نئے ہجری سال کی خوشی میں 29 جون کو چھٹی کا اعلان
اشاعت کی تاریخ: 22nd, June 2025 GMT
سلطنت عمان میں 29 جون 2025 بروز ہفتہ کو نئے ہجری سال 1447ھ اور نبی کریم ﷺ کی ہجرت کی یادگار کے موقع پر سرکاری اور نجی شعبے کے ملازمین کے لیے سرکاری تعطیل کا اعلان کیا گیا ہے۔
یہ اعلان وزارت محنت کی جانب سے جاری کردہ فیصلے میں کیا گیا، جس میں مزید کہا گیا ہے کہ ماہ محرم کا چاند دیکھنے کا اعلان متعلقہ ادارے بعد میں کریں گے۔
وزارت نے یہ بھی واضح کیا ہے کہ اگر کسی ادارے کی نوعیت ایسی ہو جس کے تحت ملازمین کو اس دن کام پر بلایا جائے، تو ادارے ملازمین سے باہمی رضامندی کے تحت کام لے سکتے ہیں بشرطیکہ انہیں اس تعطیل کا معقول معاوضہ دیا جائے۔
.ذریعہ: Express News
پڑھیں:
عمان میں روزگارکا بڑاموقع، وزارت محنت کا نئی ملازمتوں کا اعلان
سلطنت عمان کی وزارتِ محنت نے مقامی افراد کو بااختیار بنانے اور”عمانائزیشن”پالیسی کو فروغ دینے کے لئےظفار میں 600 نئی ملازمتوں کا اعلان کر دیا ۔
یہ اعلان وزیرِ محنت ڈاکٹر مہاد بن سعید باعَوین کے حالیہ دورۂ ظفار کے دوران کیا گیا، جہاں انہوں نے مختلف نجی اداروں کا دورہ کیا اور آئندہ شراکت داریوں پر تبادلۂ خیال کیا۔
ملازمتوں کی تفصیل
150 نوکریاں بندرگاہِ صلالہ میں دستیاب ہوں گی، جنہیں 2025 کے اختتام تک مکمل کیا جائے گا۔
باقی 450 نوکریاں نما ظفار سروسزاور دیگر مقامی کمپنیوں میں فراہم کی جائیں گی۔
تربیت اور مہارت سازی
دورے کے دوران “تمکین پروگرام” کے تحت تربیت حاصل کرنے والے نوجوانوں کو اعزازی اسناد دی گئیں۔ اس پروگرام کا مقصد مقامی نوجوانوں کو جدید مہارتوں سے آراستہ کر کے انہیں لیبر مارکیٹ کے لیے تیار کرنا ہے۔
مفاہمتی یادداشت
اس موقع پر محکمہ لیبر اور نما ظفار سروسز کے درمیان ایک مفاہمتی یادداشت (ایم اویو) پر بھی دستخط کیے گئے، جس کا مقصد تربیت اور روزگار کے مزید مواقع پیدا کرنا ہے۔
ناصر بن سالم الحضرمی ڈائریکٹر جنرل آف لیبر (ظفار)، نے کہا کہ یہ اقدام قومی ترجیحات کے عین مطابق ہے اور نوجوانوں کو روزگار دینے کی حکومتی کوششوں کا حصہ ہے۔
Post Views: 9
بھارت کا پرالے میزائل کا تجربہ، پاکستان کا کون سا جدید ہتھیار منہ توڑ جواب دے گا؟