ایران اسرائیل جنگ؛ عالمی منڈی میں تیل کی قیمتیں بلند ترین سطح پر پہنچ گئیں
اشاعت کی تاریخ: 17th, June 2025 GMT
ایران اور اسرائیل کے درمیان جاری کشیدگی کے باعث عالمی منڈی میں تیل کی قیمتیں 4 فیصد اضافے بعد جنوری کے بعد بلند ترین سطح پر پہنچ گئیں۔
امریکی نشریاتی ادارے سی این این کے مطابق خام تیل کی قیمت 74.84 ڈالر فی بیرل تک جا پہنچی، جو رواں سال کی بلند ترین سطح ہے۔
علاوہ ازیں امریکی خام تیل (U.S. oil futures) میں اس مہینے اب تک 23 فیصد اضافہ ہو چکا ہے۔
اسی طرح برینٹ کروڈ جو کہ عالمی معیار کا تیل ہے۔ اس کی قیمتوں میں بھی 4 فیصد سے زائد اضافہ ہوا ہے۔
ایران اسرائیل جنگ کے علاوہ خلیج عمان میں دو تیل بردار جہازوں کے تصادم کے بعد دنیا کے سب سے اہم تیل بردار بحری راستے "آبنائے ہرمز" کے حوالے سے بھی خطرات میں اضافہ ہوا ہے۔
توانائی مارکیٹ کے ماہر رابرٹ یاوگر نے سی این این کو بتایا کہ آبنائے ہرمز کبھی بند نہیں ہوئی، حتیٰ کہ 1980 کی دہائی میں ایران-عراق جنگ کے دوران بھی یہ کھلی رہی۔
انھوں نے مزید کہا کہ تاہم دو تیل بردار جہازوں کے تصادم اور آگ لگنے کے واقعے نے یہ خدشہ بڑھا دیا ہے۔ اگر ایران اسرائیل کشیدگی میں مزید اضافہ ہوا تو یہ صورتحال قابو سے باہر ہو سکتی ہے۔
ماہرین کا کہنا ہے کہ تیل کی قیمتوں میں مسلسل اضافے سے پٹرولیم مصنوعات کی قیمتیں بھی بڑھنے کا امکان ہے جس سے عالمی سطح پر مہنگائی میں اضافہ ہو سکتا ہے۔
مشرق وسطیٰ کے امور کے ماہرین کا مزید کہنا تھا کہ پہلے روس یوکرین اور اب ایران اسرائیل جنگ نے دنیا میں غیر یقینی صورت حال کو جنم دیا ہے۔
انھوں نے مزید کہا کہ اس صورت حال میں دنیا کو جہاں مہنگائی کا سامنا ہے وہیں خوراک کی کمی کا خدشہ بھی لاحق ہے۔
.
ذریعہ
ذریعہ: Express News
کلیدی لفظ: ایران اسرائیل تیل کی
پڑھیں:
بھارت: میسی کا 70 فٹ بلند مجسمہ حفاظتی خدشات کے باعث ہٹا دیا گیا
بھارتی شہر کولکتہ کے علاقے لیک ٹاؤن میں نصب فٹبال لیجنڈ لیونل میسی کا 70 فٹ بلند مجسمہ مقامی رہائشیوں کی شکایات کے بعد ہٹا دیا گیا ہے۔
بھارتی میڈیا رپورٹس کے مطابق شہریوں کا کہنا تھا کہ تیز ہواؤں کے دوران یہ دیوقامت ڈھانچہ ہلتا محسوس ہوتا تھا جس سے حفاظتی خطرات پیدا ہو رہے تھے۔
میسی کا یہ مجسمہ گزشتہ سال دسمبر میں نصب کیا گیا تھا اور اسے 2022 فیفا ورلڈ کپ کے فاتح کپتان کو خراجِ تحسین پیش کرنے کے لیے تیار کیا گیا تھا۔
مجسمے میں ارجنٹائن کے سپر اسٹار کو ورلڈ کپ ٹرافی تھامے ہوئے دکھایا گیا تھا جو ان کی تاریخی کامیابی کی یادگار کے طور پر بنایا گیا تھا۔
یہ یادگار میسی کے مداحوں کی جانب سے ان کے بھارت کے دورے کے موقع پر وی آئی پی روڈ کے کنارے قائم کی گئی تھی۔
View this post on Instagramتاہم حالیہ دنوں میں مقامی افراد نے انتظامیہ کو آگاہ کیا کہ تیز ہوا چلنے پر مجسمہ معمولی طور پر جھولتا نظر آتا ہے جس سے راہگیروں اور قریبی آبادی کے لیے خطرات بڑھ سکتے ہیں۔
حکام نے عوامی تحفظ کو مدنظر رکھتے ہوئے مجسمے کو عارضی طور پر ہٹانے کا فیصلہ کیا ہے جبکہ اس کے مستقبل کے بارے میں تاحال کوئی باضابطہ اعلان نہیں کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ