ملک بھر میں مختلف ٹریفک حادثات میں 2 سگے بھائیوں سمیت 5 افراد جاں بحق
اشاعت کی تاریخ: 22nd, June 2025 GMT
ملک کے مختلف شہروں میں افسوسناک ٹریفک حادثات میں 2 سگے بھائیوں سمیت 5 افراد جاں بحق اور 17 افراد زخمی ہوگئے۔
عارف والا
پنجاب کے شہر عارف والا میں بورے والا روڈ بائی پاس پر افسوسناک ٹریفک حادثہ پیش آیا، جہاں بس نے اوورٹیک کرتے ہوئے سامنے سے آنے والی موٹر سائیکل کو ٹکر ماردی۔
خوفناک تصادم کے نتیجے میں 2 سگے بھائی موقع پر ہی جاں بحق ہوگئے جبکہ دونوں کی شناخت اظہر فرید اور فخر فرید کے نام سے ہوئی۔ ریسکیو حکام نے لاشوں کو اسپتال منتقل کر دیا۔
مانسہرہ
خیبرپختونخوا کے ضلع مانسہرہ میں گلگت سے راولپنڈی جانے والی کوسٹر گاڑی سی پیک پر حادثے کا شکار ہوگئی۔
بٹل ٹنل کے قریب کوسٹر سوزوکی سے ٹکرا گئی، حادثے میں بچے اور خاتون سمیت 3 افراد جاں بحق اور 7 افراد زخمی ہوگئے۔
ریسکیو حکام کے مطابق لاشوں اور زخمیوں کو اسپتال منتقل کردیا گیا۔
ہری پوری
خیبرپختونخوا کے شہر ہری پور کے علاقے پکی ڈولی میں بارش اور پھسلن کے باعث کار اور ٹرک تصادم ہوگیا، حادثے میں خاتون سمیت 4 افراد زخمی ہوگئے۔
پولیس کے مطابق چاروں زخمیوں کو ٹراما سنٹر منتقل کردیا گیا جبکہ ٹرک ڈرائیور موقع سے فرار ہوگیا۔
وزیرآباد
پنجاب کے شہر میں اندرون جی ٹی روڈ گیمن پل کے قریب تیز رفتار کار ایکسل ٹوٹنے سے کار کھائی میں جا گری اور الٹ گئی
حادثے میں نارووال سے گجرات جانے والے ایک ہی خاندان کے 6 افراد زخمی ہو گئے، زخمی ہونے والوں میں 50 سالہ محمد افضل، اس کی اہلیہ زینب النساء، 10 سالہ فلک شاہین، 7 سالہ اوشا شاہین ،4 سالہ فاطمہ شاہین اور 3 سالہ بیٹا ایان علی شامل ہیں۔
زخمیوں میں 2 بچیوں اور ایک بچے کی حالت تشویشناک بتائی گئی ہے، زخمیوں کو ابتدائی طبی امداد کے بعد ڈسٹرکٹ ہیڈ کوارٹر اسپتال گوجرانوالہ منتقل کر دیا گیا۔
Post Views: 3.
ذریعہ
ذریعہ: Daily Mumtaz
کلیدی لفظ: افراد زخمی
پڑھیں:
مردان: گھر سے خاتون سمیت 3 افراد کی لاشیں برآمد
مردان: خیبرپختونخوا کے ضلع مردان کے علاقے شیخ ملتون سیکٹر بی میں ایک گھر سے خاتون سمیت تین افراد کی لاشیں برآمد ہونے کا واقعہ سامنے آیا ہے۔
ریسکیو 1122 کے مطابق اطلاع موصول ہوتے ہی میڈیکل ٹیم فوری طور پر موقع پر پہنچ گئی اور پولیس کی موجودگی میں کارروائی کا آغاز کیا گیا۔
ریسکیو حکام کے مطابق تینوں لاشوں کو قانونی کارروائی اور ضروری معائنے کے لیے مردان میڈیکل کمپلیکس (ایم ایم سی) اسپتال منتقل کر دیا گیا ہے۔
ابتدائی اطلاعات کے مطابق جاں بحق افراد کی شناخت جلال، زوجہ جلال اور مصطفیٰ کے ناموں سے ہوئی ہے۔
واقعے کی وجوہات فوری طور پر سامنے نہیں آسکیں، جبکہ پولیس نے معاملے کی تحقیقات شروع کر دی ہیں۔ حکام کا کہنا ہے کہ پوسٹ مارٹم اور تفتیشی عمل مکمل ہونے کے بعد واقعے کی اصل نوعیت واضح ہو سکے گی۔
پولیس اور متعلقہ ادارے مختلف پہلوؤں سے واقعے کا جائزہ لے رہے ہیں، جبکہ اہلِ علاقہ میں واقعے کے بعد تشویش کی لہر دوڑ گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ