جیف بیزوز اپنی دوسری شادی پر کتنا خرچہ کرنیوالے ہیں؟ جان کر دنگ رہ جائینگے
اشاعت کی تاریخ: 21st, June 2025 GMT
لاس اینجلس(نیوز ڈیسک) ایمازون کے بانی اور دنیا کے تیسرے امیر ترین شخص جیف بیزوز اگلے ہفتے دوسری شادی کر رہے ہیں۔
اب برطانوی روزنامے ٹیلی گراف نے دعویٰ کیا ہے کہ جیف بیزوز لورین سانچز کے ساتھ شادی پر ایک کروڑ 60 لاکھ ڈالرز (ساڑھے 4 ارب پاکستانی روپے سے زائد) خرچ کریں گے۔
جیف بیزوز اور لورین سانچز کی منگنی 2023 میں ہوئی تھی اور شادی اٹلی کے شہر وینس میں جون کے آخری ہفتے میں ہوگی۔
61 سالہ جیف بیزوز شادی کے لیے اگلے ہفتے وینس پہنچیں گے اور وہ بھی دنیا کی سب سے بڑی یاٹ پر، جس کی تیاری پر انہوں نے 50 کروڑ ڈالرز خرچ کیے تھے۔
مختلف رپورٹس کے مطابق جیف بیزوز اور لورین سانچز کی شادی کی تقریبات کا آغاز 24 جون کو ہوگا۔
بل گیٹس، ایلون مسک اور مارک زکربرگ سمیت ہالی ووڈ کے متعدد فنکار اور دیگر اہم شخصیات کی جانب سے شادی میں شرکت کیے جانے کا امکان ہے۔
شادی میں شرکت کرنے والے مہمانوں نے وینس کے ہوٹلوں کے سب سے مہنگے کمرے بک کرالیے ہیں۔
رپورٹ کے مطابق شادی کی تقریبات کا انعقاد وینس کے قلب میں واقع تاریخی عمارت Palazzo Pisani Moretta سمیت ہوٹل Excelsior اور دیگر عمارات میں کیے جانے کا امکان ہے۔
رپورٹ میں بتایا گیا کہ شادی کے لیے 10 لاکھ ڈالرز پھولوں اور عمارات کو سجانے کے لیے خرچ کیے جائیں گے، 30 لاکھ ڈالرز شادی کا انتظام کرنے والوں کے پاس جائیں گے۔
اسی طرح 20 لاکھ ڈالرز عمارات کو شادی کے لیے حاصل کرنے کے لیے خرچ کیے جا رہے ہیں ، 10 لاکھ ڈالرز کھانے کے انتظام جبکہ 15 لاکھ ڈالرز سے دلہن کا لباس خریدا جائے گا۔
جیف بیزوز کی یاٹ کے لنگر انداز ہونے کی فیس اور مہمانوں کے لیے پرتعیش تحائف خریدنے کے لیے بھی لاکھوں ڈالرز خرچ کیے جائیں گے۔
مہمانوں کے ہوٹلوں کے قیام پر 20 لاکھ ڈالرز خرچ کیے جانے کا امکان ہے، دلہن سمیت دیگر خواتین مہمانوں کی ہیئر اسٹائلنگ اور میک اپ پر بھی لاکھوں ڈالرز خرچ ہوں گے۔
خیال رہے کہ جیف بیزوز نے پہلی شادی 1993 میں میکنزی اسکاٹ سے کی تھی اور 25 سال بعد 2019 میں دونوں ایک دوسرے الگ ہوگئے تھے۔
اس طلاق کے بعد جیف بیزوز نے میکنزی اسکاٹ کو 35 ارب ڈالرز ادا کیے تھے۔
مزیدپڑھیں:نان فائلرز کیلیے بڑی خوشخبری، حکومت نے ریلیف دے دیا
ذریعہ: Daily Ausaf
کلیدی لفظ: لاکھ ڈالرز جیف بیزوز ڈالرز خرچ خرچ کیے کے لیے
پڑھیں:
پاک سعودی تجارتی حجم 723 ملین ڈالرز تک پہنچ چکی ہیں، پاکستانی سفیر احمد فاروق
سعودی عرب میں پاکستانی سفیر احمد فاروق کا کہنا ہے کہ سعودیہ میں آئی ٹی کا شعبہ تیزی سے فروغ پا رہا ہے جس کی بدولت گزشتہ برس 73 ملین ڈالرز کا زرمبادلہ پاکستان بھیجا گیا ہماری کوشش ہے کہ نئی آنے والی کمپنیوں کے لیے بھی راہ ہموار کی جائے تاکہ وہ بھی سعودی مارکیٹ میں اپنی صلاحیتوں کا بھرپور مظاہرہ کر سکیں۔
سفارتخانہ پاکستان ریاض میں سفیر پاکستان احمد فاروق نے مختلف امور پر بریفنگ دیتے ہوئے بتایا کہ معرکہ حق بنیان مرصوص میں سفارتخانہ پاکستان نے سعودی تھنک ٹینکس کے ساتھ مراسم کو ناصرف مضبوط بنایا بلکہ بھارتی وفود کے موقف کے مقابلے میں پاکستانی مؤقف کو بہتر انداز میں پیش کیا اور پاک بھارت کشیدگی رکوانے میں سعودی ولی عہد شہزادہ محمد بن سلمان کا کلیدی کردار رہا۔
مزید پڑھیں:قیدیوں کے تبادلے کا پاک سعودی معاہدہ، 30 اسیران پاکستان منتقل
سفیر پاکستان احمد فاروق نے بتایا کہ سعودی عرب میں سو سے زائد آئی ٹی کمپنیاں قیام عمل میں لائی جاچکی ہیں جن کی بدولت ایک سال کے دوران انکی کمپنیوں کی جانب سے 73 ملین ڈالرز کا زرمبادلہ پاکستان بھجوایا گیا جبکہ پاک سعودی تجارتی حجم 723 ملین ڈالرز تک پہنچ چکی ہیں جو کہ ایک ریکارڈ ہے۔
احمد فاروق کا کہنا تھا کہ سعودی عرب میں مقیم لاکھوں پاکستانی ہماری معیشت میں اہم کردار ادا کرتے ہیں جنھوں نے ایک سال کے دوران ریکارڈ 9.34 ارب ڈالرز پاکستان بھجوائے ہیں تاہم ہماری کوشش ہے کہ پاکستان سے سرکاری اور پرائیویٹ سیکٹرز سے ڈپلومہ ہولڈر ہنر مندوں کو سعودی عرب لایا جائے۔
مزید پڑھیں:وزیر ریلوے حنیف عباسی کا پاک سعودی تجارتی تعلقات بڑھانے پر زور
سفیر پاکستان احمد فاروق کا کہنا تھا کہ پاک سعودی تعلقات میں کلچرل سرگرمیاں انتہائی اہمیت کی حامل ہیں دونوں ممالک کی عوام کے باہمی رشتوں کو مضبوط بنانے کے لیے کلچرل سرگرمیوں کا آغاز کیا جا رہا ہے پاکستانی فلموں کی سکریننگ کے علاوہ پاکستانی خطاط کی نمائش کا اہتمام بھی جلد کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک سعودی تجارتی حجم پاکستانی سفیر احمد فاروق سعودی عرب
9 مئی کیس، ایم این اے لطیف چترالی بھی نااہل، عمر ایوب سے جواب طلب