پاکستان نیول اکیڈمی میں کمیشننگ پریڈ، فیلڈ مارشل سید عاصم منیر مہمان خصوصی
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی: پاکستان نیول اکیڈمی پی این ایس رہبر میں پاک بحریہ کی 123ویں مڈ شپ مین اور 31ویں شارٹ سروس کمیشن کورس کی پاسنگ آؤٹ پریڈ کی پروقار تقریب منعقد ہوئی، جس کے مہمانِ خصوصی چیف آف آرمی اسٹاف فیلڈ مارشل سید عاصم منیر تھے۔
تقریب کے آغاز پر فیلڈ مارشل عاصم منیر نے پریڈ گراؤنڈ میں پہنچنے پر چاق و چوبند دستے کی جانب سے پیش کی گئی سلامی قبول کی۔ اس موقع پر انہوں نے کیڈٹس کی مارچنگ کا معائنہ بھی کیا، جس کے دوران نظم و ضبط اور پیشہ ورانہ مہارت کا مظاہرہ قابلِ دید تھا۔
پریڈ کے دوران آرمی چیف نے کورس میں نمایاں کارکردگی کا مظاہرہ کرنے والے کیڈٹس میں انعامات تقسیم کیے۔ تقریب میں پاک بحریہ کے اعلیٰ حکام، دفاعی اداروں کے نمائندے، غیر ملکی مہمان اور پاس آؤٹ ہونے والے کیڈٹس کے اہل خانہ بھی موجود تھے۔
اس یادگار موقع پر فیلڈ مارشل عاصم منیر نے نوجوان کیڈٹس کی حوصلہ افزائی کرتے ہوئے انہیں وطن کی خدمت اور دفاع کے لیے اپنی صلاحیتوں کو مزید نکھارنے کا پیغام دیا۔ ان کا کہنا تھا کہ پاکستان کے دفاعی ادارے مادرِ وطن کی حفاظت کے لیے ہر لمحہ چوکس اور تیار ہیں۔
پاسنگ آؤٹ تقریب پاک بحریہ کی پیشہ ورانہ تربیت، نظم و ضبط اور وطن سے وفاداری کا عملی مظہر بنی، جو اس ادارے کے اعلیٰ معیار اور عظیم روایات کا ثبوت ہے۔
.ذریعہ: Jasarat News
کلیدی لفظ: فیلڈ مارشل
پڑھیں:
وزیراعظم شہبازشریف کی امریکی صدر سے ملاقات، فیلڈ مارشل بھی شریک ہوئے
ویب ڈیسک: وزیراعظم شہبازشریف کی امریکی صدر ڈونلڈ ٹرمپ سے اہم ملاقات ہوگئی جس میں فیلڈمارشل سیدعاصم منیربھی شریک ہوئے۔
وائٹ ہاؤس میں ہونے والی ملاقات میں امریکی نائب صدر جے ڈی وینس اور وزیر خارجہ مارکو روبیو بھی شامل تھے، پاکستانی اور امریکی رہنماؤں کی ملاقات خوشگوار ماحول میں ہوئی۔
ملاقات میں پاک امریکہ تجارتی تعلقات، توانائی کے منصوبے، موسمیاتی تبدیلیوں کے اثرات اور خطے کی اقتصادی ترقی پر بھی تفصیلی بات چیت ہوئی۔
ذرائع کے مطابق وزیراعظم شہبازشریف نےاس موقع پر امریکا اور پاکستان کے درمیان تجارت بڑھانے پر زور دیا،انہوں نے آئی ٹی اور زراعت کے شعبوں میں سرمایہ کاری کی دعوت بھی دی۔
وزیراعظم شہبازشریف کا کہنا تھا کہ امریکی صدر سے ملاقات بہت اچھی رہی، پاکستان ایک بڑی ابھرتی ہوئی تجارتی منڈی ہے، پاکستان کی نوجوان آبادی اور ابھرتی ہوئی معیشت امریکا کیلئے بڑی تجارتی مارکیٹ ہے۔
امریکی صدر ٹرمپ نے پاکستان کے معاشی امکانات کی تعریف کی اور کہا امریکا پاکستانی معیشت کے استحکام کیلئے کردار ادا کرنے کوتیار ہے، دنیا دہشت گردی کے خاتمے میں پاکستان کی کوششوں کو تسلیم کرتی ہے، پاکستان کی سکیورٹی فورسز کی قربانیوں کو سراہتے ہیں۔
ملاقات سے قبل امریکی صدر ڈونلڈ ٹرمپ نے کہا کہ ہمارے پاس ایک عظیم رہنما آ رہے ہیں، ہمارے پاس پاکستان کے وزیرِاعظم آ رہے ہیں اور پاکستان کے فیلڈ مارشل بھی،فیلڈ مارشل ایک بہت عظیم شخصیت ہیں اور وزیرِاعظم بھی، دونوں ہی اور وہ آ رہے ہیں بلکہ ہو سکتا ہے وہ اس وقت اسی کمرے میں موجود ہوں۔ملاقات سے پہلے واشنگٹن ڈی سی کے اینڈریوز ایئر بیس پہنچنے پر وزیرِاعظم شہبازشریف کا ریڈ کارپٹ پر امریکی ایئر فورس کے اعلیٰ عہدیدار نے استقبال کیا، وزیرِاعظم محمد شہبازشریف کا موٹرکیڈ امریکی سکیورٹی کے حصار میں ایئربیس سے روانہ کیا گیا۔
وزیراعظم محمد شہبازشریف نیویارک کے جان ایف کینیڈی ایئرپورٹ سے واشنگٹن کیلئے روانہ ہوئے تھے اورصدر ٹرمپ سے ملاقات کے بعد واپس نیویارک کیلئے روانہ ہوگئے ،وہ آج اقوام متحدہ کی جنرل اسمبلی اجلاس سے خطاب کریں گے۔
آسٹریلوی کرکٹر ایلکس کیری کے والد چل بسے
شام میں امریکی فوج کی نقل و حرکت میں غیرمعمولی اضافہ