بھارتی و انگلش بورڈ کا سعودی کرکٹ لیگ کے خلاف اتحاد، 400 ملین ڈالر کا دھچکا
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
دبئی / لندن / ممبئی:سعودی عرب کی جانب سے بین الاقوامی سطح پر کرکٹ کی ایک نئی اور پُرکشش ٹی20 لیگ متعارف کرانے کے منصوبے کو اس وقت بڑا دھچکا پہنچا جب بھارت اور انگلینڈ کے کرکٹ بورڈز نے نہ صرف حمایت واپس لے لی بلکہ اس کے خلاف باقاعدہ حکمت عملی پر بھی عمل شروع کر دیا ہے۔
برطانوی اخبار دی گارڈین اور دیگر میڈیا ذرائع کی رپورٹس کے مطابق سعودی کرکٹ لیگ کا 400 ملین امریکی ڈالر کا منصوبہ اب خطرے میں پڑ چکا ہے۔
سعودی عرب کی کرکٹ کے میدان میں سرمایہ کاری کی دلچسپی کسی سے پوشیدہ نہیں رہی اور اس نے ایک بین الاقوامی معیار کی لیگ متعارف کروانے کے لیے دنیا بھر سے اسٹار کرکٹرز اور بورڈز کو قائل کرنے کی کوشش کی۔ مجوزہ لیگ میں 8 ٹیمیں شامل ہونی تھیں جنہیں ٹینس کے گرینڈ سلیمز فارمیٹ پر مختلف ممالک میں میچز کھیلنے کی تجویز دی گئی تھی۔ اس منفرد طرز پر مبنی ماڈل کو مارکیٹنگ اور گلوبل اسپانسرز کی سطح پر بڑی کامیابی تصور کیا جا رہا تھا۔
تاہم کرکٹ کے 2بڑے اور طاقتور بورڈز بی سی سی آئی (بھارتی کرکٹ بورڈ) اور ای سی بی (انگلینڈ اینڈ ویلز کرکٹ بورڈ) نے سعودی منصوبے کو اپنی موجودہ لیگز کے لیے خطرہ سمجھتے ہوئے نہ صرف اس سے لاتعلقی اختیار کی بلکہ اس کی مخالفت میں متحد ہو گئے۔
دی گارڈین کی رپورٹ کے مطابق دونوں بورڈز نے باہمی اتفاق سے فیصلہ کیا ہے کہ وہ اپنے کھلاڑیوں کو سعودی لیگ میں شرکت کے لیے نو آبجیکشن سرٹیفکیٹ (این او سی) جاری نہیں کریں گے۔
اس کے ساتھ ہی دونوں بورڈز نے انٹرنیشنل کرکٹ کونسل میں لابنگ کے ذریعے سعودی لیگ کو بین الاقوامی حیثیت نہ دینے کے لیے بھی منصوبہ بندی شروع کر دی ہے۔ یہ صورتحال سعودی حکام کے لیے غیر متوقع اور تشویشناک ہے کیونکہ سعودی کرکٹ اتھارٹی اس منصوبے کو صرف ایک تفریحی ایونٹ کے طور پر نہیں بلکہ ایک مستقل اور عالمی سطح کی کرکٹ پراپرٹی کے طور پر متعارف کروانا چاہتی تھی۔
دوسری جانب کرکٹ آسٹریلیا نے اس منصوبے میں دلچسپی کا اظہار کیا ہے اور سعودی سرمایہ کاروں کے ساتھ شراکت داری کی خواہش کا مظاہرہ کیا ہے۔ آسٹریلوی بورڈ کی بڑی پریشانی یہ ہے کہ اس کی موجودہ بگ بیش لیگ فرنچائزز ریاستی کنٹرول میں ہیں اور وہاں نجی سرمایہ کاری کا نظام محدود ہے۔ سعودی لیگ جیسے ماڈلز کرکٹ آسٹریلیا کے لیے مالی منفعت کے نئے دروازے کھول سکتے ہیں۔
واضح رہے کہ بھارت کی آئی پی ایل اس وقت دنیا کی سب سے مہنگی کرکٹ لیگ ہے، جس کی مارکیٹ ویلیو 12 ارب امریکی ڈالر سے تجاوز کر چکی ہے جب کہ انگلینڈ کی دی ہنڈریڈ لیگ بھی سرمایہ کاروں کے لیے کشش رکھتی ہے اور اپنی 49 فیصد ٹیم حصص فروخت کرنے کا ارادہ رکھتی ہے۔ ایسے میں سعودی عرب کی انٹری ان لیگز کے تجارتی مفادات کے لیے براہ راست خطرہ بن سکتی تھی۔
رپورٹ میں یہ بھی بتایا گیا ہے کہ 3سال قبل جنوبی افریقا نے بھی اپنی ٹی20 لیگ کی فرنچائزز بھارتی سرمایہ کاروں کو فروخت کرکے 136 ملین امریکی ڈالر کی رقم جمع کی تھی۔ اس پس منظر میں سعودی عرب کا منصوبہ نہ صرف کرکٹ کی موجودہ طاقتوں کو چیلنج کر سکتا تھا بلکہ عالمی کرکٹ کا توازن بھی بدلنے کا امکان رکھتا تھا۔
یہ تمام حقائق اس طرف اشارہ کرتے ہیں کہ اگرچہ سعودی عرب کے پاس وسائل اور ویژن موجود ہے، لیکن عالمی کرکٹ میں پہلے سے موجود طاقتور مفادات کی دیواریں توڑنا آسان نہیں ہوگا۔
.
ذریعہ
ذریعہ: Jasarat News
کلیدی لفظ: کے لیے
پڑھیں:
فیلڈ مارشل کا بلوچستان میں دہشت گردی کو پوری طاقت سے کچلنے کے عزم کا اظہار
فوٹو: آئی ایس پی آرفیلڈ مارشل سید عاصم منیر نے بلوچستان میں دہشت گردی کو پوری طاقت سے کچلنے کے عزم کا اظہار کیا ہے۔
پاک فوج کے شعبہ تعلقات عامہ آئی ایس پی آر کے مطابق 20ویں نیشنل ورکشاپ بلوچستان کے شرکاء کی جی ایچ کیو آمد کے موقع پر خطاب کرتے ہوئے فیلڈ مارشل نے کہا کہ بیرونی سرپرستی میں پراکسی عناصر بلوچستان میں تشدد کو ہوا دینے، استحکام کو نقصان پہنچانے اور امن خراب کرنے کی کوشش کرتے رہے ہیں، تاہم ان کے ناپاک عزائم کو مسلح افواج کے مضبوط اور فیصلہ کن جواب اور عوام کے اتحاد سے ناکام بنادیا جائے گا۔
فیلڈ مارشل سید عاصم منیر کا کہنا ہے کہ بلوچستان پاکستان کا فخر ہے، یہ صوبہ بے پناہ قدرتی وسائل سے مالا مال ہے، بلوچستان کے متحرک، باہمت، ثابت قدم اور محبِ وطن عوام اس کی سب سے بڑی طاقت ہیں۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں بلوچستان میں دیرپا امن لائیں گی، فتنہ الخوارج اور فتنہ الہندوستان کے خلاف ٹارگیٹڈ آپریشنز جاری رہیں گے۔
آئی ایس پی آر کے مطابق فیلڈ مارشل نے ملک کے مستقبل کی سمت کے تعین کے لیے قومی اتحاد اور ثابت قدمی کی ضرورت پر زور دیتے ہوئے کہا کہ پاکستان کی مسلح افواج عوام کے اتحاد، عزم اور ثابت قدمی کی بدولت ان مذموم عزائم کو ناکام بنائیں گی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی