چین میں شہروں کی تجدید سےعوامی زندگی اور ثقافت کا دوہرا فروغ
اشاعت کی تاریخ: 17th, June 2025 GMT
چین میں شہروں کی تجدید سےعوامی زندگی اور ثقافت کا دوہرا فروغ WhatsAppFacebookTwitter 0 17 June, 2025 سب نیوز
بیجنگ :حالیہ دنوں بیجنگ میں دا جی شیانگ نامی ایک تجارتی کمپلیکس کا افتتاح ہوا ،جس نے پہلے ہی دن دو لاکھ افراد کواپنی جانب متوجہ کیا۔ داجی شیانگ روایتی عمارتوں کی تزئین و آرائش کی بنیاد پر بنایا گیا ہے اور یہ چین میں شہروں کی تجدید کے منصوبے کی تازہ ترین مثال ہے، جس میں “تاریخی عمارتیں ریڑھ کی ہڈی اور جدید تجارت روح ” کے حیثیت رکھتے ہیں۔ چھنگ دو شہر کی “کھوان زائی شیانگ زی” نامی گلیوں سے لے کر شنگھائی میں’’تھیان زی فانگ‘‘گلیوں تک، بے شمار شہروں کی تجدید میں عوامی زندگی اور ثقافتی وراثت میں بہتری کی ہم آہنگ تصویرتشکیل دی گئی ہے ۔ شہری تجدید کی معاشی قدر کو موجودہ انفراسٹرکچر کی بحالی’’ اور‘‘ اختراعی ترقی کی تلاش‘‘ کے ذریعے بڑھایا جا رہا ہے۔ ایک طرف، غیر فعال زمین کا دوبارہ استعمال اور پرانی عمارتوں کی تزئین و آرائش نہ صرف زیر زمین پائپ نیٹ ورکس اور عوامی مقامات جیسے بنیادی ڈھانچے کی خامیوں کو پورا کرتی ہے، بلکہ “ثقافت + کھپت” کی متنوع کاروباری شکل کو بھی جنم دیتی ہے –
چھنگ دو کی کھوان زائی شیانگ زی” گلیوں میں منگ اور چھینگ شاہی خاندانوں کی قدیم گلیوں کو خصوصی ریستورانوں اور ثقافتی اور تخلیقی کاروباری سرگرمیوں کے ساتھ گہرائی سے ضم کیا گیا، اور شنگھائی “تھیان زی فانگ”میں روایتی مقامی عمارتوں میں آرٹ اسٹوڈیوز، تخلیقی ریستورانوں اور مخصوص دکانوں جیسے جدید طرز کی کاروبار کو ہم آہنگ کیا گیا جو روایتی مقامات اور جدید کھپت کے امتزاج کو ظاہر کرتے ہیں۔ دوسری طرف ، تجدید میں سبز اور کم کاربن ٹیکنالوجیز اور اسمارٹ سٹی سلوشنز کا اطلاق صنعتی اپ گریڈنگ کے لئے “بوسٹر” بن رہا ہے۔عمارتوں کی توانائی کی بچت اور تزئین و آرائش سے لے کر اسمارٹ کمیونٹی مینجمنٹ سسٹم تک ، شہری تجدید سائنسی اور تکنیکی جدت طرازی اور معاشی تبدیلی کے لئے ایک آزمائشی میدان بن گیا ہے۔ ثقافت اپنے اندر شہر کی منفرد یاد رکھتی ہے ، اور تجدید تاریخ اور دور حاضر کے مابین ایک مکالمہ ہے۔ شہری تجدید میں، تاریخ و ثقافت کا تحفظ اور وراثت ایک اتفاق رائے بن رہے ہیں.
فوچو شہر کی “سان فانگ چھی شیانگ”کمیونٹی میں منگ اور چھینگ شاہی خاندانوں کی رہائش گاہوں اور غیر مادی ثقافتی ورثے کی ورکشاپس کی بحالی کے ذریعے سیاح مقامی ثقافت کی کشش کو محسوس کر سکتے ہیں ۔ شی آن شہر میں قدیم فن تعمیر اور تھانگ شاہی خاندان کے طرز کی روایتی پرفارمنس لوگوں کو تھانگ خاندان کی یاد دلاتی ہے۔ ان تاریخی مقامات کی وجہ سے ، یہ شہر اسٹیل اور کنکریٹ کا جنگل نہیں ہے ، بلکہ علاقائی ثقافت کا ایک مرکز بن گیا ہے۔ شہر کی اصل خوبصورتی انسانوں سے ہے. پرانی کمیونٹیز کی تزئین و آرائش اور تکمیل میں، شہری تجدید عوام کے لیے مسائل کا ٹھوس حل پیش کر رہی ہے ،لوگوں کی توقعات کا جواب دے رہی ہے، اور لوگوں کی خوشی کےلیے کام کر رہی ہے۔ تجدید کے منصوبوں میں متعدد تنگ گلیوں کو وسیع کیا گیا ہے، بزرگوں کے لیے کینٹین اور بچوں کےلیے کھیل کا میدان ہر ایک کمیونٹی میں “ضروری” بن گیا ہے، اور ڈیجیٹل تبدیلی نے رہائشیوں کو زیادہ محفوظ بنا دیا ہے۔ 2024 میں ،
چین میں شہری آبادی کی شرح 67 فیصد تک پہنچ چکی ہے، یعنی شہروں کی آبادی 940 ملین کے قریب ہے۔ان شہریوں کی بہتر زندگی کی خواہشات کو پورا کرنے کے لیے شہری تجدید، “مقامات کی تزئین و آرائش” سے “سروس کی اپ گریڈنگ” کی طرف جا رہی ہے ۔ چاہےپرانی کمیونٹیز میں بالائی منزلوں میں جانے کی دشواری کو حل کرنے کے لئے لفٹوں کی تنصیب ہو، یا عوامی مقامات کا رقبہ بڑھانے کے لئے “پاکٹ پارکس” کی تعمیر ، اپ ڈیٹ کی ہر تفصیل ” عوام کے لیے “ہی ہوتی ہے. شہرکاری کا عمل ” تعمیر کی توسیع ” سے “انفراسٹرکچر کی بحالی اور کوالٹی کو بہتربنانے” کی طرف منتقل ہو رہا ہے۔اس کلیدی موڑ پر شہری تجدید میں سرکاری پالیسیوں کی ادارہ جاتی اہمیت کافی زیادہ ہے ۔چینی حکومت نے “شہری تجدید کے اقدامات کو مسلسل فروغ دینے کے بارے میں رائے” جیسی دستاویزات کا اجراء کیا، شہری تجدید کے عمل میں “تحفظ “کو ترجیح دی ،اور لینڈ پالیسی اور فنڈ کوآرڈینیشن جیسے اقدامات کے ذریعے “حکومتی رہنمائی، مارکیٹ آپریشن اور عوامی شراکت داری” کا ایک میکانزم بھی تشکیل دیا ،
جو شہروں کی تجدید اور عوامی زندگی کی بہتری کے لئے ایک ٹھوس پالیسی کی بنیاد رکھتا ہے۔ آج ،جب لوگ بیجنگ کی گلیوں کا سفر کرتے ہیں،تو وہاں عمر رسیدہ افراد کو فٹنس کے سامان پر ورزش کرتے ، بچوں کو کھیلتے اور مقامی تاجروں کو پکوان فروخت کرتے دیکھا جا سکتا ہے،یہی شہری تجدید کی ایک مثالی تصویر ہے: یہاں معاشی قوت متحرک ہے، ثقافتی یادیں تازہ ہیں، اور لوگوں کی زندگی توانائی سے بھرپور ہے۔ پرانی یادوں کو برقرار رکھتے ہوئے اور حال کو گلے لگاتے ہوئے ، شہر مسلسل اپ ڈیٹ ہو رہے ہیں اور ترقی کے ساتھ مستقبل کا رخ کر رہے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپی ٹی آئی میں ہر وہ فیصلہ کروایا جاتا ہے جس سے اسٹیبلشمنٹ کو فائدہ ہو، شیر افضل چین وسطی ایشیا افرادی و ثقافتی تبادلوں کی سرگرمیوں کا انعقاد چین امریکہ اقتصادی اور تجارتی مذاکرات میں ٹھوس پیش رفت ہوئی ہے، چینی میڈیا چین اور قازقستان کو مشترکہ طور پر دہشت گردی کا مقابلہ کرنا چاہیے، چینی صدر شی جن پھنگ کے پسندیدہ حوالہ جات ( انٹرنیشنل ورژن) وسطی ایشیا کے پانچ ممالک کے مین اسٹریم میڈیا پر نشر سٹیٹ بینک کا مانیٹری پالیسی کا اعلان ، شرح سود 11فیصد پر برقرار چینی معیشت کی طویل مدتی بہتری کا رجحان برقرارCopyright © 2025, All Rights Reserved
رابطہ کریں ہمارے بارے ہماری ٹیمذریعہ: Daily Sub News
کلیدی لفظ: شہروں کی تجدید اور ثقافت ثقافت کا چین میں
پڑھیں:
چین اور کرغیزستان کے درمیان تعاون کے وسیع امکانات ہیں، چینی صدر
چین اور کرغیزستان کے درمیان تعاون کے وسیع امکانات ہیں، چینی صدر WhatsAppFacebookTwitter 0 17 June, 2025 سب نیوز
بیجنگ :چینی صدر شی جن پھنگ سے آستانہ میں دوسرے چین وسطی ایشیا سربراہ اجلاس کے موقع پر کرغیز صدر صدیر جاپاروف نے ملاقات کی۔منگل کے روزشی جن پھنگ نے نشاندہی کی کہ دونوں صدور نے رواں سال فروری میں بیجنگ میں ایک نتیجہ خیز ملاقات کی اور اہم اتفاق رائے تک پہنچے، جس نے دونوں ممالک کے درمیان تعاون کو نئی اور مضبوط تحریک دی ہے ۔ انہوں نے اس بات پر زور دیا کہ چین اور کرغیزستان کے درمیان تعاون کے وسیع امکانات ہیں۔ فریقین کو تجارت اور سرمایہ کاری کے پیمانے کو بڑھانا چاہئے اور مالی تعاون کو گہرا کرنا چاہئے۔ انٹرکنکشن نیٹ ورک کو بہتر بنانا اور اعلیٰ معیار کے حامل چین-کرغیزستان-ازبکستان ریلوے کی تعمیر کو فروغ دینا، ابھرتے ہوئے شعبوں میں تعاون کو وسعت دینا اور صاف توانائی، سبز معدنیات، مصنوعی ذہانت اور دیگر پہلووں میں نئے گروتھ پوائنٹس کو فروغ دینا ضروری ہے ۔
علاوہ ازیں، ثقافت، سیاحت، تعلیم اور صحت کے شعبوں میں تبادلوں کو گہرا کرنا اور لوگوں کو فائدہ پہنچانے کے لئے مزید منصوبوں پر عمل درآمد کرنا بھی لازمی ہے ۔ دونوں فریق شنگھائی تعاون تنظیم (ایس سی او) کی صدارت کریں گے اور سربراہ اجلاس کی میزبانی کریں گے، چین کرغیزستان کے ساتھ ایک دوسرے کی حمایت کرنے اور مشترکہ طور پر شنگھائی تعاون تنظیم کی وسیع تر ترقی کو فروغ دینے کے لئے تیار ہے۔ جاپاروف نے کہا کہ صدر شی جن پھنگ کی شاندار قیادت میں چین خوشحالی اور طاقت کی راہ پر گامزن ہوا ہے، عظیم ترقیاتی کامیابیاں حاصل کی گئی ہیں اور چین نے بین الاقوامی سطح پر کلیدی قائدانہ کردار ادا کیا ہے۔
کرغیزستان چین کے ساتھ تعلقات کی ترقی کو بہت اہمیت دیتا ہے، باہمی احترام، مساوات اور باہمی مفاد کی اسٹریٹجک شراکت داری کو قدر کی نگاہ سے دیکھتا ہے، اور دونوں فریقوں کے درمیان اچھی ہمسائیگی اور دوستی کا احترام کرتا ہے، چین کے بنیادی مفادات سے متعلق امور پر چین کے موقف کی مضبوطی سے حمایت کرتا ہے، ایک چین کے اصول پر سختی سے عمل پیرا ہے،
ہر قسم کی “تائیوان کی علیحدگی ” کی مخالفت کرتا ہے، اور کسی بھی طاقت کی جانب سے چین کے اندرونی معاملات میں مداخلت کی مخالفت کرتا ہے.ملاقات کے بعد دونوں سربراہان مملکت نے زراعت، کسٹمز، سائنس و ٹیکنالوجی اور میڈیا سمیت دیگر شعبوں میں باہمی تعاون کی متعدد دستاویزات پر دستخط کی تقریب میں بھی شرکت کی ۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرچین امن مذاکرات کو فروغ دینے کے لئے ایران اور اسرائیل کے ساتھ رابطوں کی مضبوطی جاری رکھے گا، وزارت خارجہ چین کی جانب سے وسطی ایشیائی ممالک میں سرمایہ کاری میں مسلسل اضافہ چین میں شہروں کی تجدید سےعوامی زندگی اور ثقافت کا دوہرا فروغ چین وسطی ایشیا افرادی و ثقافتی تبادلوں کی سرگرمیوں کا انعقاد چین امریکہ اقتصادی اور تجارتی مذاکرات میں ٹھوس پیش رفت ہوئی ہے، چینی میڈیا چین اور قازقستان کو مشترکہ طور پر دہشت گردی کا مقابلہ کرنا چاہیے، چینی صدر شی جن پھنگ کے پسندیدہ حوالہ جات ( انٹرنیشنل ورژن) وسطی ایشیا کے پانچ ممالک کے مین اسٹریم میڈیا پر نشرCopyright © 2025, All Rights Reserved
رابطہ کریں ہمارے بارے ہماری ٹیم
معروف ٹک ٹاکر کھابے لامے کی امریکا میں گرفتاری اور پھر ملک بدری، اصل معاملہ کیا ہے؟