پاکستان کی ILO انٹرنیشنل لیبر کانفرنس میں نمائندگیNLF
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
نیشنل لیبر فیڈریشن پاکستان کے صدر شمس الرحمن سواتی اور سیکرٹری جنرل حسیب الرحمن بین الاقوامی ادارہ محنت (ILO) کے تحت ہونے والی انٹرنیشنل لیبر کانفرنس (ILC) میں شرکت کے لیے مورخہ 2تا 13جون جنیوا روانہ ہوئے جہاں انہوں نے پاکستان کے مزدوروں کی نمائندگی کا فریضہ سر انجام دیا۔ جنیوا کانفرنس دنیا بھر کے تمام رکن ممالک سے سہ فریقی وفود پر مشتمل ہوتی ہے، جن میں حکومت، آجر (مالکان) اور مزدوروں کی اعلیٰ سطحی نمائندگی شامل ہوتی ہے۔ پاکستان سے وفاقی وزیر چوہدری سالک حسین، مزدور رہنما ظہور اعوان بھی اس کانفرنس میں شریک ہوئے۔ ILC دنیا بھر کے لیے عالمی لیبر معیارات کا تعین کرتی ہے۔ ان معیارات کی منظوری کے بعد مختلف ممالک ان کنونشنز کو تسلیم کرتے ہیں اور ان کی روشنی میں اپنی قانون سازی کرتے ہیں۔ نیشنل لیبر فیڈریشن کو ماضی میں بھی بین الاقوامی سطح پر نمائندگی کا اعزاز حاصل رہا ہے، جب نیشنل لیبر فیڈریشن پاکستان کے بانی صدر پروفیسر شفیع ملک کی قیادت میں 1978ء سے 1984ء تک وفد نے مزدوروں کی نمائندگی کی۔ اب 31 سال بعد ایک مرتبہ پھر نیشنل لیبر فیڈریشن کو شمس الرحمن سواتی کی قیادت میں یہ اہم موقع ملا ہے۔ اس مقام کو حاصل کرنے کے لیے بلاشبہ شمس الرحمن سواتی نے بڑی محنت اور جدوجہد کی۔ بلاشبہ نیشنل لیبر فیڈریشن تمام مزدوروں کو
ساتھ لے کر چلنے کی صلاحیت رکھتی ہے۔ ماضی میں بھی مختلف ٹریڈ یونینز اور فیڈریشنز کو مشترکہ نکات پر متحد کر کے ایک مضبوط آواز بلند کی گئی اور ان شاء اللہ مستقبل میں بھی یہی عزم جاری رہے گا۔ یہ اقدام وقت کی اہم ترین ضرورت ہے۔ مزدوروں کو درپیش سنگین مسائل کے حل، استحصالی نظام کے خاتمے اور آئین کے مطابق حقوق کی فراہمی کے لیے مؤثر جدوجہد ناگزیر ہے۔ ٹریڈ یونینز کو فروغ دیا جائے، مزدور خوشحال ہوں اور ہر فرد کو تعلیم، علاج اور رہائش کی سہولیات میسر آئیں۔ یہی
مزدور تحریک کا مقصد اور عزم ہے۔ آئی ایل او کے ڈائریکٹر جنرل گلبرٹ بنگیو سے بھی شمس الرحمن سواتی اور سیکرٹری جنرل حسیب الرحمن نے خصوصی ملاقات کی۔ جبکہ پاکستان کے یونائیٹڈ نیشن میں سفیر بلال کی جانب سے اپنے گھر میں دیے جانے والے عشائیہ میں بھی خصوصی طور پر شرکت کی۔ بے شک جنیوا میں ہونی والی 13ویں انٹرنیشنل لیبر کانفرس میں نیشنل لیبر فیڈریشن کے وفد کی شرکت مسلسل جہدوجہد اور پرخلوص محنت کا نتیجہ ہے اور عالمی سطح پر نیشنل لیبر فیڈریشن کی یہ نمائندگی ایک اعزاز کی بات ہے۔ مزدوروں کی حقیقی آواز نیشنل لیبر فیڈریشن کامیابی کی جانب سے رواں دواں ہے اور وہ دن دور نہیں جب مزدوروں کے حقیقی مسائل حل ہوں گے اور سرمایہ دارانہ نظام کا خاتمہ ہوگا۔
ذریعہ
ذریعہ: Jasarat News
کلیدی لفظ: نیشنل لیبر فیڈریشن شمس الرحمن سواتی پاکستان کے مزدوروں کی میں بھی کے لیے
پڑھیں:
وزیراعظم کا آئی ٹی برآمدات 4.6 ارب ڈالر تک پہنچنے پر اطمینان کا اظہار
سٹی42: وزیراعظم محمد شہباز شریف کی زیرِ صدارت آئی ٹی شعبے کے اسٹرٹیجک روڈ میپ پر پیش رفت کا جائزہ لینے کے لیے اعلیٰ سطح کا اجلاس منعقد ہوا، جس میں وزارتِ انفارمیشن ٹیکنالوجی و ٹیلی کام کی کارکردگی اور ڈیجیٹل معیشت کے فروغ سے متعلق اقدامات پر بریفنگ دی گئی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اجلاس میں وزیراعظم نے پاکستان کی سالانہ آئی ٹی برآمدات میں 21 فیصد اضافے کے ساتھ 4.6 ارب امریکی ڈالر تک پہنچنے پر وزیرِ انفارمیشن ٹیکنالوجی اور متعلقہ ٹیم کو مبارکباد دی۔ انہوں نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کے فروغ کے لیے اختیار کی گئی پالیسیوں کا نتیجہ ہے اور آئی ٹی شعبے کی ترقی حکومت کی اولین ترجیحات میں شامل ہے۔ وزیراعظم نے ہدایت کی کہ آئی ٹی سے متعلق تربیتی کورسز کی معتبر تھرڈ پارٹی ویلیڈیشن یقینی بنائی جائے اور تربیت کے معیار پر کسی قسم کا سمجھوتہ نہ کیا جائے۔ انہوں نے ملک بھر میں ڈیجیٹل انفراسٹرکچر کو مزید بہتر بنانے کی بھی ہدایت کی۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
اجلاس کو بریفنگ میں بتایا گیا کہ موبائل اسپیکٹرم جون 2025 کے 274 میگا ہرٹز سے بڑھ کر جون 2026 میں 880 میگا ہرٹز ہو چکا ہے، جس سے انٹرنیٹ کی رفتار اور کنیکٹیویٹی میں نمایاں بہتری آئے گی۔ اس کے علاوہ "کنیکٹ پاکستان وژن 2030" کے اجراء کی تیاریوں سے بھی آگاہ کیا گیا۔بریفنگ کے مطابق باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، جبکہ پاکستان میں اسمارٹ فون استعمال کرنے والوں کا تناسب 2024 کے 62 فیصد سے بڑھ کر جون 2026 میں 72 فیصد ہو گیا ہے۔ جون 2026 تک 5.1 ملین گھروں کو فکسڈ براڈ بینڈ یا فائبر کنکشن فراہم کیے جا چکے ہیں۔ اجلاس کو بتایا گیا کہ گزشتہ مالی سال آئی ٹی برآمدات میں فری لانسرز کا حصہ 1.164 ارب ڈالر رہا، جبکہ "ڈیجیٹل نیشن پاکستان" کے تحت 130 سرکاری خدمات کو ڈیجیٹلائز کیا جا چکا ہے۔ اسی عرصے میں آئی ٹی شعبے میں 942,646 تربیتی سرٹیفکیٹس جاری کیے گئے، 5,053 ہائی اینڈ تربیتی پروگرام اور لیڈرشپ و سافٹ اسکلز سے متعلق 2,700 تربیتی سیشنز منعقد کیے گئے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
بریفنگ میں مزید بتایا گیا کہ ویمن انوویشن اینڈ اسٹارٹ اپ ایمپاورمنٹ لیب کا افتتاح جلد کیا جائے گا، جبکہ چینی کمپنی علی بابا کے ساتھ مفاہمتی یادداشت کے تحت متعدد وفاقی وزارتوں اور اداروں میں مصنوعی ذہانت کے منصوبوں اور تربیتی پروگراموں پر کام جاری ہے۔
اجلاس میں وفاقی وزراء اعظم نذیر تارڑ، احد خان چیمہ، شزا فاطمہ خواجہ، خالد مقبول صدیقی، وزیرِ مملکت بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری حکام نے شرکت کی۔
شہر میں بارش سے بجلی کا ترسیلی نظام متاثر، 130 سے زائد فیڈرز بند
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار