خامنہ ای کا ایرانی قوم کو پیغام:’’دشمن پر ہیبت قائم رکھو، اللہ بڑی فتح دے گا‘‘
اشاعت کی تاریخ: 19th, June 2025 GMT
data-id="863a0a8" data-element_type="widget" data-widget_type="theme-post-content.default">
تہران:ایرانی رہبر اعلیٰ علی خامنہ ای نے اپنی قوم کو پیغام دیتے ہوئے کہا ہے کہ دشمن پر ہیبت قائم رکھو، اللہ بڑی فتح سے ہمکنار کرے گا۔
اسرائیلی جارحیت اور خطے کی موجودہ صورت حال کے تناظر میں ایرانی قوم سے حوصلہ مند اور جذبہ ایمانی سے بھرپور خطاب کرتے ہوئے ایرانی رہبر اعلیٰ علی خامنہ ای نے کہا کہ ایران کو کسی صورت خوف میں مبتلا نہیں ہونا چاہیے کیونکہ دشمن ہمیشہ اسی قوم کو نشانہ بناتا ہے جو کمزوری ظاہر کرے۔
سماجی رابطوں کے پلیٹ فارم ایکس (سابقہ ٹوئٹر) پر اپنے پیغام میں انہوں نے ایرانی عوام کو واضح انداز میں متنبہ کیا کہ اگر قوم نے کسی بھی لمحے کمزوری یا خوف کا اظہار کیا تو دشمن اس نفسیاتی جنگ کو مزید تیز کر دے گا اور اسے پست کرنے کی کوشش کرے گا۔
ان کا کہنا تھا کہ ایران کو ایسی قوم بننا ہوگا جو نہ صرف اپنی خودی پر قائم رہے بلکہ دشمن کے خلاف مسلسل ہیبت اور رعب قائم رکھے۔
انہوں نے اپنے پیغام میں قرآن کی ایک آیت کا ترجمہ بھی شامل کیا جس میں کہا گیا ہے: فتح صرف اللہ کی طرف سے ہے جو غالب اور حکمت والا ہے۔ اس آیت کے ذریعے خامنہ ای نے ایرانی قوم کو اس روحانی نکتہ کی طرف متوجہ کیا کہ حقیقی کامیابی اور غلبہ صرف خدا کے ہاتھ میں ہے اور جو قوم اس پر ایمان رکھے، وہ آخرکار سرخرو ہوتی ہے۔
خامنہ ای نے ایرانی قوم کو یاد دلایا کہ ماضی میں بھی انہوں نے باہمی اتحاد، استقامت اور اصولی موقف سے دشمن کے دل میں خوف بٹھایا ہے اور اب وقت ہے کہ اسی راستے کو مزید شدت سے اختیار کیا جائے۔ ان کا کہنا تھا کہ دشمن کی طرف سے پھیلائی جانے والی نفسیاتی یلغار اور میڈیا پروپیگنڈے کے مقابلے میں ایرانی قوم کو پختگی، ہوش مندی اور قوت ایمانی سے کام لینا ہوگا۔
انہوں نے کہا کہ ایران کی موجودہ پوزیشن صرف عسکری قوت پر منحصر نہیں بلکہ اس کی اصل طاقت اس کے نظریاتی اصول، شہدا کا لہو اور عوام کا انقلاب سے تعلق ہے۔ دشمن چاہے جتنا بھی ہتھیاروں سے لیس ہو، اگر قوم متحد، بیدار اور مقصد پر ڈٹی ہو تو اسے زیر کرنا ممکن نہیں۔
ایرانی رہبر اعلیٰ نے یہ بھی کہا کہ ایران ایک سچا اور حق پر کھڑا ملک ہے، جو کسی پر جارحیت نہیں کرتا لیکن اپنی خودمختاری اور عزت پر آنچ بھی برداشت نہیں کرتا۔ ان کا کہنا تھا کہ اللہ تعالیٰ نے ہمیشہ صبر کرنے والوں کو عظیم کامیابی عطا کی ہے اور ایران کو بھی بڑی فتح ملنے والی ہے۔
واضح رہے کہ یہ بیان ایسے وقت میں سامنے آیا ہے جب خطے میں اسرائیل اور ایران کے درمیان کشیدگی شدید صورت اختیار کر چکی ہے۔ حالیہ دنوں میں ایران نے اسرائیلی جارحیت کے جواب میں صہیونی ریاست کے شہروں تل ابیب اور حیفہ کی جانب ڈرونز اور میزائلوں سے حملے کیے جن کے نتیجے میں متعدد افراد زخمی ہوئے جب کہ ہلاکتوں کی اطلاعات بھی موصول ہوئی ہیں۔
خطے کی موجودہ خطرناک صورت حال میں خامنہ ای کا بیان ایرانی عوام کے لیے نہ صرف ایک حوصلہ افزا پیغام ہے بلکہ دنیا کو یہ باور کرانے کی بھی کوشش ہے کہ ایران کسی صورت دباؤ میں آنے والا ملک نہیں۔ ان کا پیغام ایرانی قیادت کے اس مستقل مؤقف کی توثیق کرتا ہے کہ وہ قومی خودمختاری، نظریاتی اصولوں اور دینی اقدار پر کوئی سمجھوتا نہیں کرے گا۔
علی خامنہ ای کا کہنا تھا کہ دشمن چاہتا ہے کہ ایران اندر سے بکھر جائے، عوام میں خوف پھیل جائے اور قیادت کمزور ہو، لیکن قوم کو ایسے وقت میں مزید اتحاد، شعور اور دلیری سے کام لینا ہوگا تاکہ دشمن کے عزائم خاک میں ملا دیے جائیں۔
.
ذریعہ
ذریعہ: Jasarat News
کلیدی لفظ: کا کہنا تھا کہ ایرانی قوم کو خامنہ ای نے کہ ایران انہوں نے کہ دشمن
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی