پنجاب بھر میں یکم سے 10 محرم الحرام تک دفعہ 144 نافذ، نوٹیفکیشن جاری
اشاعت کی تاریخ: 21st, June 2025 GMT
data-id="863a0a8" data-element_type="widget" data-widget_type="theme-post-content.default">
لاہور: محرم الحرام کے دوران امن و امان کی صورتحال کو برقرار رکھنے کے لیے حکومت پنجاب نے صوبے بھر میں یکم سے 10 محرم تک دفعہ 144 نافذ کرنے کا باضابطہ نوٹیفکیشن جاری کر دیا ہے، اس دوران حساس مقامات پر سیکیورٹی بڑھا دی جائے گی اور کئی سرگرمیوں پر سخت پابندیاں عائد رہیں گی۔
محکمہ داخلہ پنجاب کی جانب سے جاری کردہ ہدایات کے مطابق یکم سے 10 محرم تک نئے جلوسوں یا مجالس کے انعقاد کی اجازت نہیں ہوگی، صرف انہی جلوسوں اور اجتماعات کی اجازت دی جائے گی جنہیں پہلے سے منظوری حاصل ہے۔
حکام کا کہنا ہے کہ عوامی مقامات پر اسلحے، آتش گیر مواد، اور کسی بھی قسم کے ہتھیار کی نمائش پر مکمل پابندی عائد ہوگی۔ اس کے ساتھ ساتھ فرقہ وارانہ منافرت پھیلانے والے بیانات، تقاریر، سوشل میڈیا پوسٹس اور کسی بھی ذریعے سے اشتعال انگیزی کی کوشش کو قانون کی خلاف ورزی تصور کیا جائے گا۔
نوٹیفکیشن میں مزید واضح کیا گیا ہے کہ جلوس کے روایتی راستوں پر واقع عمارتوں کی چھتوں پر مورچے قائم کرنا، یا وہاں اینٹیں، پتھر، بوتلیں یا کسی بھی قسم کا سامان ذخیرہ کرنا ممنوع ہوگا۔ یہ اقدام ممکنہ بدامنی یا ناخوشگوار واقعات کی روک تھام کے لیے اُٹھایا گیا ہے۔
ڈبل سواری پر بھی پابندی عائد کر دی گئی ہے، تاہم بزرگ شہری، خواتین اور قانون نافذ کرنے والے اداروں کے اہلکاروں کو اس پابندی سے استثنیٰ حاصل ہوگا۔ ڈبل سواری پر پابندی کا اطلاق صرف 9 اور 10 محرم کو ہوگا، جبکہ دیگر تمام ہدایات یکم محرم سے 10 محرم تک لاگو رہیں گی۔
حکومتی ترجمان نے شہریوں سے اپیل کی ہے کہ وہ امن و امان کے قیام میں ریاستی اداروں کے ساتھ مکمل تعاون کریں، اور کسی بھی مشتبہ سرگرمی کی فوری اطلاع متعلقہ حکام کو دیں تاکہ مقدس ایام پر امن طریقے سے گزر سکیں۔
.
ذریعہ
ذریعہ: Jasarat News
کلیدی لفظ: کسی بھی
پڑھیں:
گوگل کی مالک کمپنی الفابیٹ کا اے آئی پر 80 ارب ڈالر خرچ کرنے کا بڑا فیصلہ
اسلام آباد: مری میں بیچلرز کے داخلے پر پابندی سے متعلق سوشل میڈیا پر گردش کرنے والے دعوؤں کی حقیقت سامنے آگئی ہے۔ مختلف پلیٹ فارمز پر یہ خبریں وائرل ہو رہی تھیں کہ عیدالاضحیٰ سے قبل مری میں غیر شادی شدہ مردوں یا بیچلرز کے داخلے پر مکمل پابندی عائد کر دی گئی ہے، تاہم سرکاری وضاحت نے ان دعوؤں کو غلط قرار دے دیا ہے۔
سوشل میڈیا پوسٹس میں دعویٰ کیا جا رہا تھا کہ دفعہ 144 کے نفاذ کے بعد مری شہر میں صرف فیملیز کو داخلے کی اجازت ہوگی جبکہ بیچلرز کو مکمل طور پر روک دیا گیا ہے۔ تاہم ضلعی انتظامیہ کے مطابق ایسی کوئی پابندی پورے مری شہر پر نافذ نہیں کی گئی۔
انتظامیہ کا کہنا ہے کہ پابندی صرف مال روڈ کے مخصوص حصے تک محدود تھی، جہاں سیاحوں کے رش اور نظم و ضبط کو برقرار رکھنے کے لیے اکیلے آنے والے مردوں اور بیچلرز گروپس کے داخلے پر عارضی پابندی لگائی گئی تھی۔ فیملیز کو معمول کے مطابق مال روڈ جانے کی اجازت دی گئی تھی۔
ایڈیشنل ڈپٹی کمشنر (جنرل) مری کامران صغیر کے مطابق دفعہ 144 کا اطلاق صرف مال روڈ تک محدود تھا اور 31 مئی تک نافذ رہی۔ ان کا کہنا تھا کہ مری شہر میں آنے والے تمام سیاحوں کے لیے راستے کھلے تھے اور بیچلرز کے شہر میں داخلے پر کوئی مکمل پابندی نہیں تھی۔
ضلعی انتظامیہ کی جانب سے جاری نوٹیفکیشن میں بھی واضح کیا گیا تھا کہ یہ اقدام صرف سیاحتی سہولیات بہتر بنانے اور ہجوم کو منظم رکھنے کے لیے کیا گیا تھا۔
اس طرح مری میں بیچلرز کے داخلے پر پابندی کے حوالے سے وائرل ہونے والا دعویٰ حقیقت کے برعکس ثابت ہوا۔ مری بدستور تمام سیاحوں کے لیے کھلا ہے جبکہ پابندی صرف مال روڈ کے مخصوص علاقے تک محدود رہی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ