ٹنڈوآدم،مون سون کی پہلی بارش نے حیسکو کا پول کھول دیا
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
ٹنڈوآدم ( نمائندہ جسارت)ٹنڈوآدم میں معمولی سی برسات کے باعث ، شہر اور مضافات کی بجلی معطل ، صنعتی و تجارتی اور گھریلو سرگرمیاں ماند پڑ گئیں مساجد اور گھروں میں پانی ختم نماز جمعہ کیلئے نمازیوں کو مشکلات کا سامنا کرنا پڑا۔ حیسکو حکام جھوٹے دلاسے دیتے رہے۔ تفصیلات کے مطابق جمعرات کی شام ہونیوالی برسات کے بعد شام 7 بجے بجلی بند کردی گئی جو 23 گھنٹے گزرنے کے باوجود بحال نہیں ہوسکی اوڈیرولعل سب ڈویژن ایٹ ٹنڈوآدم کا فیڈر ٹی اے تھری سب سے زیادہ متاثر رہا جہاں عام دنوں میں بھی مین سپلائی فیل ، فیڈر فالٹ تار ٹوٹنے اور دیگر بہانوں سے دس گھنٹے لوڈشیڈنگ شیڈول کے علاوہ مزید کئی گھنٹے بجلی کردی جاتی ہے ایکسیئن اور ایس ڈی او صارفین کو وجوہات بتانے سے گریز کرتے ہیں گزشتہ روز سے بجلی کی بندش کی وجہ سے صنعتی و تجارتی سرگرمیاں ماند پڑ گئیں گھروں اور اسپتالوں میں مرد و خواتین بچوں اور مریضوں کو سخت مشکلات کا سامنا کرنا پڑا جبکہ جمعہ کے دن گھروں اور مساجد میں پانی کی قلت کی وجہ سے نمازیوں کو بے حد مشکلات کا سامنا کرنا پڑا حیسکو حکام سے جب بھی رابطہ کیا گیا وہ جھوٹے دلاسے دیتے رہے 23 گھنٹے گزرنے کے باوجود بجلی کی بحالی نہ ہونے پر امیر جماعت اسلامی ٹنڈوآدم سید عریف اللہ سیفی ، مشتاق احمد عادل ، عبدالغفور انصاری انجمن تاجران ٹنڈوآدم کے صدر محمد اقبال بھٹی ، نائب صدر حبیب خان بہلم ، الفلاح ویلفیئر کے چیئرمن محمد اعظم قریشی تنظیم اساتذہ ضلع سانگھڑ کے صدر پروفیسر احمد بلال غوری ،جنرل سیکرٹری مظفر علی بہلم ، صوبائی سیکرٹری اطلاعات مشرف کریم، ٹنڈوآدم ویلفیئر ایسوسی ایشن کے صدر فاروق انصاری ، آل پاکستان غوری اتحاد سندھ کے صدر عمران غوری نے وفاقی سیکرٹری پانی وبجلی اسلام آباد ، حیسکو چیف حیدرآباد سے مطالبہ کیا ہے کہ وہ ٹنڈوآدم میں بجلی کی طویل بندش ،روزانہ 14 گھنٹے ناجائز لوڈشیڈنگ اور مختلف بہانوں سے بجلی کی بندش ، وولٹیج کی کمی ، اوور لوڈ ٹراسفارمرز ، بجلی کی چوری ، کنڈا مافیا کی من مانیوں کا فی الفور نوٹس لیں۔ انہوں نے کہا کہ فیڈر ٹی اے تھری جمن شاہ پر روزانہ غیرقانونی بجلی کی اضافی بندش پر متعلقہ ایس ڈی او اور دیگر حکام سے باز پرس کرکے صارفین کو افسران کی من مانیوں ناجائز لوڈشیڈنگ سے نجات دلائیں۔
.ذریعہ: Jasarat News
کلیدی لفظ: ٹنڈوا دم بجلی کی کے صدر
پڑھیں:
حماس کی جانب سے ایک اور یرغمالی کی لاش اسرائیلی حکام کے سپرد
data-id="863a0a8" data-element_type="widget" data-widget_type="theme-post-content.default">
غزہ: حماس نے جمعے کو (8 نومبر) ایک اور اسرائیلی یرغمالی کی لاش بین الاقوامی کمیٹی صلیبِ سرخ (آئی سی آر سی) کے ذریعے اسرائیلی حکام کے حوالے کر دی۔
اسرائیلی فوج نے ابتدائی طور پر تصدیق کی ہے کہ موصولہ لاش ممکنہ طور پر یرغمالی کی ہے اور اس کی شناخت کے لیے فرانزک ٹیسٹ جاری ہیں۔ یہ حوالگی اس امریکی ثالثی معاہدے کے تناظر میں عمل میں آئی ہے جو غزہ تنازعے کے دوران زندہ یرغمالیوں اور شہدا کی لاشوں کی واپسی کے لیے طے پایا تھا۔
اس معاہدے کے تحت تبادلے کی شرائط کے عین مطابق دونوں جانب سے لاشوں کی حوالگی کے سلسلے جاری ہیں، تاہم اسرائیلی حکام کا مؤقف ہے کہ غزہ میں ابھی بھی متعدد یرغمالیوں کی لاشیں موجود ہیں جنہیں فوراً حوالہ کرنا ضروری ہے۔
دوسری جانب اسرائیل کے وزیر دفاع یسرائیل کاٹز نے فوج کو ہدایت کی ہے کہ وہ غزہ پٹی میں حماس کے سرنگی نظام کو جڑ سے اکھاڑ پھینکے۔
سماجی رابطے کی ویب سائٹ ایکس (سابقہ ٹوئٹر) پر جاری اپنے بیان میں اسرائیلی وزیر دفاع یسرائیل کاٹز نے کہا کہ اگر سرنگیں ختم کر دی جائیں تو حماس کی جنگی صلاحیت بھی کم ہوجائے گی — ان کے الفاظ میں “اگر سرنگیں نہ ہوں تو حماس نہیں ہوگی۔
اسرائیلی دفاعی قیادت کی جانب سے مسلسل زور دیا جا رہا ہے کہ فوجی کارروائی محض عسکری قیادت یا جھڑپوں کو غیر مسلح کرنے تک محدود نہیں رہے گی بلکہ اس کا ایک بڑا ہدف حماس کے زیرِ زمین سرنگی نیٹ ورک کو تباہ و برباد کرنا بھی ہے۔ دفاعی حکام نے کہا ہے کہ یہ ہدایت خاص طور پر اُن علاقوں (جنہیں اسرائیل “ییلو زون” کہتا ہے) کو مدنظر رکھتے ہوئے دی گئی ہے جو اسرائیلی کنٹرول میں آچکے یا جن پر عملی طور پر ترجیحی آپریشن کیے جا رہے ہیں۔
ویب ڈیسک
دانیال عدنان
پاکستان نے جنوبی افریقا کو 2 وکٹوں سے شکست دے دی، سلمان آغا اور رضوان کی شاندار بیٹنگ