اسٹیٹ بینک یکم جولائی کو عوامی لین دین کے لیے بند رہے گا
اشاعت کی تاریخ: 27th, June 2025 GMT
اسٹیٹ بینک آف پاکستان یعنی ایس بی پی نے جمعہ کے روز اعلان کیا کہ وہ یکم جولائی 2025 بروز منگل کو بند رہے گا کیونکہ اس دن کو بینک تعطیل کے طور پر منایا جائے گا۔
مرکزی بینک کے اعلامیے میں کہا گیا ہے کہ اسٹیٹ بینک آف پاکستان یکم جولائی بروز منگل عوامی لین دین کے لیے بند رہے گا، کیونکہ یہ دن بینک تعطیل کے طور پر منایا جائے گا۔
یہ بھی پڑھیں: کرپٹو کرنسیوں پر کوئی پابندی نہیں، اسٹیٹ بینک کی وضاحت
’لہٰذا تمام بینک، ترقیاتی مالیاتی ادارے اور مائیکرو فائنانس بینک بھی مذکورہ تاریخ کو عوامی لین دین کے لیے بند رہیں گے، تاہم، ان اداروں کے ملازمین معمول کے مطابق دفتر میں حاضر ہوں گے اور اندرونی امور سرانجام دیے جائیں گے۔‘
واضح رہے کہ ہر سال یکم جولائی کو بینکاری صنعت میں مالی سال کا آغاز ہوتا ہے، جس کے باعث یہ دن روایتی طور پر بینک تعطیل کے طور پر منایا جاتا ہے تاکہ بینک اپنے سالانہ حسابات اور ریکارڈز کی ترتیب نو کر سکیں۔
مزید پڑھیں:اسٹیٹ بینک آف پاکستان کا بڑا اعلان، شرحِ سود 11 فیصد پر برقرار
بینک صارفین کو ہدایت کی گئی ہے کہ وہ یکم جولائی سے قبل اپنی مالی ضروریات نمٹا لیں، تاکہ کسی قسم کی زحمت سے بچا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیٹ بینک بینک تعطیل یکم جولائی.ذریعہ: WE News
کلیدی لفظ: اسٹیٹ بینک بینک تعطیل یکم جولائی یکم جولائی بینک تعطیل اسٹیٹ بینک کے لیے
پڑھیں:
ملی یکجہتی کونسل کے تحت کل ملک بھر میں یوم الفتح منایا جائے گا
data-id="863a0a8" data-element_type="widget" data-widget_type="theme-post-content.default">
لاہور(نمائندہ جسارت)ملی یکجہتی کونسل خیبرپختونخوا کے صوبائی کونسل کا اہم اجلاس جماعت اسلامی کے صوبائی ہیڈکوارٹر مرکز اسلامی پشاور میں مرکزی سیکرٹری جنرل ملی یکجہتی کونسل پاکستان لیاقت بلوچ کی صدارت میں منعقد ہوا اجلاس میں صوبائی صدر عبدالواسع،جنرل سیکرٹری سیدنورالحسنین گیلانی، جماعت اسلامی کے صوبائی جنرل سیکرٹری صابرحسین اعوان،جے یو پی کے اویس احمد قادری ایڈووکیٹ، اسلامی تحریک کے مرتضیٰ عابدی ،جماعت اہلحدیث کے ادریس خلیل، ملی مسلم لیگ کے سمیع اللہ،البصیرہ کے محمد قاسم،جمعیت اتحادالعلما کے سابق رکن قومی اسمبلی مولانا عبد الاکبر چترالی، مولانا ہدایت اللہ،مولانا تسلیم اقبال سمیت دیگر قائدین نے شرکت کی۔اجلاس میں فیصلہ کیا گیا کہ ملک سے فرقہ واریت اور مسلکی
اختلافات کے خاتمے کے لیے گراس روٹ لیول پر مذہبی ہم آہنگی پیداکرنے کے لیے ملی یکجہتی کونسل کے دائرہ کارکو مزید پھلایا جائے گا اورصوبے کے بعد ڈویژنل سطح پر بھی ملی یکجہتی کونسل کی تنظیم سازی کی جائے گی۔اجلاس میں فیصلہ کیا گیا کہ حالیہ پاک بھارت جنگ میں پاکستان کی کامیابی اور ایران اسرائیل جنگ میں اسرائیل سمیت امریکا کے ناپاک عزائم کو خاک میں ملانے پرکل 27جون بروز جمعہ ملک بھر میں یوم الفتح کے طور پر منایا جائے گا اس دن علما کرام جمعہ کے روز منبر ومحراب سے امریکا،بھارت،اسرائیل مردہ باد اور پاکستان فلسطین ایران زندہ باد کے موضوع پر خطبات دیں گے۔اس موقع پر ملی یکجہتی کونسل پاکستان کے سیکرٹری جنرل و نائب امیر جماعت اسلامی پاکستان لیاقت بلوچ نے خطاب کرتے ہوئے کہا کہ غزہ اور فلسطین میں اسرائیل نے گزشتہ 2 سال سے بے گناہ بچوں،خواتین اور نہتے عوام کو وحشیانہ بمباری سے شہید کرکے عملاً انسانیت کو ملیامیٹ کرنے کی شرمناک جنگ مسلط کی ہے جس کے جواب میں حماس نے دنیا کی جدید جنگی ہتھیاروں سے لیس اسرائیل کو ناکوں چنے چپواکر نئی تاریخ رقم کی ہے۔انہوں نے کہا کہ غزہ کے بچوں ماؤں بہنوں کی لازوال قربانیوں کے بعد اسرائیل کی جانب سے ایران پر حملے میں بھی امریکا کی حمایت اسرائیل کو حاصل تھی۔ امریکا نے ایران میں رجیم چینج کی سازش تیار کی تھی۔موساد نے حماس کی قیادت کی طرح ایران میں ٹاپ ملٹری لیڈر شپ اور ایٹمی سائنسدانوں کو نشانہ بنایا لیکن ایران نے بھی حماس کی طرح اسرائیل کا نہ صرف ڈٹ کرمقابلہ کیا بلکہ اسرائیل کو پہلی بار تل ابیب سمیت دیگر شہروں میں اپنی دفاع پر مجبور کیا انہوں نے کہا کہ غزہ اور ایران پر اسرائیلی بمباری کے نتیجے میں امت مسلمہ متحد ہوئی اور اب اس اتحاد کے نتیجے میں فرقہ واریت اور تعصبات پر مبنی شیعہ سنی عمارتیں بھی گر رہی ہیں۔ انہوں نے کہا کہ اسرائیل کے حوالے سے ہمارے حکمرانوں نے قائداعظم کے اس فرمان کو بھلا دیا تھا کہ اسرائیل یورپ کی ناجائز اولاد ہے اور گزشتہ کچھ عرصہ سے ہمارے یہاں اسرائیل کو تسلیم کرنے کی باتیں ہورہی تھی لیکن طوفان القدس کے تحت اہل غزہ کی لازوال قربانیوں اور ایران کے جرأت مندانہ وار نے ان عناصر کو بھی خاموش کردیا ہے جو اسرائیل کو تسلیم کرنے کی باتیں کررہے تھے۔انہوں نے کہا کہ محرم الحرام میں بھی ملی یکجہتی کونسل پرامن کی فضا کو برقرار رکھنے کے لیے کوشاں ہے اور اس مقصد کے لیے مذہبی رواداری اور بھائی چارے کو فروع دینے کے لیے منبر ومحراب اور سوشل میڈیا کا مثبت استعمال کیا جائے گا۔انہوں نے کہا کہ بلوچستان اور خیبرپختونخوا کے لوگ ایک طویل مدت سے بدامنی سے دوچار ہیں اس وقت بھی بدامنی کی لہریہاں پر موجود ہے جس نے ہماری معیشت کو شدید متاثر کیا ہے حکومت اور فیلڈ مارشل صاحب اسے بھی اپنی ترجیحات میں شامل کریں حکومت آئین میں موجود صوبوں کے حقوق کی ادائیگی کے لیے عملی اقدامات اٹھائیں معدنیات اور قدرتی ذخائر پر مقامی لوگوں کی حق کو تسلیم کرتے ہوئے حکومت صوبوں کو ان کے جائز حقوق فراہم کردے تاکہ ان کی محرومیوں کا ازالہ کیا جاسکے اور وہ بہتر طور پر ملک کی تعمیر وترقی میں اپنا کردار ادا کریں۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی