مختلف حادثات و واقعات میں میاں بیوی سمیت 15 افراد جاں بحق
اشاعت کی تاریخ: 25th, June 2025 GMT
data-id="863a0a8" data-element_type="widget" data-widget_type="theme-post-content.default">
مانسہرہ/ سوات/ کوئٹہ/ چارسدہ (صباح نیوز) خیبر پختونخوا اور بلوچستان میں مختلف حادثات و اقعات کے دوران میاں، بیوی سمیت 15 افراد جاں بحق اور 15 زخمی ہوگئے۔ تفصیلات کے مطابق سیر و تفریح کی غرض سے ناران جانے والے جوڑے کی گاڑی مانسہرہ کے سیاحتی مقام لڑی کاغان میں گہری کھائی میں جا گری، حادثے میں میاں بیوی جاں بحق ہوگئے جبکہ ان کا 6 بیٹا معجزاتی طورپر بچ گیا۔ جاں بحق افراد کا تعلق حضرو اٹک سے تھا اور ہانگ کانگ میں رہائش
پذیرتھے۔ علاوہ ازیں سوات کے علاقے گوگدرہ میں ایک بچی سڑک عبور کرتے ہوئے تیز رفتار موٹر کار سے ٹکرا گئی جس کے نتیجے میں کار ڈرائیور گاڑی پر قابو نہ رکھ سکا اور کار سامنے سے آنے والی ڈائیوو بس سے ٹکرا گئی۔ حادثے میں 3 افراد جاں بحق اور 2 زخمی ہوگئے۔ جاں بحق افراد کا تعلق ضلع بونیر سے تھا، سیر و تفریح کیلیے سوات آئے تھے۔ دوسری جانے کوئٹہ میں مغربی بائی پاس پر بس اور پیٹرول سے بھرے لوڈر رکشے میں تصادم ہوگیا، تصادم کے نتیجے میں بس میں آگ بھڑک اٹھی۔ حادثے میں 6 مسافر جھلس کر جاں بحق اور 10 زخمی ہو گئے۔ فائر بریگیڈ نے بس میں لگی آگ پر قابو پا لیا جبکہ پولیس نے جائے حادثہ کو گھیرے میں لے کر تحقیقات شروع کر دیں ۔ علاوہ ازیں چارسدہ تھانہ ترناب کی حدود میں شام کے وقت ہمسایوں کے درمیان زبانی تکرار فائرنگ میں تبدیل ہوگئی، فائرنگ کا نیتجے میں 4افراد جاںبحق جبکہ 2 افراد شدید زخمی ہوگئے۔
ذریعہ
ذریعہ: Jasarat News
کلیدی لفظ: افراد جاں
پڑھیں:
بلوچستان میں پیش آنیوالے پے درپے دہشتگردی کے واقعات افسوسناک ہیں، علامہ مقصود ڈومکی
اپنے بیان میں ایم ڈبلیو ایم رہنماء علامہ مقصود ڈومکی نے کہا کہ بلوچستان کا مسئلہ بنیادی طور پر ایک سیاسی مسئلہ ہے، جسکا حل طاقت، آپریشن اور جبر نہیں بلکہ بامعنی سیاسی مذاکرات، آئینی حقوق کی فراہمی، عوامی مینڈیٹ کے احترام اور عوام کے اعتماد کی بحالی میں مضمر ہے۔ اسلام ٹائمز۔ مجلس وحدت مسلمین پاکستان صوبہ سندھ کے صوبائی صدر علامہ مقصود علی ڈومکی نے ببرلو بائی پاس پر پریا کماری سمیت لاپتا و مغوی بچوں کی بازیابی کے لئے جاری پرامن دھرنے پر پولیس کے کریک ڈاؤن، خواتین پر تشدد، ان کی بے حرمتی، بزرگ رہنماء لیاقت جلبانی، سوہنی پارس، صحافی ساحل جوگی اور متعدد مظاہرین کی گرفتاری کی شدید الفاظ میں مذمت کرتے ہوئے کہا ہے کہ اپنے بچوں کی بازیابی کے لئے سراپا احتجاج مظلوم والدین، خصوصاً ماؤں پر طاقت کا استعمال انتہائی افسوسناک، غیر انسانی اور قابل مذمت ہے۔ انہوں نے کہا کہ حکومت سندھ احتجاج کرنے والے مظلوم خاندانوں پر تشدد کرنے کے بجائے پریا کماری سمیت تمام مغوی بچوں اور بچیوں کی فوری اور محفوظ بازیابی کو یقینی بنائے، گرفتار افراد کو فوری رہا کرے اور صحافیوں کے آئینی و قانونی حقوق کا احترام کرے۔ انہوں نے کہا کہ پرامن احتجاج ہر شہری کا آئینی حق ہے اور اس حق کو طاقت کے ذریعے سلب نہیں کیا جا سکتا۔
علامہ مقصود ڈومکی نے بلوچستان کے ضلع مستونگ میں دہشت گردی کے افسوسناک واقعے کی بھی شدید مذمت کرتے ہوئے سیشن جج عبدالحکیم کاکڑ اور ان کے پولیس محافظ کی شہادت پر گہرے رنج و غم کا اظہار کیا اور زخمی جج طارق علی لاشاری کی جلد و مکمل صحت یابی کے لئے دعا کی۔ انہوں نے کہا کہ گزشتہ کئی دہائیوں سے بلوچستان میں پیش آنے والے پے درپے دہشت گردی کے واقعات افسوسناک ہیں، اس ہفتے ژوب سے سفر کرنے والے خاندان پر حملہ، کوئٹہ سے کراچی جانے والی مسافر کوچ کا المناک سانحہ اور مستونگ میں سیشن جج عبدالحکیم کاکڑ کی شہادت شامل ہیں، صوبے میں امن و امان کی انتہائی تشویشناک صورتحال کی عکاسی کرتے ہیں۔
علامہ مقصود علی ڈومکی نے کہا کہ بلوچستان کا مسئلہ بنیادی طور پر ایک سیاسی مسئلہ ہے، جس کا حل طاقت، آپریشن اور جبر نہیں بلکہ بامعنی سیاسی مذاکرات، آئینی حقوق کی فراہمی، عوامی مینڈیٹ کے احترام اور عوام کے اعتماد کی بحالی میں مضمر ہے۔ گزشتہ کئی دہائیوں کے آپریشنز سے نہ امن قائم ہوا، نہ دہشت گردی ختم ہوئی اور نہ ہی مسائل کا مستقل حل نکلا، لہٰذا اب وقت آ گیا ہے کہ حکومت طاقت کی پالیسی ترک کرکے سیاسی مکالمے، مفاہمت اور سنجیدہ مذاکرات کا راستہ اختیار کرے۔ انہوں نے مطالبہ کیا کہ پاکستان کے عوام کے حقیقی منتخب نمائندوں کو ان کا آئینی و جمہوری حق دیا جائے، عوامی مینڈیٹ کا احترام کیا جائے اور تمام سیاسی و سماجی اسٹیک ہولڈرز کے ساتھ نتیجہ خیز مذاکرات کئے جائیں۔ انہوں نے کہا کہ انصاف، سیاسی شمولیت اور عوام کے اعتماد کی بحالی ہی بلوچستان میں پائیدار امن کی ضمانت ہے، جبکہ دہشت گردی کے واقعات کی روک تھام کے لئے شہریوں کے جان و مال کا تحفظ ریاست کی اولین ذمہ داری ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی