حکومتی نااہلی نے باران رحمت کو شہریوں کیلیے زحمت بنا دیا ہے، جماعت اسلامی
اشاعت کی تاریخ: 29th, June 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)امیر جماعت اسلامی ضلع حیدرآباد حافظ طاہر مجید نے اپنے بیان میں کہا ہے کہ حکومت اور حیسکو کی نااہلی اور ناقص کارکردگی نے بارانِ رحمت کو شہریوں کے لیے زحمت بنا دیا ہے، معمولی بارش نے حکومت اور حیسکو کے دعوئوں اور کارکردگی کی قلعی کھول دی ہے۔شہر کے بیشتر علاقوں میں گھنٹوں بجلی غائب رہنے سے شہری شدید ذہنی و جسمانی اذیت سے دوچار ہیں، بارش کے باعث سڑکوں پر جمع پانی کی نکاسی کا کوئی انتظام موجود نہیں جس کے باعث نظام زندگی مفلوج ہوکر رہ گیا ہے، انہوں نے کہا کہ حالیہ بارش سے نالوں،گٹروں کا پانی گلیوں، چوکوں اور چوراہوں پر جمع ہے جبکہ انہوں نے مزید کہا کہ چند گھنٹوں کی بارش میں نظام زندگی معطل ہو جانا مئیر حیدرآباد اور انتظامیہ کے ناقص کارگردگی کا منہ بولتا ثبوت ہے ،حکومت کی نااہلی، کرپشن، لوٹ مار اور کروڑوں روپے کے فنڈز غبن کرنے کی سزا آج اہلیان حیدرآباد بھگت رہے ہیں، مئیر حیدرآباد اور انتظامیہ حیدرآباد میں بارش کے بعد پیدا ہونے والی سنگین صورتحال کو بہتر بنانے کے لیے عملی اقدامات کریں انہوں نے کہا کہ حیسکو اپنا قبلہ درست کرے اور شہریوں کو ہنگامی صورتحال میں بجلی کی فراہمی یقینی بنانے کیلئے اقدمات اٹھائے ۔
.
ذریعہ
ذریعہ: Jasarat News
پڑھیں:
سندھ، پنجاب اور کے پی کے مختلف شہروں میں بارش اور مٹی کا طوفان
فائل فوٹوسندھ، پنجاب اور خیبرپختونخوا کے مختلف شہروں میں تیز ہوائیں، طوفان اور بارش ہوئی ہے جس سے متعدد علاقوں میں بجلی کی فراہمی متاثر ہوگئی۔
خیبرپختونخوا میں مختلف حادثات میں 20 سے زائد افراد زخمی ہوئے ہیں۔
سندھ کے علاقے تھرپارکر میں بارش، سکھر میں ژالہ باری، لاڑکانہ، حیدرآباد، مٹیاری، ہالہ، نیو سعیدآباد، شکارپور اور کندھ کوٹ میں مٹی کا طوفان آیا ہے۔
اسلام آباد، لاہور، جہلم، سرگودھا، گجرات، رحیم یار خان، چنیوٹ سمیت پنجاب کے کئی علاقوں میں بارش ہوئی۔
تیز ہوا کے باعث لوئر کرم میں بجلی کی مین لائن کا ٹاور گر گیا، پاراچنار اور اس کے ملحقہ علاقوں اور پاک افغان سرحدی دیہات کی بجلی بند ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ