رواں سال کے آخر میں پنجاب میں بلدیاتی انتخابات کی تیاریاں مکمل ہوں گی، وزیر بلدیات ذیشان رفیق
اشاعت کی تاریخ: 21st, June 2025 GMT
پنجاب کے وزیر برائے بلدیات ذیشان رفیق نے وی نیوز سے گفتگو کرتے ہوئے کہا کہ ‘ستھرا پنجاب’ کا پروگرام ایک مشکل کام تھا جس کا آغاز وزیر اعلیٰ مریم نواز نے کیا۔
انہوں نے کہا کہ ہم روزانہ پنجاب میں پیدا ہونے والے 60 ہزار ٹن کوڑے کو ٹھکانے لگانے کا چیلنج اٹھایا، آج پنجاب کے ہر کونے میں یہ پروگرام کام کررہا ہے اور اس کا نیٹ ورک پنجاب کے ہر کونے میں موجود ہے اور سوا لاکھ لوگوں کو ملازمتیں مل چکی ہیں، کام کی نگرانی ڈیجیٹل نظام کے ذریعے ہوتی ہے۔
یہ بھی پڑھیں: فیلڈ مارشل عاصم منیر اور ٹرمپ ملاقات، بھارت حیران و پریشان، کیا پاکستان ایران کا ساتھ دے گا؟
صوبائی وزیر نے کہا کہ ہماری جب بھی حکومت آئی ہے ہم نے لوکل گورنمنٹ کے انتخابات کروائے ہیں، اگلے مہینے کے اندر ہمارا ایکٹ صوبائی اسمبلی سے پاس ہوجائے گا جس کے بعد الیکشن کمیشن اپنی تیاریوں کا آغاز کرے گا اور الیکشنز ہوں گے۔ رواں سال کے آخر میں تمام تیاریاں مکمل ہوں گی۔
ذیشان رفیق نے کہا کہ وزیراعلیٰ دن رات کام کررہی ہے، وہ بہادر خاتون ہیں، فیصلہ کرکے اس پر عمل درآمد کرتی ہیں، ان کی ٹیم نوجوانوں پر مشتمل ہے جو ان کے وژن کے مطابق کام کرتی ہے۔ اگر اس طرح کام ہوگا تو نتیجہ ضرور سامنے آتا ہے۔
انہوں نے کہا کہ پنجاب میں واٹر اینڈ سینٹیشن کا مسئلہ حل ہوگا، ہم 2025 تک کی پنجاب کی آبادی کو سامنے رکھ کر منصوبے بنا رہے ہیں۔ ہم نے تجاوزات کے خلاف دلیری سے کام کیا۔ اس آپریشن کو پورے لوگ سراہ رہے ہیں۔ وزیر اعلیٰ نے پہلی بار ’مثالی گاؤں‘ کی اسکیم شروع کی ہے۔ اس سال 2600 ‘مثالی گاؤں’ بسائیں گے۔
مزید پڑھیے: پاکستان امن کا پیامبر ہے، مگر جنگ میں ایران کا ساتھ دینا چاہیے، ڈاکٹر رضا محمد
پاکستان تحریک انصاف پر تنقید کرتے ہوئے انہوں نے کہا کہ ان کے دور میں کوئی پاکستان کو پوچھتا نہیں تھا، عمران خان کہتے تھے کہ مودی میرا فون نہیں اٹھاتا، اب پوری دنیا ہماری عزت کرتی ہے اور آرمی چیف کو وائٹ ہاؤس میں ظہرانہ دیا جاتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن پنجاب بلدیاتی انتخابات وزیر پنجاب لوکل گورنمنٹ ذیشان رفیق.ذریعہ: WE News
کلیدی لفظ: الیکشن کمیشن پنجاب بلدیاتی انتخابات وزیر پنجاب لوکل گورنمنٹ ذیشان رفیق ذیشان رفیق نے کہا کہ
پڑھیں:
کوئٹہ بلدیاتی انتخابات ملتوی کرنیکی حکومت بلوچستان کی درخواست مسترد
اعلامیہ میں الیکشن کمیشن نے کہا کہ صوبائی حکومت کی درخواست پر غور کے بعد فیصلہ کیا گیا کہ بلدیاتی انتخابات شیڈول کے مطابق ہی ہونگے۔ اسلام ٹائمز۔ الیکشن کمیشن آف پاکستان نے ضلع کوئٹہ میں بلدیاتی انتخابات کے التواء کی بلوچستان حکومت کی درخواست مسترد کر دی۔ الیکشن کمیشن کے اعلامیہ کے مطابق معاملے پر غور کے بعد فیصلہ کیا گیا ہے کہ کوئٹہ میں بلدیاتی انتخابات جاری کردہ شیڈول کے مطابق ہی منعقد ہوں گے۔ مزید برآں، الیکشن کمیشن نے صوبائی حکومت بلوچستان کو ہدایت کی ہے کہ بلدیاتی انتخابات کے پرامن انعقاد کے لیے فول پروف سکیورٹی انتظامات کو یقینی بنایا جائے، تاکہ انتخابی عمل شفاف، منصفانہ اور پرامن ماحول میں مکمل ہو سکے۔
کراچی؛ ٹریفک اہلکار کے روکنے کے باوجود ڈمپر نے موٹرسائیکل کو ٹکر مار دی، شہری جاں بحق