پشاور ہائیکورٹ نے شہریار آفریدی کو دو ہفتوں کی حفاظتی ضمانت دے دی
اشاعت کی تاریخ: 17th, June 2025 GMT
پشاور ہائیکورٹ نے شہریار آفریدی کو دو ہفتوں کی حفاظتی ضمانت دے دی۔
پشاور ہائیکورٹ میں پی ٹی آئی کے رہنما شہریار آفریدی کی مقدمات کی تفصیلات کیلئے دائر درخواست کی سماعت ہوئی۔
سماعت جسٹس صاحبزادہ اسد اللہ اور جسٹس عبدالفیاض پر مشتمل دو رکنی بنچ نے کی۔
پشاور ہائیکورٹ نے شہریار آفریدی کو دو ہفتوں کی حفاظتی ضمانت دے دی، عدالت عالیہ نے شہریار آفریدی کو متعلقہ عدالت سے رجوع کرنے کی ہدایت کر دی۔
درخواست گزار کے وکیل معظم بٹ ایڈووکیٹ نے کہا کہ درخواست گزار کو ہراساں کیا جا رہا ہے۔
اسسٹنٹ اٹارنی جنرل نے عدالت عالیہ کو آگاہ کیا کہ وفاقی حکومت کی رپورٹ آئی ہے، شہریار آفریدی پر 9 مقدمات ہیں۔ جسٹس صاحبزادہ اسد اللہ نے کہا پہلے رپورٹ میں 8 ایف آئی آرز کا کہا، یہ ایک ایف آئی آر کہاں سے آئی؟
جسٹس صاحبزادہ اسد اللہ نے کہا آپ لوگ اپنے پاس ایف آئی آر رکھتے ہیں، پھر بعد میں نکالتے ہیں، آپ بروقت معلومات دیتے تو درخواست گزار دوسرے راؤنڈ میں عدالت نہ آتے۔
جسٹس صاحبزادہ اسد اللہ نے مزید کہا کہ عدالت رپورٹ طلب کرتی ہے، آپ رپورٹ پھر وقت پر جمع نہیں کرتے، آئین و قانون نے تمام شہریوں کو آزادی اور ان کے وقار کے تحفظ کی ضمانت دی ہے۔
انھوں نے کہا کہ مزید اس میں کچھ لکھنے کی ضرورت نہیں ہے، عدالتوں کو آئین پر چلنا ہے۔
بعدازاں عدالت عالیہ نے شہریار آفریدی کو دو ہفتوں کی حفاظتی ضمانت دے دی اور شہریار آفریدی کو متعلقہ عدالت سے رجوع کرنے کی ہدایت کی۔
.ذریعہ: Jang News
کلیدی لفظ: جسٹس صاحبزادہ اسد اللہ پشاور ہائیکورٹ نے کہا
پڑھیں:
لاہور ہائیکورٹ میں ٹولنٹن مارکیٹ سے جانوروں کو منتقل کرنے پر تجاویز طلب ،سماعت 19 جون تک ملتوی
لاہور (اُردو پوائنٹ اخبارتازہ ترین - اے پی پی۔ 17 جون2025ء) لاہور ہائیکورٹ میں سموگ اور ماحولیاتی آلودگی کے تدارک کے حوالے سے دائر درخواستوں پر سماعت کرتے ہوئے ٹولنٹن مارکیٹ سے جانوروں کو منتقل کرنے پر تجاویز طلب کرتے ہوئے مزید سماعت 19 جون تک ملتوی کردی ۔لاہور ہائیکورٹ کے جسٹس شاہد کریم نے سموگ کے تدارک کیس میں ہارون فاروق ، اظہر صدیق سمیت دیگر کی ایک ہی نوعیت کی دائر درخواستوں پر سماعت کی جس میں ماحولیاتی آلودگی اور سموگ کے تدارک کیلئے اقدامات نہ کرنے کی نشاندہی کی گئی ہے ۔ منگل کے روز دوران سماعت مختلف محکموں کے حکام پیش ہوئے اور عدالتی احکامات پر اپنی اپنی رپورٹس داخل کرائی۔ دوران سماعت عدالت نے عدالتی معاون عزت فاطمہ سے استفسار کیاکہ کیا آپ نے ٹولنٹن مارکیٹ کا دورہ کیا ہے ؟ ایڈوکیٹ عزت فاطمہ نے بتایا کہ حکومتی محکمے کو ہفتہ میں ایک بار اسے ضرور وزٹ کرنا چاہیے ۔(جاری ہے)
جسٹس شاہد کریم نے کہاکہ ہم تو ٹولنٹن مارکیٹ کو کسی دوسری جگہ منتقل کرنے کا سوچ رہے ہیں۔
صدر ٹولنٹن مارکیٹ ایسوسی ایشن نے کہاکہ میں اس حوالے سے کچھ کہنا چاہتا ہوں ۔ عدالت نے کہا کہ آپ ممبر جوڈیشل کمیشن سے ملاقات کریں۔ درخواست گزار کے وکیل التمش سعید نے بتایاکہ ہم جانوروں کو ٹولنٹن مارکیٹ سے شفٹ کرنا چاہتے ہیں۔ عدالت نے کہاکہ آپ اس حوالے سے سوشل میڈیا پر کچھ بھی پوسٹ نہ کریں۔ ایڈووکیٹ التمش سعید نے کہاکہ یہ صرف ٹولنٹن مارکیٹ کا مسئلہ نہیں، ایسی بہت سی مارکٹیس دوسرے شہروں میں بھی ہے جس پر عدالت نے کہاکہ ہم ٹولنٹن مارکیٹ کو ایک مثال بنائیں گے، اور دوسری مارکیٹس کو بھی ایسا ہی بنائیں گے۔ عدالت نے آئندہ سماعت پر عمل درآمد رپورٹ طلب کرلی۔
آسیان ریجنل فورم پر پاکستان بھارت سفارتی ٹاکرا: ایڈیشنل سیکرٹری خارجہ کا بھارتی الزامات کا منہ توڑ جواب