ایران میں پھنسے کشمیری طلبہ کا انخلاء شروع، آج 90 طلبہ دہلی پہنچیں گے
اشاعت کی تاریخ: 18th, June 2025 GMT
جموں و کشمیر اسٹوڈنٹس ایسوسی ایشن کے مطابق تمام طلبہ محفوظ ہیں اور انکی واپسی کے انتظامات مکمل کئے گئے ہیں۔ اسلام ٹائمز۔ ایران اور اسرائیل کے درمیان جاری کشیدگی کے بیچ بھارت نے ایران میں پھنسے ہوئے اپنے طلبہ کو نکالنے کے لئے انخلاء کا عمل تیز کر دیا ہے۔ اس کارروائی کے تحت ایران کی میڈیکل یونیورسٹی ارومیہ میں زیر تعلیم تقریباً 110 بھارتی طلبہ، جن میں 90 کا تعلق وادی کشمیر سے ہے، ایران سے سرحد پار کرتے ہوئے آرمینیا میں داخل ہوگئے۔ ان طلبہ کو آرمینیا کے دارالحکومت یریوان پہنچنے کے بعد پہلے سے منتخب ہوٹلوں میں ٹھہرایا گیا ہے۔ جموں و کشمیر اسٹوڈنٹس ایسوسی ایشن کے مطابق تمام طلبہ محفوظ ہیں اور ان کی واپسی کے انتظامات مکمل کئے گئے ہیں۔ مرکزی وزارت خارجہ کے دفتر نے تصدیق کی ہے کہ طلبہ کے تمام ہوائی ٹکٹ حکومت ہند نے مکمل طور پر مفت فراہم کئے ہیں۔
ساتھ ہی کشمیر سے تعلق رکھنے والے طلبہ کے لئے دہلی سے سرینگر تک کی فلائٹس کے بھی انتظامات کئے جا رہے ہیں تاکہ ان کی واپسی کا عمل مکمل ہو سکے۔ آفیشلز کے مطابق پہلا مرحلہ 18 جون 2025ء کو صبح 8:45 بجے یریوان ایئرپورٹ (EVN) سے اس وقت شروع ہوا جب طلبہ انڈیگو فلائٹ 6E 9483 پر دوحہ (حمد انٹرنیشنل ایئرپورٹ، DOH) روانہ ہوئے۔ چیک ان اور بیگیج ڈراپ کا وقت بھی جاری کر دیا گیا ہے اور معمولی تاخیر کا امکان بھی ظاہر کیا گیا ہے۔ جموں و کشمیر اسٹوڈنٹس ایسوسی ایشن مسلسل حالات کی نگرانی کر رہی ہے اور متعلقہ حکام سے رابطے میں ہے تاکہ طلبہ کی واپسی بخیر و خوبی مکمل ہو۔ ادھر طلبہ اور ان کے اہلِ خانہ نے حکام کی بر وقت مداخلت پر شکریہ ادا کیا ہے۔ وہیں اسٹوڈنٹس ایسوسی ایشن نے امید ظاہر کی ہے کہ باقی طلبہ کو بھی جلد از جلد بحفاظت وطن واپس لایا جائے گا۔
ذریعہ
ذریعہ: Islam Times
کلیدی لفظ: اسٹوڈنٹس ایسوسی ایشن کی واپسی
پڑھیں:
شیخ رشید کا وکالت شروع کرنے کا اعلان
عوامی مسلم لیگ کے سربراہ شیخ رشید نے وکالت شروع کرنے کا اعلان کر دیا۔میڈیا سے گفتگو کرتے ہوئے شیخ رشید کا کہنا تھا کہ 50 سال بعد زندگی گزارنے کے بعد راولپنڈی بار نے میری ممبر شپ بحال کر دی. 50 سال بعد بار کا تاحیات ممبر بن گیا ہوں۔انہوں نے کہا کہ میری کوشش ہو گی کہ سچائی، قانون اور ملک کی بہتری کے لئے کام کروں. غریب آدمی کے لئے قانونی، عملی اور عملی خدمت کروں گا۔
واضح رہے شیخ رشید نے سردار رزاق چیمبر کے ذریعے ڈسٹرکٹ بار روالپنؔڈی میں اپنی رکنیت بحالی کی درخواست دائر کر دی تھی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ