مہوش حیات کو کیسے ہمسفر کی تلاش ہے اور مستقبل کے ارادے کیا ہیں؟ اداکارہ نے سب بتا دیا
اشاعت کی تاریخ: 29th, June 2025 GMT
معروف اداکارہ مہوش حیات نے کہا ہے کہ ان کے نزدیک شادی ایک جُوا ہے، اور وہ اس اہم فیصلے میں کسی قسم کی جلد بازی نہیں کرنا چاہتیں۔
’فوچیا میگزین‘ کو دیے گئے تازہ انٹرویو میں اداکارہ نے اپنی ازدواجی ترجیحات، فنی سفر، مستقبل کے منصوبوں اور عمر سے متعلق معاشرتی رویوں پر بے لاگ گفتگو کی۔
یہ بھی پڑھیں مہوش حیات نے بالآخر شادی کا فیصلہ کرلیا لیکن کس سے؟
مہوش حیات نے کہاکہ وہ حقیقت پسند ہیں اور ایسے شریکِ حیات کی خواہاں ہیں جو ان کی زندگی میں سکون لائے اور جس پر وہ مکمل اعتماد کر سکیں۔
ان کا کہنا تھا کہ وہ رومانوی مزاج ضرور رکھتی ہیں، مگر شادی جیسے اہم معاملے میں محتاط رویہ اختیار کریں گی۔ ان کے مطابق کچھ لوگوں کے لیے شادی اولین ترجیح ہو سکتی ہے، لیکن وہ چاہتی ہیں کہ یہ فیصلہ سمجھ داری اور مکمل غور و فکر کے بعد کیا جائے۔
انہوں نے انٹرویو میں بتایا کہ وہ مستقبل میں ہدایتکاری کا ارادہ رکھتی ہیں اور ڈراموں کے سیٹ پر ہدایتکاروں کے اندازِ کار کا بغور مشاہدہ کرتی ہیں تاکہ وہ تجربات ان کے لیے آئندہ کام آئیں۔
اداکارہ نے روحانیت پر بات کرتے ہوئے کہاکہ اللہ کے ساتھ ان کا تعلق بہت ذاتی اور خاص نوعیت کا ہے، اور وہ تنہائی میں اس سے بات کر کے سکون پاتی ہیں۔
مہوش حیات نے عمر سے متعلق معاشرتی رویے پر بھی تنقید کرتے ہوئے کہا کہ پاکستان میں مرد اداکاروں کو تو بڑی عمر میں بھی کم عمر اداکاراؤں کے ساتھ باوقار انداز میں پیش کیا جاتا ہے، مگر خواتین کے لیے وقت جیسے رُک جانا چاہیے۔
انہوں نے کہاکہ مغرب میں عمر کو اس قدر اہمیت نہیں دی جاتی، وہاں فنکاراؤں کی مہارت اور کام کو سراہا جاتا ہے، جب کہ یہاں عمر کو لے کر غیر ضروری تنقید کا سامنا کرنا پڑتا ہے۔
یہ بھی پڑھیں مہوش حیات اور ہنی سنگھ ایک ساتھ، میوزک ویڈیو کب آرہی ہے؟
ان کا کہنا تھا کہ بڑھتی عمر ایک قدرتی عمل ہے جس سے ہر انسان گزرتا ہے، اور اداکاراؤں سے متعلق غیر منصفانہ توقعات رکھنا درست رویہ نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اداکارہ شادی مستقبل کے ارادے مہوش حیات ہمسفر کی تلاش وی نیوز.ذریعہ: WE News
کلیدی لفظ: اداکارہ مستقبل کے ارادے مہوش حیات ہمسفر کی تلاش وی نیوز مہوش حیات نے کے لیے
پڑھیں:
ایجنٹس کے پاس چکر اور کمیشن کی ٹینشن ختم! بینظیر انکم سپورٹ کی رقم اب کیسے ملے گی؟
ویب ڈیسک :وزیراعظم شہباز شریف نے کہا ہے کہ پاکستان کی جانب کیش لیس معیشت کی طرف پیش قدمی پائیدار اقتصادی ترقی کے حصول میں اہم کردار ادا کرے گی، انہوں نے زور دیا کہ ملک کو عالمی سطح پر جاری ڈیجیٹل ٹرانسفارمیشن کے رجحانات کے ساتھ ہم آہنگ رہنا ہوگا۔
وزیراعظم نےگذشتہ روز اسلام آباد میں کیش لیس معیشت کی پیش رفت کا جائزہ لینے کے لیے اعلیٰ سطح کے اجلاس کی صدارت کی اور کہا کہ پاکستان نے پہلے دن سے ہی ڈیجیٹلائزیشن کو ترجیح دی ہے اور اس کے نتائج اب ظاہر ہونے لگے ہیں۔
سموگ' فضائی آلودگی کی روک تھام کیلئے کریک ڈاؤن' 26 مقدمات' متعدد گرفتار
اجلاس میں بریفنگ کے دوران بتایا گیا کہ اب بجلی اور گیس کے بلوں کی ادائیگی راست کیو آر کوڈ سسٹم کے ذریعے ممکن ہو گئی ہے، جس سے صارفین نقدی کے بجائے ڈیجیٹل طور پر ادائیگی کر سکتے ہیں۔
وزیراعظم کو آگاہ کیا گیا کہ بینظیر انکم سپورٹ پروگرام کے تحت ایک ملین ڈیجیٹل والٹس تیار کیے گئے ہیں جو ماہ کے آخر تک مکمل فعال ہو جائیں گے، اور مستقبل میں قسطوں کی ادائیگی براہِ راست ڈیجیٹل ٹرانسفر کے ذریعے کی جا سکے گی۔
محسن نقوی کا شاہین چوک انڈر پاس پراجیکٹ کا دورہ، تعمیراتی سرگرمیوں کا معائنہ
اجلاس میں یہ بھی بتایا گیا کہ اسلام آباد کی حکومتی خدمات کے لیے موبائل ایپلیکیشن کو راست پیمنٹ پلیٹ فارم سے منسلک کیا گیا ہے، اور دارالحکومت میں جاری تمام نئے بزنس لائسنس اب ڈیجیٹل ادائیگی کے نظام سے مربوط ہیں۔
موجودہ دکانوں کو بھی کیو آر کوڈ کی ادائیگی کے قابل بنایا گیا ہے جبکہ نئے ڈیجیٹل بینکوں کے لائسنس جاری کیے جا رہے ہیں تاکہ ملک بھر میں مالی رسائی کو بڑھایا جا سکے۔
اجلاس میں کہا گیا کہ پاکستان کی آبادی کا 68 فیصد اب مالیاتی شمولیت میں شامل ہے، جو ڈیجیٹل فنانس کے استعمال میں بڑی پیش رفت کی علامت ہے۔
نشانہ بازی میں مہارت، عسکری تربیت کا بنیادی مقصد رہنا چاہیے: فیلڈ مارشل سید عاصم منیر
وزیراعظم نے وزارتوں کو ہدایت دی کہ مالی شمولیت کو مزید بڑھایا جائے اور مقررہ وقت کے اندر کیش لیس معیشت کے تمام اہداف حاصل کیے جائیں اور ان اصلاحات سے حکومت کی شفافیت مضبوط ہوگی اور بدعنوانی میں کمی آئے گی۔
اجلاس میں وزیر خزانہ محمد اورنگزیب، آئی ٹی وزیر شزہ فاطمہ خواجہ، گورنر اسٹیٹ بینک جمیل احمد، چیئرمین ایف بی آر راشد محمود لنگڑیال اور نادرا سمیت دیگر محکموں کے سینئر افسران نے شرکت کی۔
بلوچستان میں 3 روز کیلئے مسافربس سروس معطل ، نوٹیفکیشن جاری
سندھ کا این ایف سی ایوارڈ اور 18ویں ترمیم رول بیک کی مخالفت کا اعلان