دریائے سوات میں ڈوبنے والے ایک اور سیاح کی لاش نکال لی گئی، جاں بحق افراد کی تعداد 10 ہو گئی
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
سوات: خوبصورت وادی سوات ایک بار پھر قدرتی آفت کی لپیٹ میں آ گئی، جہاں دریائے سوات میں سیلابی ریلے کا شکار ہونے والے مزید ایک سیاح کی لاش نکال لی گئی، جس کے بعد المناک واقعے میں جاں بحق افراد کی تعداد 10 ہو گئی ہے، جب کہ تین افراد تاحال لاپتہ ہیں۔
ضلعی انتظامیہ کے مطابق گزشتہ روز علی الصبح دریائے سوات میں اچانک پانی کا تیز ریلا آیا، جس نے مختلف مقامات پر موجود 70 افراد کو اپنی لپیٹ میں لے لیا۔ ریسکیو ٹیموں نے فوری کارروائی کرتے ہوئے 55 افراد کو بحفاظت نکال لیا، جب کہ باقی کی تلاش کا عمل رات بھر جاری رہا۔
ریسکیو ذرائع کے مطابق حادثے کا شکار ہونے والے افراد میں بیشتر کا تعلق سیالکوٹ سے تھا، جو عید کی چھٹیوں کے دوران سیر و تفریح کی غرض سے سوات آئے تھے۔ متاثرہ خاندان دریائے سوات کے کنارے ایک ہوٹل میں ناشتہ کر رہا تھا اور دریا کے نسبتاً خشک حصے میں موجود تھا کہ اسی دوران اوپر کے علاقوں میں ہونے والی بارش کے باعث اچانک پانی کا ریلا آیا اور سب کچھ بہا لے گیا۔
ذرائع کا کہنا ہے کہ جاں بحق ہونے والے بیشتر افراد ایک ہی خاندان سے تعلق رکھتے ہیں۔ ریسکیو آپریشن میں پاک فوج، مقامی پولیس اور رضاکار تنظیمیں شریک ہیں، جب کہ لاپتہ افراد کی تلاش جاری ہے۔
ماہرین موسمیات کے مطابق حالیہ دنوں میں درجہ حرارت میں غیر معمولی اضافہ اور گلیشیئرز کے تیزی سے پگھلنے کے نتیجے میں دریاؤں میں غیر متوقع ریلوں کی شدت بڑھ گئی ہے۔ ایسے حالات میں عوام سے اپیل کی گئی ہے کہ وہ احتیاط برتیں اور دریا کے قریب جانے سے گریز کریں۔
ضلعی انتظامیہ نے شہریوں کو متنبہ کیا ہے کہ دریاؤں کے اطراف میں سیر و تفریح کرتے وقت خاص احتیاط برتیں کیونکہ موسمیاتی تغیرات کے باعث اس قسم کے حادثات اب معمول بنتے جا رہے ہیں۔
.ذریعہ: Jasarat News
کلیدی لفظ: دریائے سوات
پڑھیں:
کراچی، دو مختلف ٹریفک حادثات میں موٹر سائیکل سوار 2 نوجوان جاں بحق
کراچی:شہر قائد میں نارتھ کراچی سمامہ مال کے قریب اور شارع فیصل نرسری کے قریب ٹریفک حادثات میں موٹرسائیکل سوار 2 نوجوان جاں بحق ہوگئے۔
تفصیلات کے مطابق بلال کالونی کے علاقے نارتھ کراچی سمامہ مال کے قریب منگل کی الصبح ٹریفک حادثے میں موٹرسائیکل سوار شدید زخمی ہوگیا۔
جسے ایدھی ایمبولینس کے ذریعے عباسی شہید اسپتال منتقل کیا گیا جہاں وہ دوران علاج زخموں کی تاب نہ لاتے ہوئے جاں بحق ہوگیا۔
ترجمان ایدھی عظیم کے مطابق جاں بحق ہونے والے شخص کی شناخت 22 سالہ وسیم ولد رفیع کے نام سے کی گئی ، حادثہ موٹرسائیکل گڑھے میں لگنے سے گر کر ہوا ، جاں بحق ہونے والے نوجوان کے سر زمین سے لگا جو جان لیوا ثابت ہوا۔
متوفی نارتھ کراچی دومنٹ چورنگی کے قریب فائزہ اپارٹمنٹ کا رہائشی تھا ، متوفی بریانی سینٹر میں نائٹ دیوٹی کرتا تھا اور واقعے کے وقت اپنی ڈیوٹی سے فارغ ہو کر ناشتہ لینے جا رہا تھا۔
جاں بحق ہونے والے نوجوان کے ورثا نے پولیس کارروائی کرانے سے انکار کر دیا، پولیس نے ضابطے کی کارروائی کے بعد لاش ورثا کے حوالے کر دی۔
ایک اور واقعہ میں فیروزآباد تھانے کی حدود شاہراہ فیصل نرسری کے قریب آج علی الصبح نامعلوم گاڑی کی ٹکر سے موٹرسائیکل سوار جاں بحق ہوگیا۔
جاں بحق ہونے والے نوجوان کی لاش جناح اسپتال منتقل کی گئی ، پولیس کے مطابق جاں بحق ہونے والے موکوام کی شناخت 22 سالہ سہیل احمد ولد نوید احمد کے نام سے کی گئی، پولیس حادثے کی ذمے دار گاڑی کے بارے میں تحقیقات کر رہی ہے ۔
بھارت کے ایک اور معروف مزاحیہ اداکار کسمپرسی کے عالم میں انتقال کرگئے