام کی امانت ہے اور ہم اللہ تعالیٰ کے سامنے جوابدہ ہیں۔ مریم نواز شریف نے فنانشل ڈسپلن، ای ٹینڈرنگ اور گڈگورننس کی وجہ سے اسکینڈل فری ترقیاتی عمل کو حکومت پنجاب کی بڑی کامیابی قرار دیا۔ وزیراعلیٰ نے اعلان کیا کہ 700 سڑکوں کی تعمیر و توسیع پر کام جاری ہے، جس سے 12 ہزار کلومیٹر سڑکوں کا نیٹ ورک مکمل ہوگا۔ فری میڈیسن ہر اسپتال میں فراہم کی جائے گی جب کہ اسکولوں میں تمام بنیادی سہولیات مہیا کی جائیں گی۔انہوں نے بتایا کہ بجٹ میں 94 نئے ترقیاتی پروگرامز اور 100 منصوبے شامل کیے گئے ہیں، جو ماضی میں کسی حکومت نے نہیں دیے۔ پچھلا بجٹ بھی ریکارڈ تھا، لیکن اب ہم اپنے ہی ریکارڈ توڑ رہے ہیں۔
.ذریعہ: Jasarat News
کلیدی لفظ: مریم نواز
پڑھیں:
ایران کیساتھ کھڑے ہیں;ہمارا ایٹمی پروگرام امن کے لئے ہے، نواز شریف
سٹی 42: سابق وزیر اعظم نواز شریف نے کہا ایران کیساتھ کھڑے ہیں اورکھڑے رہیں گے ۔ہمارا ایٹمی پروگرام امن کے لئے ہے۔
سابق وزیراعظم محمد نواز شریف نے لندن میں میڈیا سے گفتگو کرتے ہوئے کہا ،صحت اور تعلیم کے شعبوں میں خاص توجہ مرکوز ہے، اللہ تعالیٰ جب حالات بہتر کرتا ہے تو اللہ پاک کی رحمتیں برستی ہیں ، وزیراعظم شہباز شریف اور مریم نواز بہترین کام کر رہی ہیں،عوام کی مشکلات کم ہو رہی ہیں ، پاکستان واپس ترقی کے سفر پر چل رہا ہے،شہباز شریف نے بنیاد رکھی، مریم آگے لے کر چل رہی ہے، ہم نے کینسر اور دل کے امراض کے ہسپتال قائم کئے،مریم نواز میڈیکل سٹی بنا رہی ہے، پنجاب کے دیگر شہروں میں بھی علاج کی سہولتیں دے رہے ہیں ، لیپ ٹاپ کی تقسیم بھی جاری ہے، کسان کارڈ کی تقسیم کی جا رہی ہے، ہر سیکٹر میں مریم نواز جان فشانی سے کام کر رہی ہیں بجلی کے نرخوں میں کمی کی جارہی ہے، شرح سود میں کمی ہوئی، عمران خان کے دور میں شرح سود کہاں تھا ،اب کہاں ہے۔
نواز شریف نے کہا ایران کیساتھ کھڑے ہیں اور کھڑے رہیں گے،اسرائیل نے ایران سے بہت زیادتی کی، یہ کون سا طریقہ ہے کہ کسی کے گھر پر حملہ کر دیا جائے، پاکستان امن پسند ملک ہے،
ہم امن چاہتے ہیں ،خوش قسمتی ہے کہ پاکستان ایٹمی ملک ہے، ہمارا ایٹمی پروگرام امن کے لئے ہے،
اسٹیٹ بینک کا شرح سود 11 فیصد پر برقرار رکھنے کا اعلان
چیف الیکشن کمشنر اور ممبران کی تقرری،حکومت اور اپوزیشن کا غیر سنجیدہ رویہ