جیکب آباد،زیرو ریکوری والا فیڈر سارا دن چلنے کا انکشاف
اشاعت کی تاریخ: 30th, June 2025 GMT
data-id="863a0a8" data-element_type="widget" data-widget_type="theme-post-content.default">
جیکب آباد (نمائندہ جسارت) جیکب آباد سیپکو کی بل دینے والے صارفین سے زیادتیاں،بل نہ دینے والوں پر مہربان شکایات،زیرو ریکوری والا فیڈر سارا دن واٹر سپلائی فیڈر پر چوری پر چلنے کا انکشاف۔ تفصیلات کے مطابق جیکب آباد میں سیپکو حکام کی بل دینے والوں سے زیادتیاں بڑھ گئی ہیںصارفین کی جانب سے ہزاروں روپے کے اضافی بل بھیجنے کی شکایات میں اضافہ ہو گیا ہے تو دوسری جانب بل نہ دینے والوں پر سیپکو حکام انتہائی مہربان نظر آتے ہیںزیرو ریکوری والے مولاداد فیڈر سارا دن واٹر سپلائی فیڈر پر چوری پر چلنے کا انکشاف ہوا ہے مولاداد فیڈر پر 18گھنٹے جبکہ واٹر سپلائی فیڈر پر رات پونے 11سے صبح پونے 7تک بجلی بند رہتی ہے اور دن کو سارا دن واٹر سپلائی پر سیپکو کی طرف سے بجلی فراہم کی جاتی ہے جس پر پورا مولاداد فیڈٖر چوری پر چلتا ہے اس کے باوجود سیپکو حکام بڑے پیمانے پر ہونے والی اس بجلی چوری پر کوئی کارروائی نہیں کرتے اور یہ سلسلہ برسوں سے چلا آرہا ہے،بجلی چوری کے خلاف ملکی سطح پر مہم جاری ہے لیکن جیکب آباد میں سیپکو حکام بجلی کی اس بڑی چوری پر مجرمانہ خاموشی اختیار کیے ہوئے ہیںاور تاحال بجلی چوروں کی جاری یہ مہم مولاداد فیڈر پر ہونے والی چوری کو روکنے میں ناکام ہے۔ شہر کے سیاسی سماجی حلقوں کا کہنا ہے کہ زیرو ریکوری والا فیڈر پورا دن چلتا ہے اور بل دینے والے صارفین کو اعلانیہ ،غیر اعلانیہ بلاجواز لوڈشیڈنگ کے ساتھ ساتھ بدترین ٹرپنگ کا سامنا کرنا پڑتا ہے اضافی بل بھی بل دینے والوں کو بھیجے جاتے ہیںجنہیں پورا دن بھی مسلسل بجلی نہیں ملتی،سیپکو بجلی چوری مہم بھی عام صارف اور چھوٹے چور تک محدود ہے بڑے بجلی چوروں کے خلاف سیپکو حکام کارروائی تک نہیں کرتے الٹا انہیں مسلسل بجلی کی فراہمی کے لئے چار فیڈر کی لائنیں دی گئی ہیںسیپکو کی بجلی چوری مہم سے لاکھوں کی بجلی چوری کرنے والے کارخانے ،چکیاں ،ہال ،ہوٹل ،میڈیکل سینٹر اور دیگر محفوظ ہیںسیپکو حکام کا بل دینے والے صارفین سے ایسا رویہ قابل افسوس ہے جیکب آباد سیپکو کی زیادتیوں کا وزیر پانی و بجلی ،چیئرمین واپڈا ،نیپرا نوٹس لیکر صارفین سے انصاف کریں اور واٹر سپلائی فیڈر پر بڑے پیمانے پر ہونے والی بجلی چوری روکنے میں ناکام سیپکو حکام کے خلاف سخت اور مثالی کارروائی کی جائے تاکہ سیپکو عملہ آئندہ ادارے کو نقصان پہنچاکر بااثر بجلی چوروں کی سہولت کاری سے باز آجائیں۔
.ذریعہ: Jasarat News
کلیدی لفظ: دینے والوں سیپکو حکام جیکب ا باد بجلی چوری سیپکو کی چوری پر
پڑھیں:
جیکب آباد ،جے یو آئی کا وزیراعلیٰ پنجاب کے بیان پر سخت ردعمل
data-id="863a0a8" data-element_type="widget" data-widget_type="theme-post-content.default">
251002-05-11
جیکب آباد (نمائندہ جسارت) جے یو آئی سندھ کے قائد علامہ راشد محمود سومرو کا حکومت سندھ کی ملازم دشمن پالیسیوں اور وزیر اعلیٰ پنجاب مریم نواز کے پانی پر متنازع بیان کے خلاف سخت ردعمل، ملازمین اور سندھ کے عوام کے حق کیلیے جدوجہد جاری رکھنے کا اعلان۔ تفصیلات کے مطابق جمعیت علما اسلام سندھ کے قائد علامہ راشد محمود سومرو نے کہا ہے کہ سندھ حکومت کی ملازم دشمن پالیسیوں اور وزیر اعلیٰ پنجاب مریم نواز کے پانی سے متعلق متنازع بیان پر شدید ردعمل ظاہر کیا ہے۔ انہوں نے کہا کہ صوبائی حکومت سرکاری ملازمین کے ساتھ ناانصافی کر رہی ہے۔ وفاق اور دیگر صوبوں کے ملازمین کو وہ تمام مراعات دی جارہی ہیں جن سے سندھ کے ملازمین محروم ہیں۔ ایک طرف مہنگائی کا طوفان ہے اور دوسری طرف سندھ حکومت پنشن میں کٹوتیاں کرکے ملازمین کا معاشی قتل عام کر رہی ہے۔ ڈسپرٹی ریڈکشن الاؤنس (DRA) بھی سندھ کے ملازمین کو نہیں دیا جارہا حالانکہ یہ ان کا بنیادی حق ہے۔ انہوں نے مطالبہ کیا کہ سندھ کے ملازمین کو دیگر صوبوں کے برابر تنخواہیں اور مراعات دی جائیں، مہنگائی کے تناسب سے تنخواہوں میں اضافہ کیا جائے اور پنشن کٹوتیاں واپس لی جائیں۔علامہ سومرو پانی کے مسئلے پر وزیر اعلیٰ پنجاب مریم نواز کے بیان کو سخت تنقید کا نشانہ بناتے ہوئے کہا کہ پانی کسی ایک صوبے کی نہیں بلکہ پاکستان کی بقا اور سلامتی کا مسئلہ ہے۔ مریم نواز کا یہ کہنا کہ پانی پنجاب کا ہے بھارتی مؤقف کی تائید اور قومی یکجہتی کے لئے سنگین خطرہ ہے۔ پانی برف پوش پہاڑوں اور بالائی علاقوں سے بہہ کر آتا ہے، اسے صوبائی ملکیت قرار دینا نہ صرف غیر آئینی اور غیر اخلاقی ہے بلکہ خانہ جنگی کو ہوا دینے کے مترادف ہے۔ اسلامی اصول کے مطابق آخر والوں کا حق پہلے ہے اور چونکہ سندھ آخری کنارے پر ہے اس لئے سندھ کے حصے کا پانی روکنا یا کم کرنا سراسر ظلم ہے۔انہوں نے کہا کہ پنجاب کے بڑے شہر یورپ جیسے نظر آتے ہیں جبکہ سندھ کا سب سے بڑا شہر کراچی کھنڈر بن چکا ہے، یہ فرق پیپلز پارٹی کی مسلسل 18 سالہ بدترین حکمرانی کا نتیجہ ہے۔ پیپلز پارٹی اور مسلم لیگ ن کی لفظی جنگ دراصل عوام کو بے وقوف بنانے کی کوشش ہے کیونکہ وفاق میں ن لیگ کو سہارا دینے والی سب سے بڑی پارٹی خود پیپلز پارٹی ہے۔جے یو آئی سندھ کے قائد نے واضح کیا کہ جمعیت علماء اسلام سندھ کے محنت کش ملازمین اور عوام کے ساتھ کھڑی ہے اور ان کے حقوق پر کسی صورت سمجھوتا نہیں کیا جائے گا۔ ملازمین کے جائز مطالبات کی تکمیل اور سندھ کے حصے کے پانی کے تحفظ کے لئے سیاسی و عوامی جدوجہد جاری رہے گی۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ