موٹروے پربیوی بھول کرشوہرگاڑی لیکر نکل پڑا، پولیس نے واپس ملوا دیا
اشاعت کی تاریخ: 23rd, June 2025 GMT
لاہور(نیوز ڈیسک)موٹروے ایم3 جڑانوالہ سروس ایریا پر شہری اپنی بیوی کو بھول کر گاڑی لے کر نکل پڑا۔
ترجمان موٹروے پولیس کاکہنا ہےسروس ایریا پرشوہراپنی بیوی کو بھول کروہیں چھوڑکر چلاگیا،20کلومیٹر سفرکے بعدشہری کویادآیا توموٹروے ہیلپ لائن پرکال کی۔
موٹروے پولیس افسران نے سروس ایریامیں خاتون کوڈھونڈ لیا،اور باحفاظت شوہر کے پاس پہنچادیا۔خاتون کو ڈھونڈ کر شوہر کے پاس باحفاظت پہنچانے پر زونل کمانڈرڈی آئی جی نے پٹرولنگ پولیس کو شاباش دی ہے۔
بھارت سندھ طاس معاہدہ نہیں مانتا تو پاکستان جنگ کرے گا: بلاول بھٹو
.ذریعہ: Daily Ausaf
پڑھیں:
’تیری خاطر بیوی کو قتل کر دیا‘، سرجن کا ڈیجیٹل پے منٹ ایپلیکیشن کے ذریعے محبوبہ کے نام پیغام
ایک بھارتی سرجن نے شادی کے ڈیڑھ سال بعد اپنی بیوی کو محبوبہ کی خاطر اینستھیٹک دوا زیادہ مقدار میں دے کر قتل کردیا۔ بعدازاں ڈیجیٹل پے منٹ ایپلیکیشن کے ذریعے محبوبہ کو بیوی کو ہلاک کرنے کی خبر بھی بھیج دی۔
ایک چونکا دینے والے انکشاف میں، ڈاکٹر مہندر ریڈی نامی سرجن، جو اپنی ڈرمٹولوجسٹ اہلیہ ڈاکٹر کرُتیکا ریڈی کے قتل کے الزام میں گرفتار ہیں، نے جرم کے فوراً بعد اپنی مبینہ محبوبہ کو ایک پیغام بھیجا جس میں لکھا تھا ’میں نے تمہارے لیے اپنی بیوی کو مار دیا۔‘
یہ بھی پڑھیے محبوب نے شادی کے اصرار پر خاتون کو قتل کر کے دفنا دیا
تحقیقاتی حکام کے مطابق، یہ پیغام ایک ڈیجیٹل پیمنٹ ایپلیکیشن کے ذریعے بھیجا گیا تھا۔ پولیس نے یہ پیغام ملزم کے موبائل فون کی فارنزک جانچ کے دوران دریافت کیا۔
پولیس کا کہنا ہے کہ مذکورہ خاتون سے پوچھ گچھ کی جا چکی ہے اور ان کا بیان ریکارڈ کر لیا گیا ہے، تاہم ان کی شناخت ظاہر نہیں کی گئی۔
قتل کا پس منظرواقعہ 21 اپریل کو پیش آیا، جب ڈاکٹر مہندر ریڈی نے مبینہ طور پر اپنی اہلیہ کو اینستھیٹک (بیہوشی دینے والی) دوا کی زیادہ مقدار دے کر قتل کیا۔
انہوں نے بیوی کی طبیعت خراب ہونے کا بہانہ کرتے ہوئے اسے قریبی اسپتال پہنچایا، جہاں ڈاکٹر کرتیکا ریڈی کو مردہ قرار دے دیا گیا۔
بعد ازاں فارنزک سائنس لیبارٹری (FSL) کی رپورٹ میں مقتولہ کے جسم میں پروپوفول (Propofol) نامی طاقتور دوا کے آثار پائے گئے، جو کہ ایک ممنوعہ انجکشن دوا ہے اور صرف ماہر ڈاکٹروں کے زیرِ استعمال آتی ہے۔
گھر کی تلاشی کے دوران پولیس نے کینولا سیٹ، انجکشن ٹیوب اور دیگر طبی سامان برآمد کیا، جس نے شبہ کو مزید مضبوط کیا۔
گرفتاری اور مقدمہمقتولہ کے والد نے رپورٹ کی بنیاد پر داماد کے خلاف قتل کا مقدمہ درج کرایا۔ اس کے بعد 15 اکتوبر کو ڈاکٹر مہندر ریڈی کو 6 ماہ بعد گرفتار کیا گیا۔
بنگلورو پولیس کمشنر سیمانتھ کمار سنگھ نے بتایا ’اب تک جمع ہونے والے شواہد سے ظاہر ہوتا ہے کہ شوہر ہی قتل میں ملوث ہے۔ وہ خود بیوی کو اسپتال لایا اور یہ ظاہر کیا کہ وہ پہلے سے بیمار تھی۔ لیکن فارنزک رپورٹ سے واضح ہوا کہ اسے غیر قانونی طور پر دوا کا انجکشن دیا گیا، جو بدنیتی پر مبنی عمل کی نشاندہی کرتا ہے۔‘
یہ بھی پڑھیں: محبت، بلیک میلنگ اور قتل، خوفناک واردات کی تفصیل سامنے آگئی
پولیس کو شبہ ہے کہ ملزم نے اپنی طبی مہارت کو استعمال کرتے ہوئے قتل کو فطری موت کا رنگ دینے کی کوشش کی۔
واضح رہے کہ ڈاکٹر مہندر ریڈی اور ڈاکٹر کرتیکا ریڈی کی شادی 26 مئی 2024 کو ہوئی تھی۔ دونوں وِکٹوریہ اسپتال بنگلورو میں ملازم تھے۔
پولیس ذرائع کے مطابق، تفتیش جاری ہے اور ڈیجیٹل شواہد کے علاوہ دوا کی خریداری اور مالی لین دین کے ریکارڈ کی بھی جانچ کی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلورو بھارت بیوی کا قتل
آئندہ 15 روز کیلئے پیٹرولیم مصنوعات کی قیمتوں میں اضافہ کر دیا گیا