جنوبی وزیرستان: تاجر برادری نے انگوراڈہ بارڈر گیٹ کھولنے کے لیے 30 جون کی ڈیڈ لائن دے دی
اشاعت کی تاریخ: 25th, June 2025 GMT
جنوبی وزیرستان کی تاجر برادری نے پاک افغان بارڈر پر واقع انگوراڈہ گیٹ کی طویل بندش پر شدید تشویش کا اظہار کرتے ہوئے حکومت کو 30 جون تک کی مہلت دے دی، ان کا کہنا ہے کہ اگر مقررہ مدت تک گیٹ دوبارہ نہ کھولا گیا، تو وہ احتجاجاً حکومتی مشینری کو مکمل طور پر جام کر دیں گے۔
جنوبی وزیرستان لوئر کے ضلعی ہیڈکوارٹر وانا میں منعقدہ تاجر برادری کے ایک اہم جرگے میں تمام تجارتی یونینز کے نمائندوں نے شرکت کی، تاجر رہنماؤں ملک سردار علی اور لوئر وزیرستان چیمبر آف کامرس کے صدر سیف الرحمان نے میڈیا سے گفتگو کرتے ہوئے گزشتہ 21 مہینوں سے انگور اڈہ گیٹ کی بندش پر تشویش کا اظہار کیا۔
تاجر رہنماؤں کا کہنا تھا کہ جس کے باعث خطے میں تجارتی سرگرمیاں مکمل طور پر مفلوج ہوچکی ہیں اور معیشت کو شدید دھچکا لگا ہے۔ ان کا کہنا تھا کہ اب تاجر برادری مزید انتظار کے متحمل نہیں ہو سکتی۔
یہ بھی پڑھیں:
تاجر قیادت نے الزام عائد کیا کہ ابتدا میں حکومت نے قومی دھرنے کو گیٹ بندش کا جواز بنایا، بعدازاں مؤقف بدلا گیا کہ گیٹ کھولنے میں پاکستانی جانب سے کوئی رکاوٹ نہیں بلکہ افغان حکومت راضی نہیں۔
تاہم، تاجر برادری کے بقول افغان حکام سے رابطے کے بعد تجارت کی راہ میں حائل تمام رکاوٹیں دور کر دی گئی ہیں، لہٰذا اب حکومت پاکستان کی جانب سے گیٹ نہ کھولنے کی کوئی وجہ باقی نہیں۔
تاجر رہنماؤں نے حکومت اور عسکری قیادت سے اپیل کی ہے کہ 30 جون سے قبل گیٹ کھول کر قانونی اور آئینی تجارت کی راہ ہموار کی جائے، بصورت دیگر تاجر برادری تادم مرگ احتجاج کا راستہ اپنائے گی، جس کی تمام تر ذمہ داری حکومت پر عائد ہوگی۔
مزید پڑھیں:
ملک سردارعلی کے مطابق وہ گزشتہ 21 ماہ سے ہر سطح پر اپنے مطالبات اٹھا رہے ہیں، مگر اب تک انہیں کوئی شنوائی نہیں ملی، انہوں نے شکوہ کیا کہ دنیا جہاں تجارت کے نئے راستے تلاش کر رہی ہے، وہاں جنوبی وزیرستان کے تاجروں کے ساتھ سوتیلی ماں جیسا سلوک روا رکھا جا رہا ہے اور ان کی معاشی سرگرمیوں کو جان بوجھ کر بند کیا جا رہا ہے۔
تاجر رہنماؤں کا مطالبہ تھا کہ حکومت فوری طور پر انگور اڈہ بارڈر گیٹ کو تجارت کے لیے کھولنے کے احکامات جاری کرے تاکہ خطے میں معاشی بحالی ممکن ہو سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انگور اڈہ بارڈر گیٹ پاک افغان بارڈر تاجر برادری تاجر قیادت جنوبی وزیرستان سیف الرحمان عسکری قیادت ملک سردارعلی وزیرستان چیمبر آف کامرس.
ذریعہ
ذریعہ: WE News
کلیدی لفظ: بارڈر گیٹ پاک افغان بارڈر تاجر برادری تاجر قیادت جنوبی وزیرستان سیف الرحمان عسکری قیادت ملک سردارعلی وزیرستان چیمبر آف کامرس جنوبی وزیرستان تاجر رہنماؤں تاجر برادری
پڑھیں:
’ابھی ہو گیا، بس‘، سونو نگم نے نیٹ احتجاج پر تبصرہ کرنے سے انکار کر دیا
معروف بھارتی گلوکار سونو نگم نے نیٹ احتجاج پر تبصرہ کرنے سے انکار کرتے ہوئے میڈیا نمائندوں سے کہا کہ اس معاملے پر ان سے مزید سوال نہ کیے جائیں۔
سونو نگم سے ایک حالیہ میڈیا گفتگو کے دوران مبینہ نیٹ پرچہ لیک اور تعلیمی اصلاحات کے مطالبے پر جاری احتجاج کے حوالے سے سوال کیا گیا، تاہم انہوں نے اس موضوع پر اپنی رائے دینے سے گریز کیا۔
رپورٹرز کی جانب سے مسلسل سوالات کیے جانے پر سونو نگم نے واضح کیا کہ وہ اس معاملے پر بات نہیں کرنا چاہتے۔ بار بار سوالات کیے جانے پر وہ کچھ برہم دکھائی دیے اور مختصراً کہا، ’’ابھی ہو گیا، بس۔‘‘ اس جملے کے ذریعے انہوں نے اشارہ دیا کہ وہ اس موضوع پر مزید گفتگو نہیں کرنا چاہتے۔
رپورٹس کے مطابق، یہ میڈیا گفتگو کہاں اور کس موقع پر ہوئی، اس حوالے سے کوئی تفصیلات سامنے نہیں آئیں۔
View this post on Instagram
نیٹ احتجاج پر متعدد شوبز شخصیات کا ردِعمل
سونو نگم کی خاموشی ایسے وقت میں سامنے آئی ہے جب بھارتی فلم انڈسٹری کی کئی معروف شخصیات نیٹ احتجاج پر اپنے خیالات کا اظہار کر رہی ہیں۔
اداکار سلمان خان، عالیہ بھٹ، دُلکر سلمان، وجے ورما، نصیرالدین شاہ، انوپم کھیر، ہیما مالنی، پریتی زنٹا اور عمران خان سمیت متعدد فنکار اس معاملے پر مختلف رائے کا اظہار کر چکے ہیں۔ بعض نے طلبہ کی حمایت کرتے ہوئے مذاکرات اور تعلیمی اصلاحات کا مطالبہ کیا جبکہ دیگر نے مختلف مؤقف اختیار کیا۔
واضح رہے کہ نیٹ امتحان میں مبینہ پرچہ لیک کے بعد ملک بھر میں طلبہ کی جانب سے احتجاج جاری ہے۔ مظاہرین امتحانی نظام میں شفافیت، ذمہ دار عناصر کے خلاف کارروائی اور احتساب کا مطالبہ کر رہے ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی