ملتان ڈویژن میں 909 جلوس، 3182 مجالس کے سکیورٹی انتظامات مکمل، کابینہ کمیٹی کو بریفنگ
اشاعت کی تاریخ: 24th, June 2025 GMT
سیکرٹری داخلہ پنجاب ڈاکٹر احمد جاوید قاضی نے کہا کہ محرم الحرام کے دوران سائبر پٹرولنگ کے خصوصی انتظامات کیے گئے ہیں، انہوں نے ہدایت کی کہ تمام اضلاع محرم ای پورٹل پر بروقت معلومات شئیر کریں، ڈویژنل امن کمیٹی ممبران کا کہنا تھا کہ تمام مکاتب فکر کی کوشش ہے کہ محرم الحرام میں عزاداری ہوگی، دل آزاری نہیں ہوگی۔ اسلام ٹائمز۔ محرم الحرام کو پرامن بنانے کا مشن لیے وزیراعلی پنجاب کی ہدایت پر کابینہ کمیٹی برائے امن و امان کا ملتان میں اہم اجلاس ہوا۔ صوبائی وزیر و چیرمین خواجہ سلمان رفیق نے اجلاس کی صدارت کی جبکہ صوبائی وزیر قانون ملک صہیب احمد بھرتھ، وزیر زراعت سید عاشق حسین کرمانی، سیکرٹری داخلہ ڈاکٹر احمد جاوید قاضی، ایڈیشنل آئی جی پنجاب چوہدری سلطان، ایڈیشنل آئی جی سپیشل برانچ راو عبدالکریم، ایڈیشنل آئی جی ساتھ پنجاب محمد کامران خان اور ڈی آئی جی سی ٹی ڈی عثمان گوندل نے اجلاس میں شرکت کی۔ اجلاس کے دوران ملتان میں محرم الحرام کے جلوس اور مجالس کے انتظامات کا تفصیلی جائزہ لیا گیا۔ کمشنر ملتان عامر کریم خاں اور آر پی او کیپٹن ریٹائرڈ سہیل چوہدری نے انتظامات بارے بریفننگ دی۔ اجلاس کو بتایا گیا کہ ملتان ڈویژن میں تمام 909 جلوس اور 3182 مجالس کے سکیورٹی انتظامات مکمل کیے جا چکے ہیں۔صوبائی وزیر زراعت سید عاشق حسین کرمانی نے کہا کہ تمام اضلاع میں جلوس کے راستوں پر سبیل لگائی جا رہی ہیں۔
سیکرٹری داخلہ پنجاب ڈاکٹر احمد جاوید قاضی نے کہا کہ محرم الحرام کے دوران سائبر پٹرولنگ کے خصوصی انتظامات کیے گئے ہیں۔ انہوں نے ہدایت کی کہ تمام اضلاع محرم ای پورٹل پر بروقت معلومات شئیر کریں۔ ملتان، خانیوال، لودھراں اور وہاڑی کے ڈپٹی کمشنرز اور ڈی پی اوز نے بھی بریفنگ میں شرکت کی۔ بعد ازاں کابینہ کمیٹی برائے امن و امان نے ملتان میں ڈویژنل امن کمیٹی سے ملاقات کی اور مرکزی جلوس کے روٹ اور امام بارگاہوں کا دورہ کیا۔ ڈویژنل امن کمیٹی اور علمائے کرام کی قیادت مولانا حنیف جالندھری نے کی۔ علمائے کرام نے کابینہ کمیٹی کی خود فیلڈ میں آمد اور تمام سے ملاقات پر شکریہ ادا کیا۔ ڈویژنل امن کمیٹی ممبران کا کہنا تھا کہ تمام مکاتب فکر کی کوشش ہے کہ محرم الحرام میں عزاداری ہوگی، دل آزاری نہیں ہوگی۔
ذریعہ: Islam Times
کلیدی لفظ: ڈویژنل امن کمیٹی کہ محرم الحرام کابینہ کمیٹی کہ تمام
پڑھیں:
وزیراعلیٰ پنجاب کی زیرِصدارت محرم الحرام کے انتظامات کیلئے اجلاس، انتظامیہ سے پلان طلب
وزیرِاعلیٰ پنجاب مریم نواز- فوٹو فائلوزیراعلیٰ پنجاب مریم نواز کی زیرِصدارت محرم الحرام کے انتظامات کے لیے اجلاس ہوا، اس دوران وزیراعلیٰ نے انتظامیہ سے فوری ہنگامی پلان طلب کر لیے ہیں۔
ساتھ ہی وزیراعلیٰ نے کوڈ آف کنڈکٹ پر عملدرآمد یقینی بنانے کا حکم دیتے ہوئے ہدایت کی کہ خلاف ورزی پرزیرو ٹالرنس کی پالیسی ہے۔
وزیرِ اعلیٰ پنجاب مریم نواز کا کہنا ہے کہ دعا ہے سال نو عوام کے لیے خوشی اور خوشحالی کی نوید ہو۔
وزیرِ اعلیٰ نے سوشل میڈیا پر نفرت انگیز مواد پھیلانے والوں کو فوری گرفتار کرنے کی ہدایت جاری کی۔
انہوں نے بینرز، پوسٹر آویزاں کرنے اور وال چاکنگ پر پابندی یقینی بنانے کا حکم دیا۔
وزیر اعلیٰ نے ڈرون اڑانے پر پابندی، خلاف ورزی پر فوری گرفتاری کی ہدایت بھی دیں۔
وزیراعلیٰ نے محرم الحرام میں اسپیشل مانیٹرنگ یونٹ کو نفرت انگیز مواد کی مانیٹرنگ کا ٹاسک اور رپورٹنگ کا حکم بھی دیا۔
وزیراعلیٰ مریم نواز نے سیف سٹی اتھارٹی کو خراب کیمرے ٹھیک کرانے اور سیکیورٹی انتظامات کی فرضی مشقیں شروع کرنے کی ہدایت بھی دیں۔
محرم کے جلوس اور مجالس کےلیے یکساں طرز پر سبیلیں لگانے کا حکم دیتے ہوئے کہا کہ ان سبیلوں میں شربت، لیموں پانی اور ٹھنڈے پانی کی بوتلیں مہیا کی جائیں۔
اجلاس میں جلسوں اور مجالس میں سیکیورٹی کے لیے لوہے کے پائپ نصب کرنے عاشورہ کے جلسوں کے ساتھ فیلڈ ہسپتال اور کلینک آن ویل بھی متعین کرنے ہدایات بھی جاری کی گئی۔
اس موقع پر وزیرِاعلیٰ پنجاب نے کہا کہ محرم الحرام کو حساس تصور کیا جائے، دشمن قوتیں موقع نہیں جانے دیں گی، بُنیان المرصوص کی کامیابی سے منفی قوتیں خائف ہیں، ہمیں تیار رہنا چاہیے اور ہر موقع پر انتظامات کو پہلے سے زیادہ بہتر ہونا چاہیے، عوام کو ہر جگہ پر حکومت اور حکومت کی رٹ نظر آنی چاہیے۔
انہوں نے مزید کہا کہ ملک و قوم کو نفرت، تعصب اور تفرقہ بازی سے بچانا ہماری ذمہ داری ہے، تفرقہ اور نفرت نئی نسل کےلیے زہر ہے، ہر قیمت پر اس کا خاتمہ چاہتے ہیں، نفرت اور تعصب کے خاتمے لیے موثر اور پائیدار اقدامات کی ضرورت ہے۔
اس موقع پر وزیرِ اعلیٰ پنجاب نے کہا ہے کہ محرم الحرام کے ایس او پیز عملی طور پر اقدامات نظر آنے چاہیے۔
17 سالہ فٹبالر سے 30 سالہ ائیرہوسٹس کے تعلقات؛ قتل کی دھمکیاں ملنے لگیں