چین نے اسرائیلی کارروائیوں کو خطے کے لیے خطرہ قرار دے دیا
اشاعت کی تاریخ: 18th, June 2025 GMT
data-id="863a0a8" data-element_type="widget" data-widget_type="theme-post-content.default">
آستانہ: چینی صدر شی جن پنگ نے ایران پر اسرائیلی حملوں کو مشرق وسطیٰ میں کشیدگی کے حالیہ اچانک اضافے کا سبب قرار دیتے ہوئے فوری طور پر جنگی کارروائیاں روکنے کی اپیل کی ہے۔
غیر ملکی میڈیا رپورٹس کےمطابق قازق دارالحکومت آستانہ میں ازبک صدر شوکت مرزیایوف سے ملاقات کے دوران گفتگو کرتے ہوئے چینی صدر شی جن پنگ کا کہنا تھا کہ چین مشرق وسطیٰ میں اسرائیلی فوجی کارروائیوں کے باعث پیدا ہونے والی اچانک کشیدگی پر گہری تشویش رکھتا ہے۔
انہوں نے مزیدکہاکہ ہم ایسی کسی بھی کارروائی کی مخالفت کرتے ہیں جو کسی ملک کی خودمختاری، سلامتی یا علاقائی سالمیت کو پامال کرے،جنگی تصادم کبھی بھی مسئلے کا حل نہیں ہوتا، اور نہ ہی علاقائی کشیدگی میں اضافہ عالمی برادری کے مفاد میں ہے۔
شی جن پنگ نے مزید کہا کہ وہ فوری طور پر تنازع کو کم کرنے اور خطے میں مزید بگاڑ سے بچنے کے لیے اقدامات کریں، چین ہر ممکن کوشش کے لیے تیار ہے تاکہ مشرق وسطیٰ میں امن اور استحکام بحال کیا جا سکے۔
خیال رہےکہ چینی وزارت خارجہ کی ترجمان ماو نِنگ نے پہلے ہی اپنے شہریوں کو اسرائیل اور ایران سے فوری طور پر نکلنے کی ہدایت جاری کی ہوئی ہیں۔
چینی وزارت خارجہ نے امریکی صدر ڈونلڈ ٹرمپ کی اس کال کو بھی شدید تنقید کا نشانہ بنایا جس میں انہوں نے ایرانیوں سے دارالحکومت تہران کو چھوڑنے کا مطالبہ کیا تھا، ترجمان نے اسے ’’آگ پر تیل چھڑکنے‘‘ کے مترادف قرار دیا۔
یاد رہے کہ مشرق وسطیٰ میں کشیدگی کا نیا مرحلہ جمعے کے روز اس وقت شروع ہوا جب اسرائیل نے ایران کے مختلف علاقوں میں بشمول فوجی اور جوہری تنصیبات پر شدید فضائی حملے کیے، جس کے جواب میں ایران نے میزائل حملے شروع کر دیے۔
اب تک ایرانی حملوں میں اسرائیلی حکام کے مطابق 24 افراد ہلاک اور سینکڑوں زخمی ہو چکے ہیں، جبکہ ایرانی حکام کے مطابق اسرائیلی بمباری کے نتیجے میں 224 ایرانی شہری جاں بحق اور 1000 سے زائد زخمی ہو چکے ہیں۔
.ذریعہ: Jasarat News
پڑھیں:
9 مئی مقدمات کی کارروائیوں پر تحفظات، شبلی فراز کا چیف جسٹس آف پاکستان یحییٰ آفریدی کو خط
— فائل فوٹوقائد حزب اختلاف سینیٹ شبلی فراز نے چیف جسٹس آف پاکستان یحییٰ آفریدی کو خط لکھ دیا۔
شبلی فراز نے خط میں چیف جسٹس یحییٰ آفریدی کو آگاہ کیا ہے کہ 9 مئی کے مقدمات میں عدالتی کارروائیوں پر سنگین تحفظات ہیں، 9 مئی کے مقدمات میں بنیادی انسانی حقوق پامال ہو رہے ہیں۔
اُنہوں نے خط میں لکھا کہ پولیس اور پراسیکیوشن کا کردار جانبدار اور دباؤ پر مبنی ہے، مقدمات کا انتخابی اندراج، شواہد میں چھیڑ چھاڑ تشویشناک ہے، عدالتوں کے غیر معمولی اوقات پر بھی تحفظات ہیں۔
شبلی فراز نے خط میں لکھا کہ رات 3 سے 4 بجے تک مقدمات چلانا انصاف کے تقاضوں کے منافی ہے، وکلاء کے بغیر فیصلے، زبردستی سرکاری وکیل مقرر کیے جا رہے ہیں، رسائی محدود کر کے کارروائیاں بند دروازوں کے پیچھے کی جا رہی ہیں۔
اُنہوں نے خط میں اپیل کی کہ 9 مئی کے تمام مقدمات کے طریقہ کار کا از سر نو جائزہ لیا جائے، چیف جسٹس پاکستان غیر جانبدار انکوائری اور شفاف ٹرائل یقینی بنائیں۔
شبلی فراز نے خط میں یہ بھی لکھا کہ عدلیہ آئین کی محافظ ہے اور انصاف کا معیار برقرار رکھنا آپ کی ذمہ داری ہے۔
غزہ کو بھوکا مارنے کا منصوبہ، مجرم کون ہے؟