محکمہ موسمیات نے ملک بھر میں بارشوں کی پیش گوئی کر دی
اشاعت کی تاریخ: 23rd, June 2025 GMT
محکمہ موسمیات کے مطابق 26 تا 28 جون کے دوران اسلام آباد، راولپنڈی، اٹک، چکوال، جہلم میں گرج چمک کیساتھ بارش متوقع ہے۔ 25 تا 29 جون ایبٹ آباد، مانسہرہ، پشاور، چارسدہ، نوشہرہ، کوہاٹ، باجوڑ میں بارش ہو گی، اسی دوران دیر، ملاکنڈ، بونیر، شانگلہ، کوہستان میں شدید بارش کا امکان ہے۔ اسلام ٹائمز۔ محکمہ موسمیات نے ملک بھر میں مون سون ہواؤں کے باعث بارشوں کی پیش گوئی کر دی۔ محکمہ موسمیات کے مطابق 25 جون سے ملک بھر میں مون سون ہواؤں کے باعث بارشیں متوقع ہیں، 24 جون کی شام سے 2 جولائی تک مون سون کا پہلا سپیل جاری رہے گا۔ رپورٹ کے مطابق 25 تا 29 جون کے دوران لاہور، سیالکوٹ، نارووال، گوجرانوالہ، حافظ آباد، شیخوپورہ میں بارش کا امکان ہے۔
محکمہ موسمیات کے مطابق 26 تا 28 جون کے دوران اسلام آباد، راولپنڈی، اٹک، چکوال، جہلم میں گرج چمک کیساتھ بارش متوقع ہے۔ 25 تا 29 جون ایبٹ آباد، مانسہرہ، پشاور، چارسدہ، نوشہرہ، کوہاٹ، باجوڑ میں بارش ہو گی، اسی دوران دیر، ملاکنڈ، بونیر، شانگلہ، کوہستان میں شدید بارش کا امکان ہے۔
رپورٹ کے مطابق 25 تا 28 جون کے دوران ژوب، بارکھان، کوئٹہ، مستونگ، زیارت، آزاد کشمیر اور گلگت بلتستان میں بارش ہو سکتی ہے۔ محکمہ موسمیات کے مطابق 26 سے 28 جون کے دوران پہاڑی علاقوں میں لینڈ سلائیڈنگ اور نشیبی علاقے زیر آب آنے کا خطرہ ہے، متعلقہ اداروں کو الرٹ رہنے کی ہدایت کر دی گئی۔
ذریعہ: Islam Times
کلیدی لفظ: محکمہ موسمیات کے مطابق جون کے دوران
پڑھیں:
محکمہ موسمیات نے بارش کے حوالے سے بڑی پیشگوئی کردی
محکمہ موسمیات نے ملک بھر میں آندھی اور گرج چمک کے ساتھ بارش کی پیشگوئی کردی۔
تفصیلات کے مطابق اسلام آباد میں آندھی اور گرج چمک کے ساتھ بارش کا امکان ہے، کشمیر، خیبرپختونخوا، گلگت بلتستان میں بھی بارش کی پیشگوئی کی گئی ہے۔
پشاور، مردان، شانگلہ، کوہستان، ایبٹ آباد میں بارش کا امکان ہے جبکہ لاہور، گوجرانوالہ، فیصل آباد، راولپنڈی میں آندھی آئے گی۔
سندھ میں آندھی اور گرج چمک کے ساتھ بارش کا امکان جبکہ بلوچستان میں شدید گرمی، گرد آلود ہواؤں کی پیشگوئی کی گئی ہے۔
خیبرپختونخوا
محکمہ موسمیات کے مطابق خیبرپختونخوا کے بیشتراضلاع میں بارش کا امکان ہے، پشاور میں بونداباندی سے موسم خوشگوار ہوگیا جبکہ درجہ حرارت میں کمی ریکارڈ کی گئی۔
محکمہ موسمیات کا کہنا ہے کہ پشاور سمیت دیگر میدانی اضلاع میں گرج چمک کے ساتھ بارش متوقع ہے، پشاور میں کم سے کم درجہ حرارت 27 ڈگری سینٹی گریڈ ریکارڈ کیا گیا، جہاں دن کے وقت پارہ 38 درجے تک جا سکتا ہے، پشاور میں ہوا میں نمی کا تناسب 74 فیصد رہا، میدانی اضلاع میں شام کے وقت گرد آلود ہوائیں چلنے کا امکان ہے۔
موسم کا احوال بتانے والوں کا کہنا ہے کہ بالائی علاقوں میں تیز ہواؤں کے ساتھ بارش کا امکان ہے، اپر دیر، سوات، چترال، اپر کوہستان، ملاکنڈ، ہزارہ ڈویژن ڈی آئی خان، بنوں، کوہاٹ سمیت جنوبی اضلاع میں گرج چمک کے ساتھ بارش متوقع ہے، بارش سے گرمی کی شدت میں کمی کا امکان ہے۔
گزشتہ 24 گھنٹے میں سب سے کم درجہ حرارت چراٹ اور کالام میں 16 ڈگری سینٹی گریڈ رہا، ڈی آئی خان میں سب سے زیادہ 44 ڈگری سینٹی گریڈ ریکارڈ کیا گیا جبکہ خیبرپختونخوا میں سب سے زیادہ بارش تیمر گرہ میں 38 ملی میٹر ریکارڈ کی گئی۔
بلوچستان
محکمہ موسمیات نے بتایا کہ بلوچستان کے بیشتر علاقوں میں موسم خشک اور گرم رہے گا، کوئٹہ میں زیادہ سے زیادہ درجہ حرارت 35، قلات میں 34سینٹی گریڈ ریکارڈ کیا گیا۔
اس کے علاوہ زیارت میں 28، ژوب میں 38، سبی میں 46، تربت میں 47، نوکنڈی میں 44 ، چمن میں 39، گوادر میں 34 اور جیوانی میں 32 سینٹی گریڈ ریکارڈ کیا گیا۔
Post Views: 3
خطے کی صورتحال کا معاشی طور پر مقابلہ کرنے کیلئے تیار ہیں: وزیر خزانہ محمد اورنگزیب