’لو گُرُو‘ کی شاندار کامیابی، 16 دن میں 70 کروڑ کا بزنس
اشاعت کی تاریخ: 25th, June 2025 GMT
عید الاضحیٰ کے موقع پر ریلیز ہونے والی پاکستانی فلم لو گُرُو نے محض 16 دنوں میں 70 کروڑ روپے کی ریکارڈ کمائی کرکے ملکی فلمی صنعت میں ایک نیا سنگِ میل عبور کر لیا ہے۔
میڈیا رپورٹس کے مطابق ہمایوں سعید اور ماہرہ خان کی فلم لو گرُو کامیابیاں سمیٹ رہی ہے،فلم نے ابتدائی 3 روز میں ہی 15 کروڑ روپے کما کر سب کو حیران کیا، جبکہ اب یہ کمائی بڑھ کر 70 کروڑ روپے تک پہنچ چکی ہے، جو فلم کے 25 کروڑ روپے کے بجٹ سے 3 گنا زیادہ ہے۔
یہ بھی پڑھیں: ’پیٹرول کے پیسے نہیں تھے کیا؟‘، فلم لو گرو کے سین پر لوگوں نے یہ تبصرے کیوں کیے؟
رپورٹ کے مطابق پاکستان میں لو گرُو نے 37 کروڑ روپے کمائے، جب کہ بیرونِ ملک سے 33 کروڑ روپے کی آمدنی ہوئی۔ سب سے زیادہ غیرملکی کمائی برطانیہ میں ہوئی، جہاں لو گُرُو نے بھارتی فلم ہاؤس فل 5 کو پیچھے چھوڑتے ہوئے 9 روز میں 75 ہزار پاؤنڈ (تقریباً 2 کروڑ 65 لاکھ روپے) کا بزنس کیا۔
فلم کی مجموعی کامیابی کے حوالے سے اندازہ لگایا جارہا ہے کہ یہ جلد 100 کروڑ روپے کا تاریخی ہندسہ عبور کرسکتی ہے، جو کسی بھی پاکستانی فلم کے لیے ایک غیر معمولی کارنامہ ہوگا۔
یہ بھی پڑھیں: ماہرہ خان اور ہمایوں سعید کی فلم ’لو گرو‘ نے اکشے کمار کی ’ہاؤس فُل 5‘ کو پیچھے چھوڑ دیا
یاد رہے، فلم کی ریلیز سے قبل ہمایوں سعید نے بتایا تھا کہ لو گُرُو کی تیاری پر 25 کروڑ روپے خرچ ہوئے اور انہیں 50 کروڑ روپے تک کمائی کی امید تھی، تاہم فلم نے اس ہدف کو پیچھے چھوڑ کر نئی بلندیوں کو چھو لیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بزنس پاکستان لولی ووٖڈ ماہرہ خان ہمایوں سعید.ذریعہ: WE News
کلیدی لفظ: پاکستان ماہرہ خان ہمایوں سعید ہمایوں سعید کروڑ روپے
پڑھیں:
تیراہ واقعہ: وزیراعلیٰ خیبرپختونخوا کا شہداء کے لواحقین کے لیے ایک ایک کروڑ روپے امداد کا اعلان
پشاور:واقعہ تیرہ کے حوالے سے وزیر اعلیٰ خیبر پختونخوا علی امین خان گنڈاپور سے پیر کے روز (تیراہ) ضلع خیبر کے وفد نے وزیر اعلیٰ ہاؤس میں ملاقات کی ہے، وزیر اعلیٰ نے واقعے کے شہداء کے لواحقین کے لئے ایک ایک کروڑ روپے مالی امداد کا اعلان کیا۔
ایم این اے اقبال آفریدی، چیف سیکرٹری شہاب علی شاہ، ایڈیشنل چیف سیکرٹری داخلہ محمد عابد مجید کمشنر پشاور اور دیگر متعلقہ حکام بھی ملاقات میں موجود تھے۔ ملاقات میں تیراہ میں پیش آنے والے ناخوشگوار واقعے کے تناظر میں امن و امان کی صورتحال کا جائزہ لیا گیا اور اس ناخوشگوار واقعے پر افسوس کا اظہار کیا گیا۔ واقعے میں شہید ہونے والوں کے درجات کی بلندی کے لئے فاتحہ خوانی کی گئی۔
وزیر اعلیٰ نے اپنی گفتگو میں کہا کہ واقعے میں عام شہریوں کی شہادت افسوسناک اور قابل مذمت ہے،دہشتگردوں کے خلاف کارروائیوں کے نتیجے میں عام شہریوں کی شہادت ناقابل قبول ہے۔
ملاقات میں آئندہ ایسے ناخوشگوار واقعات کی روک تھام کے لئے لائحہ عمل پر تفصیلی غوروخوص کیا گیا اور اس سلسلے میں علاقے کے منتخب عوامی نمائندوں، تمام سیاسی جماعتوں کے قائدین اور علاقہ مشران پر مشتمل جرگے کی اعلیٰ عسکری حکام کے ساتھ ملاقات کرانے کا فیصلہ کیا گیا ہے۔
فیصلہ کیا گیا کہ عسکری حکام کے ساتھ جرگے کی ملاقات میں علاقے میں امن و امان کے لئے آئندہ کا لائحہ عمل طے کیا جائے گا۔ ملاقات میں اتفاق کیا گیا کہ باجوڑ کے طرز پر تیراہ میں بھی امن و امان کے قیام کے لئے حکمت عملی اپنائی جائے گی۔ ملاقات میں علاقے میں امن کے لئے علاقہ عوام کا اعتماد حاصل کرنے کی ضرورت پر زور دیا گیا۔
مسلم حکمران اپنے مفادات اورامریکی خوف کے باعث اہل غزہ کی مددسے گریزاں ہیں